خاص لولاية ايداهو مدينة بوكاتيلو

up up up

ياشباب ياليت تفيدونا عن مدينة بوكاتيلو


لاتنسونا من معلوماتكم المفيده يا اهل الخبرة

وماراح ننساكم من خالص دعاءنا

والله يومياً أدخل على الموضوع .

بس ماش ما اشوف فيه جديد .. ايه تعرف مدينة تعتبر ميته بالنسبة لأمريكا وابداً مو معروفة


أنا والله يومياً شغال استكشاف في موقع جوجل ماب على الستريت فيو والله تقريباً فيها كل المطاعم اللي تخطر ببالك يعني أقصد الفاست فود او المطاعم من طقة فدركرز وانت رايح .

ماشفت مول في المدينة ولا أتوقع فيه ,, لكن فيه بعض المراكز تكون فيها مجموعة محلات بينها هايبر ماركت بالإضافة لوكالات السيارات منتشرة في المدينة , وفيها حديقة لابأس فيها .

من عيوب المدينة البرد الشديد جداً يعني درجات الحرارة في الشتاء تحت الصفر على الأغلب ولحد شهر 5 الجو فيها بارد ,, يقال انها في الصيف حارة اكثر من انها دافيه .

فيه مدينة تعتبر بالنسبة لأمريكا قريبة لكن بالنسبة لنا بعيدة .. تبعد عن بوكاتيلو 250 كيلو اسمها سولت ليك .

هذي تقريباً تعتبر المتنفس الوحيد كـ مدينة متكاملة يتوفر فيها داون تاون ومولات تسوق ومتنزهات يعني بالعربي مدينة امريكية تحس انك عايش في امريكا فعلاً .

نتمنى من الاخوة المتواجدين هناك يعطونا اكثر تفاصيل واكثر معلومات عن المدينة واذا فيه صور ياليت .

ياشباب أنا تقريباً يوم السبت الماضي أرسلت خطاب موجه من الوزارة عن طريق المكتب اللي وفر لي قبول (تجسير)


يفيد بالرغبة من التحويل من ولاية لـ آخرى .. هل تتوقعون يكون فيه تجاوب من الوزارة



وهل بوكاتيلو سبب مقنع لتغير المدينة , لأني حتى لما جيت أكتب الخطاب أحس ان الأسباب نوعاً ما غير مقنعة (برد شديد , ومدينة قليلة الخدمات , بعيدة عن كبريات المدن ) !!

يعني شرايكم وش توقعاتكم , لأني ما اقتنعت ابداً بـ بوكاتيلو خاصة لما أشوف اغلب قبولات الناس ولايات صح .

MR FINANCE انسى التحويل انا ضربت مشوار من الدمام للرياض اخر شي يقولون لي التزم بقبولك ومافيه اي تغيير
بعدها رحت المكتب(تجسير )ونفس الكلام
رحت ورجعت بدون فايدة

وانت معنا في بوكاتيلو ؟؟


المشكلة الآن وش السواة مع الفيزا تصدق لحد الآن مااخذت موعد مع السفارة واساساً كل الشباب اللي آخذوا موعد مالقو الا من ابريل وطالع وانا دراستي تبدأ في نهاية مارش ,, والله مشكلة .


بالنسبة للتحويل ..انا والله ضربت حصاتي وأخذت بكلام السوداني ارسلت خطاب وهو ارسله للوزارة ويقولك الحق الكذاب لين باب كذبه ونشوف وش يصير بالرغم اني متأكد انه مافيه امل .

بسم الله الرحمن الرحيم
( وعسي ان تكرهوا شيئا
وهو خير لكم وعسي ان تحبوا شيئا
وهو شر لكم والله يعلم وانتم لا تعلمون) .
صدق الله العظيم ( 216 )

ياشباب لا تستعجلون على التغير يمكن المدينه خير لكم

واذا عن الاماكن , عندك الويك اند روح للي تبي

انا عن نفسي بتوكل على الله ومن يتوكل على الله فهو حسبه


وبالتوفيق للجميع

هي ميزتها أنها آمنه والله أعلم


أقرب مالك في الويك اند سولت ليك .. بس الباقي كله بعيد حتى عاصمة الولاية boise city تبعد أكثر من 350 كيلو يعني ثقيلة شوي .


على العموم وش سويتوا بخصوص موعد الفيزا .

يعطيك العافيه على المجهود

وجزيت خيرا وكفيت شرا

ولاتحرمنا من ابداعاتك

وبالنسبه للفيزا حتى انا ما حجزت لان

1- دراستي اساسا متأخرة

2-لان ما عندي حساب بالبنك عشان ادفع <<< هل لازم تفتح حساب؟؟؟


وربي يوفقكم لما يحب ويرضى

أنت قصدك بالنسبة للموعد في السفارة ؟

إذا كذا لابد يكون عندك فيزا او ماستر كارد , على اساس تقدر تسوي لك حساب تسجل منه موعد بالطريقه الموجوده والمشروحة في المنتدى وبس .

الله يجزاك خير ياخوي


ولاتنسى لا تحرمنا من جديدك



وشكرا