LinkBack URL
About LinkBacks
معليش معلوماتي ما تشمل أسئلتكـ <<- يدور الدعوة ,, بس بقولكـ أخـتـيـآركم لأوريغون كـآن صــآئـب ,,,
شباب وبنـآت أوريغـون مـآ رآح يقصروا معـآكـ ..
7 " شباب وبنـآت أوريغـون مـآ رآح يقصروا معـآكـ ..
دعوة من القلب ........ لليجاوبني
دعوة من القلب ........ لليجاوبني
تنبيه: هذا الموضوع قديم. تم طرحه قبل 5599 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- 7 "الله يجزاك خير ويرزقك ما تتمنى مستر سمايل ..
دخولك وتعليقك يكفي ..
لا حرمك الله الأجر ..
زوجت بكرا ( اذا ما كنت متزوج) ورزقت السعادة أبدا وأمداً
- اختي وش تقصدين من هالجامعتين علشان افيدك7 "
Portland State University
ولا
University of Portland - 7 "مشكور أخوي الله يجزاك خير
ويرزقك ما تتمنى ويسعدك في الدنيا والآخرة
الجامعة طبية اختصارها OHSU
يا ليت ألقى عندك جواب أو أحد الأخوة ....
- وعليكم السلام ورحمة الله وبركاته7 "
هلا والله ومسهلا اختي
الله يجزاك على دعوتك واللي نقوم فيه في هالمنتدى هو واجب علينا وليس تفضلا .
انا تقدرين تقولين خبير في بورتلاند بس لا احد يسالني عن سوالف الاطفال ومدارسهم. لاني والله ما اعرف شي
طبعا بخصوص السكن ، الجامعة اللي بتروحون لها تعتبر في الداون تاون وهي في منطقة جدا راقية والسكن جنب الجامعة جدا جدا غالي لانها منطقة جديدة وكلها ابراج حتى الجامعة نفسها. خيارات السكن المتوفرة لازم تضحين بحاجة من ثنتين ، يا انك تضحين بحجم الشقة وتكسبين المسافة ( يعني يكون السكن جنب الجامعة ) ولا انك تضحين بالمسافة بس تكسبين حجم كبير.
المواصلات الموجودة في بورتلاند تعتبر من افضل المواصلات في امريكا. وسبب افضليتها هو انها تربط جميع المناطق ببعضها وايضا حداثة الاسطول وايضا الدقة في المواعيد . انا من رايي تسكنون في منطقة اسمها بيفرتون ( Beaverton ) وفيه مجمعات في بيفرتون ملاصقة لسكة القطار اللي ينزلك بالجامعة تقريبا. افضل مجمع منها وهو فيه عدد لا باس فيه من العوائل السعودية واسم المجمع لا سيل ( La Salle ) اسعارهم حلوة جدا ، يعني تاخذين عندهم بيت صغير يسمونه تاون هاوس ( townhouse ) وهو في العادة عبارة عن ثلاث غرف نوم مع دورتين مياه او ثلاث مع صالة وصالة طعام ومطبخ وقراج لسيارة او ثنتين والسعر يتراوح بين ١٠٠٠ - ١٢٠٠ دولار . طبعا هذا السعر يالله تحصلين فيه شقة في الداون تاون غرفة نوم وحدة وصالة ومطبخ ودورة مياه وصغيرة مرة تكون.
بيفرتون منطقة حلوة وراقية وافضل سكنيا من بورتلاند . تبعد بالقطار عن الجامعة حوالي الربع ساعة .
بالنسبة للمدارس العربية ماعندي اي خبر عنها بس انا ما سمعت فيها . ممكن يكون فيه بس انا ما اعرف عنها شي
بخصوص المعهد ، افضل معهد بالنسبة لك اذا كانت لغتك متوسطة فهو المعهد التابع لجامعة Lewis & Clark College.
اما اذا كانت لغتك ضعيفة فانصحك بمعهد التابع ل Portland State University
بالنسبة للحجاب ، اذا تقصدين غطاء الوجه الكامل ، ففيه كم وحدة من اخواتنا يلبسونه ومافيه اي مضايقات عليهم في الحياة العادية .
اذا كنتي تقصدين غطاء الراس ، فالكثيير الكثير من السعوديات او من المسلمات يلبسونه وما فيه اي مضايقات نهائيا .
موفقين ان شا الله - أخوي الشهراني ..7 "
جزاك الله ألف خير من جد فرجت عننا كربة
وفقك الله وأسعدك ونلت ما تتمنى ..
استفدت من معلوماتك كثيرا ..
August 31st, 2009, 12:14 AM
سعدت جدا بانضمامي في هذا المنتدى .. أسأل الله أن يجعل ما تقدمونه في موازيين حسناتكم ..
أخواني عندي أسئلة وأتمنى تجاوبوا عليها ( والله راح أدعيلكم باللي تتمونه في هذا الشهر الكريم )
زوجي طالع دورة تدريبة في جامعة اوريغون ببروت لاند وراح نجي أنا والأولاد معاه ( بنتين وولدين ) وعندنا كم استفسار :
1/ نبغى شقق قريبة من الجامعة ما تحتاج سيارة أو بعيدة شوية فيها على الأقل غرفتين نوم .. أو ممكن قرية قريبة من بورت لاند تكون المعيشة فيها أقل بس مو بعيدة عن الجامعة ؟؟
2/ هل في مدارس عربية أو اسلامية هناك اولادي ثالث وثاني ابتدائي وش الحل معاهم ؟؟ ممكن ادرسهم في البيت وأختبرهم ..ولا اش السواة؟؟
3/ أتمنى أدرس لغة هل هناك معهد تنصحوني فيه ؟؟
4/ أبغى حضانة عشان بنتي ولدي الصغار؟؟
5/ كيف الحجاب هناك عادي ولا في تشديد عليه ؟؟
طبعا أنا قرأت ما كتب عن أهلها وطيبتهم وأنها مليئة بالسعودين فمن هنا أنا حابة أتعرف على أخوات فبورت لاند
الله يوفق كل من قرأ رسالتي وأجاب باللي يتمناه يارب ...