لاهل كورفاليس , اوريجون

وشي خامس بعد ... ايش افضل بنك في المدينة او الولاية بشكل عام ؟

وعليكم السلآم والرحمة والإكرام .. هلا و غلا أخوي aramcawy
أخبارنا بخير تسرك .. وانت بخير وصحة وسلامة أخوي ..

بالنسبة لأسئلتك إجايتها كلها عندي لأني حاليا موجود بـ corvallis ومن أهلها بعد

طبعا خلني اقولك شي قبل اجاوبك على اسئلتك ترى المدينة الحين تعتبر شبه فاضية لان بعد ما انتهى الـfall term 15000 الف طالب سافروا راحوا لاهلهم ومابقوا الا عدد قليل من الطلاب السعوديين واهل المدينة وطبعا العرب المسلمين الموجودين طوول السنة

بالنسبة لسؤالك الاول الحين درجة الحرارة باااردة مرررة مرررة يعني لازم تجيب معاك 3 او اربع بجامات وكثر من الجاكيتات ولاتنسى المظلة انا الحين اكلمك ودرجة الحرارة 2 وفيه صقيع على السيارات من قووة البرد يعني حاول تدفى نفسك زيييين ولا تنسى ان الشتاء جااي يعني الله يعينك وبالنسبة للمطر صار لنا اسبوعين ماجانا مطر بس مع الاسابيع الجاية راح يكون اكيييد فيه مطر والثلج قليل ينزل على المدينة يعني ممكن مرتين بالسنة بس اهم شي كثر الملايس الشتوية ولو تجيب علاجاتك من السعودية افضل يعني المضادات الحيوية والكلام هذا

بالنسبة للسكن السكن متوفر الان بالفترة هذي كثييير مرررة وانا شوور عليك انك تسكن بـالـ park west هذي شقق كثير بمنطقة وحدة وفيها نظام الغرفة وفيها نظام الغرفتين وبصراااحة شقق حلووة مررة وهاادية واكثر اللي ساكنين فيها طلاب الجامعة يعني بتتعرف على نااس هناااك وفيها تقريبا 10 سعوديين هناااك طبعا اول ماتجي راح تدفع 35 دولار للابليكيشن و575 deposit اللي هو راح يرجع لك بعد ماتطلع من السكن وبالنسبة للايجار ماهو غالي مررة يعني اذا تبي نظام شهر بشهر راح يكون الايجار 575 دولار واذا تبي نظام فترة طويلة يعني 6 شهور او سنة راح يكون الايجار 525 دولار وطبعا السكن فيه laundry و مسبح وفيه صندوق بريد خاااص فيك وتبعد عن الجامعة 7 دقايق مشي يعني مناسبة مررة اذا تبي تسكن لحالك وفيه شقق ثااانية طبعا اذا تبي وطبعا هي مو مفروشة بس تقدر تشتري اثاث مستعمل وكانه جديد طبعا السرير مش حيكلفك اكثر من 300 دولار وكنبتين تقريبا 400 او 500 دولار وعدة المطبخ ماتكلف كثير مرررة

بالنسبة للمواصلات فيه الباصات اللي هو (Corvallis transportation sestym) اللي هو CTS وفيه محطة باص قريبة من السكن اللي قلت لك عنه بس يعني مايحتاج انك تروح بباص لان الجامعة قريبة مرررة

بالنسبة لعيادة الاسنان فيه عيادتين فيه خااصة وفيه حكومية اللي هي بالمستشفى بس ما ادري عن اسعارهم ولا عن خدماتهم بس اكيد انك بتلقى شي عن التقويم

بالنسبة للبنوووك فيه بنكين هم افضل بنكين يعني بالWEST COAST اللي هم US bank و Bank Of America وانا اتعامل مع bank of america وانصحك انك تتعامل معاه لان خدماته حلوووة مرررة وبنك سهل التعامل معه

حياك الله اخووي باي وقت واذا تبي شي ثااني تقدر تضيفني على الايميل وانا تحت الخدمة azoo0z@hotmail.com
الله يحفظك ويوفقك

الف الف الفين شكر لك اخوي عالمعلومات القيمة ومن جد اشكرك من كل قلبي وانشالله نردلك معروفك اول مانوصل بس عندي نقطة بسيطة ... السكن ممكن لو تجيبله اسمه بالتحديد عشان اقدر احجز فيه مسبقا ,, ولا ايش تنصحني اول ماوصل هناك اسكن بفندق مؤقتا الين ما القى ولا كيف ؟؟

اسف اخوي اذا تعبتك معاي بس تحملنا شويتين

هلا و غلا أخوي

ماله دااعي الشكر انا ماسويت شيء بس مجرد معلومات ومايحتاج ترد المعروف لاننا كلنا اخوان ومابيننا معاريف ومشاريه

بالنسبة للسكن اسمه park west تابع لشركة sterling management اللي تعتبر اقوى شركة بالمدينة واكثر الشقق بتحصلها تابعه لها

بالنسبة اذا تبي تسكن بفندق عندك motel inn هذا موجود بالداون تاون ورخيص مررة وحلوو يعني ماعمري سمعت احد يشتكي منه وقريب من الجامعة هذا شيء بسيط وحلو ويمشي الحال اما اذا تبي تسكن بفندق عندك Hilton Garden inn هذا موجود قدام الملعب حق الجامعة وجنب السكن اللي قلت لك عنه فوق ويبعد عن الجامعة 5 دقايق مشي ومدري عن اسعاره بس على ما اظن انه شوي غالي

بالنسبة للسكن لاتشيل هم اول ماتجي اسكن بالموتيل وبعدها فرفر على الشقق براحتك واختار اللي يناسبك

اي خدمة انا بالخدمة .. يالله فمان الله .. اذا عندك سؤال لا تستحي اسال

شدعوه اخوي والشكر اقل شي ممكن اقوله لك ... ويعطيك الف عافية اخوي عالمعلومات القيمة ... وماتقصر يالغالي

انا صراحه من سكان بورتلاند..بس مو معناها اني مارحت لها وشفت الجامعه..
الجامعه تعتبر اقوى جامعه في غرب امريكا في الهندسه..جامعه جدا جدا قويه...بس المدينه ..كلاام ثاني...للاسف ممله...اذا انت منت راعي وناسه وطلعات...وتحب الحركه..وراهي بس تكي في الشقه..وتكبس هالكبسه وتقابل هالنت..فانصحلك هالمدينه
المدينه طبعا مطر...اوريقن تقريبا كلها مطر...وعندك بحر قريبه لك مره ولا نص ساعه..بس بحرهم باارد مافي امل تسبح به..اخبر في عز الصيف رحت هناك ولا ماقدرت ادخل نص رجلي..
بالنسبه للسكن أكيد بتلقى شئ حلو تقريبا 600-800 دولار والعيشه هناك رخيصه...

بالنسبه للعلااج الاسنان هذا الشئ الوحيد الي معرفه..بس ماتوقع يسمح لك بالتوقيم على التأمين الصحي الي معك ..الا اذا بتسويه على حسابك

ممكن تفزعون لي يا أخوان لاني جاي بعد 25 يوم إن شاء الله ولا أعرف الجو والاسعار كيفها
هذا ايميل اتمنى ما يحذف لأني على اسمي محتاج (تم حذف الإيميل لأن عرضه مخالف لشروط المنتدى)

مشكوووووووووووور

السلام عليكم انا ابغى احجز الى كورفاليس اش أساوي