مرحبا

ميمي ..

ايه كلها ثلاث شبابيك ..

الاول تسليم الاوراق .. الثاني بصمات .. الثالث مقابلة

الوصول الى داخل السفارة صعب .. اما اذا دخلت من باب السفارة .. كل شيء بعده سهل

بس قبل الباب حق السفارة .. فيه تنتظر 3 شهور على ما يجي دورك

- - - - -

بس والله اهني ابوووك على اختيار المدينة .. عسى بس مع الوقت تجووز لك

ترى مع كثر الطلعات والتجول بين الولايات والمدن .. بتشوفين ان مدينتك ولا شيء

وعلى هالاساس تفكرين تغيرينها .. وانا ما انصحك ..

بس ما دام معك ابوووك انسي تغيرين .. الله يخليه لكم

سوري والله مانتبهت لردك ...
والله انا مختار كاليفورنيا لسمعتها الزينه .. بس شرايك بمدينه ساندييقو...؟ تصلح والا لا ...؟
ميمي
اي ولايه انتي لوس انجلس ..؟

اي تذكرت فيه ثلاث شبابيكـ ..

اي يقول ابوي مقدم من فتره يمكن له اكثر من ثلاث شهور الله يعينك يا عبود

اي انا بلوس انجلس ,, بريفرسايد ..

اي المدينه مره هاديه وابوي يتذكر اشياء فيها ويحبها تعرف الأبوان يحبون الهدوووء وما فيه زحمات ملو من زحمة الرياض بس ان شاء الله بسويلنا ويكند حلوو نطلع فيه على دزني وباقي الشغلات ..!!

اهاااه المشكله انا ابوي الي نصحني بكاليفورنيا .. ذكرياته كلها هناك ..
الله يعينا عالسرا اجل 3 شهور كنها واجده والله

اي كثير المفروض انك مخلص شغلك من بداية السنه دامك تبي تطلع ذا الصيف حنا بادين من بداية الدراسه وحنا نحوس بين ذا السفارات ..

عبودي

المنتدى مليان معلومات عن سان دييغو .. والعم غوغل ما يقصر طال عمره .. اكتب فيه .. ويطلع لك
وشف مميزات المدينة وعيوبها هل هي تناسبك ولا لا .. ثم بعدها احكم
وترى كلنا انتظرنا اكثر من 5 شهور .. انا مقدم من شهر 2 قبل 5 شهور .. وقابلت قبل اسبوعين
يعني عااااادي لا تستغرب ..

- - - - -

ميمي يا مالك من الطلعات .. عاد لوس انجلس .. وش خليتي يبي لك خطة كاملة علشان تزورين كل شيء فيها

اي من جد نبي نحلل هالروحه اماهاعلى مزاج الوالد مودينااااااا < ما تبي تروح كانت

اما 5 شهووور كثيييييييير
وش اسوي الفكره توها تنقز براسي
خصوصاً ان اخوي استقال من وظيفته وعزم عالدراسه برا
والظاهر هذا الي بيصير وياي
الله يعين الجميع ان شاء الله

الله يعينك ويسر امرك بس

يالله انا استأذن الحين الساعه 5 الفجر عندنااا ودايخه ودي انام

وبالخدمه الي يبي اي شي

سي يووو

ميمي .. صدقيني لا تهتمين بالطلعات .. ترى دايم اللي يخططون لطلعاتهم .. هم اكثر ناس يطفشون

لأن اذا جمعتي معلومات كثيرة عن كل شيء .. اذا رحتي ما راح تتفاجئين وتستانسين .. لأنك اصلا عندك هالمعلومة عن هالشيء

كل شيء احب اجمع فيه معلومات الا الطلعات اللي زي كذا

نوووم العوافي .. وتصبحين على خير .. عندنا بيأذن العصر الحين

- - - - -

عبووودي

طيب اجل رح بريطانيا .. ما تاخذ منك ولا شهر قبولها ..