خاص لولاية ايداهو مدينة بوكاتيلو

انا عندي عدة استفسااارات
1 - نوعية السكن المستقل هل هو نظيف وهل يتوفر بسرعه ولا يبيلك مده لين تحصل سكن كويس لاني جاي بالعائله وهل يتوفر داخل السكن وسائل للتدفئه وماهي وكم تراوح اسعار السكن الممتاز
2 - الامن في هذي البلده كييييف
3 - الجو كم اقل درجه ممكن يوصلها لان معي طفل عمره 7 شهور
4 -البنيه التحتيه للبلده من كهربا وماي ومواصلاات واتصالات ( اهم شي الجوال والانترنت )
5 - نوعية اهل المدينه هل هم ودودين ولا انطوائيين يعني يمدينا نسولف معاهم ولا ( ممنوع الاقتراااب ) تخبرون نبي نستفيد من اللغه
6 -وسائل الترفيه نوعين ( مولات وسينما وملاهي ) او ( مناظر طبيعيه ) هل تحتوي المدينه على شي منها وماهو نرجو توضيحه تخبرون الويك اند الواحد يبي يمشي عياله فيه
7 _ هل كل شي متوفر بالمدينه ومولاتها من ملابس ومطاعم وسوب ماركت ولا نجيب ملابس شتويه معانا
8 -الي عنده صور للمدينه ياليت يفرجنا عليها
وآسف على الاطاااااله تحملونااااااااااااااااااا وشكرا للجميع مقدما وبالتوفيق

انا عندي عدة استفسااارات
1 - نوعية السكن المستقل هل هو نظيف وهل يتوفر بسرعه ولا يبيلك مده لين تحصل سكن كويس لاني جاي بالعائله وهل يتوفر داخل السكن وسائل للتدفئه وماهي وكم تراوح اسعار السكن الممتاز
من ناحيه يتوفر بسرعه انت وحظك انا سكنت بفندق 4 ايام الين لقيت لي سكن .. دور بقوقل قبل ماتجي بكم يوم لالقيت لك شي مناسب احجزه .. اسعار السكن الممتاز من 500 الى 800 $
2 - الامن في هذي البلده كييييف
جدا امنه
3 - الجو كم اقل درجه ممكن يوصلها لان معي طفل عمره 7 شهور
ما ادري كم بالضبط تقريبا -15 الى 20
4 -البنيه التحتيه للبلده من كهربا وماي ومواصلاات واتصالات ( اهم شي الجوال والانترنت )سؤال وجيه
ماعندهم جوالات للاسف ولا انترنت << اجل كيف ترد عليه الحين؟ خخخ
5 - نوعية اهل المدينه هل هم ودودين ولا انطوائيين يعني يمدينا نسولف معاهم ولا ( ممنوع الاقتراااب ) تخبرون نبي نستفيد من اللغه فرندلي مره وسولف بيدك ورجلك
6 -وسائل الترفيه نوعين ( مولات وسينما وملاهي ) او ( مناظر طبيعيه ) هل تحتوي المدينه على شي منها وماهو نرجو توضيحه تخبرون الويك اند الواحد يبي يمشي عياله فيه فيها مول كانه عيني صغير ووسوبرماركت كبير فيه كل شي وفيه مناظر طبيعيه تزلج وو
7 _ هل كل شي متوفر بالمدينه ومولاتها من ملابس ومطاعم وسوب ماركت ولا نجيب ملابس شتويه معانا
جب معك بس لاتكثر لان ملابسهم هنا رخيصه وحلوه مو هنا يعني بوكاتيلو الحبيبه هنا يعني بامريكا عامه لاتقول اني وهقتك وخليك تجي بملابس صيفيه
8 -الي عنده صور للمدينه ياليت يفرجنا عليها

وآسف على الاطاااااله تحملونااااااااااااااااااا وشكرا للجميع مقدما وبالتوفيق
لا ابد

بالتوفيق انشاء الله للجميع

ههههههههههههههههههههههههههههههههههههه يا اابو زايد اظاهر ان حنا نكتب الرد بنفس الوقت

هههههههههههههههههههههههههههههههههههه
يستاهلوون والله الاخوان ووواجب علينا وانا اخوك انا وانت وكل واحد انه يفيدهم باي شي يحتاجونه
وبالتوفيق للجميع انشاء الله

طيب بالنسبة لمعهد ELS مستواه كيف في بوكاتيلو سمعت أنه سئ .

ثانياً بالنسبة للسكن ..هل يفضل مع عائلة او استئجار شقة .

بالنسبة للجو هل فعلاً درجات الحرارة تحت الصفر على الأغلب في الليل والنهار ,,طبعاً هذا على حسب مواقع الاحوال الجوية .

بس اللي ودي أعرفه أكثر ,,البرودة هل مزعجة جداً لدرجة أنك ماتقدر تطلع من البرد , ودائماً ثلوج أو ان درجة الحرارة ماتعكس الوضع الفعلي .


أخيراً ..مافيه الا مدينة سولت ليك قريبة ممكن نروحها بالسيارة ,, الطيران الاقتصادي التذكرة تقريباً بكم أسعارها كحد ادنى .

يا شباب ترا في مدينة Idaho Falls شمال بوكاتيلو وتبعد عنها ساعة تقريبا
وقرأت ان فيها خدمات اكثر من بوكاتيلو اما Salt Lake فهي بعييييدة

شباب بعد التحيه ماجورين وسلا... الخ ممكن اقدر اتواصل مع الاخوان مز1جي وصالح ال شيبان عن طريق الاميل

طيب بالنسبة لمعهد ELS مستواه كيف في بوكاتيلو سمعت أنه سئ .
جدا
ثانياً بالنسبة للسكن ..هل يفضل مع عائلة او استئجار شقة .
الافضل العائله طبعا علشان تقوي لغتك وتلقى اكلك جاهز وملابسك مغسله ووو
بالنسبة للجو هل فعلاً درجات الحرارة تحت الصفر على الأغلب في الليل والنهار ,,طبعاً هذا على حسب مواقع الاحوال الجوية .
الجو متقلب يعني يجيك الصبح برد مره وتلبس الدولاب كله ولاجاء الظهر تلقى الجو دافئ
بس اللي ودي أعرفه أكثر ,,البرودة هل مزعجة جداً لدرجة أنك ماتقدر تطلع من البرد , ودائماً ثلوج أو ان درجة الحرارة ماتعكس الوضع الفعلي .
درجه الحراره ماتعكس درجه الحراره الفعليه يعني احيانا -2 وتقدر تتمشى وتروح وتجي اذا ماكان فيه هوا

أخيراً ..مافيه الا مدينة سولت ليك قريبة ممكن نروحها بالسيارة ,, الطيران الاقتصادي التذكرة تقريباً بكم أسعارها كحد ادنى
سولت وايداهو فولس .. التذكره حسب وجهتك واذا كانت دايركت او ترانزيت وحسب حجزك اذا قبل الرحله بيوم او يومين راح تكون التذكره غاليه اما اذا حجزت قبلها باسبوع او اكثر راح تقل عليك التكلفه طبعا

شباب ترا في مدينة Idaho Falls شمال بوكاتيلو وتبعد عنها ساعة تقريبا
تبعد 45 دقيقه

وقرأت ان فيها خدمات اكثر من بوكاتيلو اما Salt Lake فهي بعييييدة

salt lake بعيده مين يالطيب كلها ساعتين وانت بوسط salt lake ومناظر وجبال ماتحس بالخط