لطلاب جامعة سان فرانسيسكو وجنوب كاليفورنيا

أول شيء .. اذا على حساب الحكومة .. الحكومة هي تتكفل بكل شيء

اما اذا انتي مستعجلة ,, يا طويلة العمر

1- يكون عندك ضمان مالي يكفيك سنة كاملة للدراسة ويكون بحسابك .. تستخرجين الضمان المالي من سامبا .. ويكون حسابك فيه كحد أقصى 100.000 ريال

2- بعد ما تستخرجين الضمان .. تشوفين لك مكتب .. أو أنتي سوي كلمي الجامعة بنفسك على ايميلهم ..
وفيه دائما بموقع الجامعة ابليكشن بياناتك تعبينه .. وتدفعين فيه من 30 - 100 دولار .. وترسلينه لهم

3- بيرسلون لك . انهم يبون من ::

أ- صورة من جواز السفر .. ساري
ب- صورة من الضمان المالي اللي استخرجتيه من سامبا
ج- صورة مترجمة ومعتمدة من شهاداتك السابقة

وهم بعد فترة يرسلون لك الاي توني I-20

اذا ارسلوا لك الاي توني والقبول وكل شيء .. طبعا بيرسلونه على DHL
تروحين تقدمين موعد بالسفارة .. وترسلين لهم صورة القبول والاي توني بموقع السفارة .. وهم يعطونك موعد

طبعا الموعد بيطول .. يمكن يوصل لـ 5 شهور .. انتي وحظك عاد .. وطبعا تسددين للسفارة اكثر من 500 ريال

ثم بعد المقابلة والفيزا ان شاء الله .. تاخذين امر اركاب .. وعلى الديرة اللي انتي تبين

.......

واذا مالك بهالسواف .. او ما عرفتي كيف

فيه مكاتب هم يزينون لك كل شيء تبينه .. قبول وموعد سفارة وكل شيء

واذا على حساب الحكومة .. برضوا هم يزينون لك كل شيء .. وترى باب الابتعاث انفتح اليوم

الله يوفقك ياربي

هلا والله حياك الزعيم

يعطيك ألف عافية ماقصرت كفيت وفيت الله يجزاك خير

هي في كل الأحوال على حساب الحكومة
بس حسب ماأعرف أن إدارة الابتعاث والتدريب عشان تعطيني ابتعاث على حساب الحكومة
تطلب قبول مبدئي من اي جامعة أنا احددها
وأهم شي يكون ضمن التخصصات المطلوبة (مناهج / قياس وتقويم/ اشراف/ تقنيات)

يعني انا احوس على جامعة تقبلني ثم أجيب القبول للسادة في إدارة الابتعاث ثم هم يرفعون اوراقي للتفرغ
بنفس طريقة تقديم تفرغ الماستر هنا في الرياض
جبت القبول ثم نسقت التفرغ والابتعاث الداخلي

هذا اللي اعرفه ولا ادري لو كان الابتعاث الخارجي والتفرغ لجامعات أجنبية غير ؟؟؟؟

اذا تعرف خطوات غير هذي ياليت تنورني الله يعافيك



وعلى طاري مكاتب القبول لو عندك خلفية عن مكتب موثوق او شخص يقدر ينسق لي من نفس الجامعة اكون شاكرة لك

ومن بدأ بالمكارم فليتمها