California State University, Sacramento تجمع اهل ساكرمنتو ^_^

شكرا على المعلومات ... كانت مفيدة جدا
بس ياليت أحد يفيدني اذا فيه روضة تستقبل الأطفال سن 4 سنوات وحضانه لطفل عمره سنه وتكون قريبة من الكوميونتي بارك

وعليكم السلام
بالنسبة للأمان أعتقد أن شاء الله أنها آمنه والمقاطع حتى في السعودية فيه مقاطع مضاربات
أهم شي في أي مكان بالعالم انك تعرف وين تكون ومتى تروح وتجي والتوقيت ووش تلبس
مثلا ما تلبس لبس فخم وماركة غالية وتروح تتمشى على رجولك في مكان زي الداون تاون أو الأماكن اللي تشتهر بوجود مشردين فيها ..
أما الغلا فأعتقد أن كاليفورنيا عموما تعتبر غالية نوعا ما بالنسبة لباقي الولايات لكن تظل أفضل الخيارات.
أما الاستقبال فالموضوع بسيط إن شاء الله حتى لو ماعندك لغة حاول تحجز عند عائلة قبل تطلع من السعودية أفضل لك من السكن لوحدك.
وادخل على صفحة الطلاب السعوديين في ساكرامنتو على الفيس بوك يعطونك أجابت أوفى . وبالتوفيق للجميع إن شاء الله.

الله يعطيك العافيه يارب .. وان شاء الله اجي على الكوارتر الثاني باذن الله وربك ييسرها وشكرا على المساعده

سلام عليكم

كم درجة الآيليتس المطلوبة للدخول الى الجامعة؟

وشكرا

للماستر 7 وللبكالوريس 6.5

السلام عليكم ورحمة الله وبركاته.......

انا اريد معلومات عن مدينة سكرامنتو و عن معهدها وقوة تدريسة و نظامه وعن اي شي يخص المدينة فا يلت من يملك اي معلومة يفيدنا بها وشكراا لكم..

المدينة بشكل عام أقل من عادية.. الجرائم فيها مرتفعة قليلاً بالنسبة لكاليفورنيا.
المعهد حقها أكاديمي من الدرجة الأولى وتدرسهم قوي جداً.. وقوانينهم صارمة وماعندهم لعب يعني حق ناس تبغى تدرس.
ونظامه عبارة عن 8 مستويات كل مستوئ شهرين.. وبعد كل مستوى اجازة من اسبوعين لثلاثة أسابيع.
وفي البداية يعملوا لك اختبار تحديد مستوى وعلى أساسه يحطوك في المستوى المناسب لك.
ساكرمنتو تعتبر من أرخص المدن من ناحية الأجارات..
إذا عندك أستفسارات أخرى إن شاء الله أفيدك فيها!

تسلم اخوي طيب يا اخوي هل المعهد يعطي قبول مشروط لدخول الجامعة وبعد نهاية ليفل كم ادخل الجامعة للبكالريوس والمدينة فيها جرايم اكثير يعني تنصحني اروح لها او لا لا واسعار الايجارات كم تقريباا حسب خبرتك اذا تكرمت

أسمي بيان يعني بنت..
يعطي قبول مشروط بس قبولهم معقد.. وتقدر تدخل الجامعة بعد اللفل الثامن.
صراحة الجامعة والمعهد جداً ممتازة لكن المدينة يعني نص ونص فيها جرائم بس اللي يقعد في السليم مايجيه شيء.
يعني انا كنت ساكنة في شقة غرفتين وحمامين وأنت بكرامة ب 1200 وهذا يعتبر مرة ممتاز بالنسبة لكاليفورنيا وإذا تبغى أرخص ممكن تلاقي..
إذا عندك اي أسئلة ثانية أنا بالخدمة.

السلام عليكم اخوتى الاعزاء..... ويارب يجعل كل ماتقدموه من معلومات فى ميزان حسناتكم .. اود اسأل خوتى اللى بمدينة سكرامنتو عن اسم المعهد الجيد بالمدينة واتمنى اتواصل مع اى حد يقرا فيه لانه لديا بعض الاسئله مثل عنوان المهد وهل يوجد سكن ضمن المعهد للطلبه وغيرها من الاسئله لذلك اتمنى اى شخص وخصوصا يكون طالب بالمعهد ان يتواصل معى وخصوصا انا فى صدد اتخاد قرار الدراسه بالخصوص فأتمنى (يُمنع كتابة أو طلب وسائل الإتصال الخاصة) حتى اتواصل مع اخوتى الاعزاء ...املى كبير بسرعة الرد .. وجزاكم الله احسن الجزاء