خاص لولاية ايداهو مدينة بوكاتيلو

كفييت ووفيت ياليامي

وصدقني أنا حاس بكل كلمة قلتها وحتى فاهمها ,,لأني ماتتخيل كيف عملت مسح كامل بالانترنت طبعاً على المدينة مابقى شي ماطلعته فيها لذلك واضح جدا جدا كيف المعيشة في المدينة وهل هي ممله او لأ .

طبعاً اللي افدتني فيه أكثر شي وصدمتني فيه مع الآسف هو مستوى المعهد وتكدس السعودين يعني فعلا صدمة ,, وش بقى لنا من إيجابيات المدينة , وأنا متأكد أنه فيه كثير توقعوا المدينة هادية ورايقه وكلها اهل البلد والعرب معدومين فيها .

جد والله غريبه ..والظاهر والله العالم امريكا كلها بالشكل هذا .


هل تنصحوني ياعالم أغير الدولة !!؟

تغير دوله كامله علشان مدينه ؟ كلام غير منطقي هذا الصراحه امريكا من افضل الدول في التعليم وين بتروح استراليا مثلا؟ كلهم عنصريين وماراح ترتاح .. شوف للمعلوميه السعودين بكل مكان بتلقاهم لكن هنا لان المدينه صغيره وملل تشوفنا بالويك اند نجتمع ونطبخ ونتعشى مع بعض ونسولف ونطلع مع بعض ونروح ونجي لان مافيه اي شي يشغلنا

لكن في المدن الكبيره لو تروح لها وتشوف يمر من جنبك السعودي ماكانه يعرفك لاسباب كثيره اولا مشغولين ثانيا
المعاهد في المدن كبيره يجيهم قروبات من البرازيل وايطاليا وكولومبيا والسعوديين ضايعين في وسطهم الطلاب الاجانب كثير مره وصداقاتك راح تكون مع الاجانب منها تتعلم لغه وتتعلم الثقافات حقتهم ولغتهم وتغيير بعد
الي انصحك فيه انك تروح لك مدينه كبيره تحس انك في امريكا صدق لو تطلع بالشارع وتتمشى على رجلك تنبسط

هنا تطلع وين تروح قريه صغيره وفوق كذا الجو مايساعد ابدا على المشي او على الرياضه الا بالصيف واحيانا يدفى الجو لكن مو دايم بالشتاء .. الجامعه هنا من اقوى الجامعات خاصه في تخصص الصيدله يجون لها من ولايات كثيره علشان يدرسون صيدله .. اممم المشكله الحاصله الحين ان المعهد ججدا سيئ ويسقطونك في المستوى التاسع او العاشر لاجل العائد المادي لان مافيه طلاب كثير كل عددنا تقريبا 60والسعوديين يمكن 35 او اكثر والجامعه تنتظر طلاب المعهد يتخرجون ويجون للجامعه لكن مايجوونهم يتاخرون .. فكان فيه اجتماع من الجامعه خاص لطلاب الي ال اس يقولون لنا وش الاسباب الي ماتخلينكم تجون للجامعه وتحولون للولايات ثانيه وانتو ماخلصتوا اللغه وقلنا لهم بسبب المعهد سيئ ولا الجامعه جدا قويه والحين جالسين يدرسون الموضوع واحتمال انهم يفتحون معهد خاص بالجامعه تحت مشرفين من الجامعه .. وهذا في صالحنا .. فيه سبب ثاني خاص لطلاب الماستر معهد اي ال اس في بوكاتيلو مايحضرك للاختبار التوفل او الايلتس او جي ار اي والجيمات .. بينما المعاهد الثانيه تحضرك للامور هذي .. هذي من ضمن الاسباب .. اتمنى اني وضحت لك امور كثير وبالتوفيق

أخوي مستر فاينانس الامور ماوصلت لهالدرجة انك تفضل اي دولة على امريكا في الدراسة والله لا بريطانيا ولا استراليا ولا دول العالم كله بتصير مثل امريكا في الدراسه وثانيا ترى المدن كثيرة والمقاطعات اللي فيها الجامعات كثير بس والله ماعندي اي خلفية عن أي شي منها ولكن يا اخواني زي ماقلت لكم خاصه للي بيجي يدرس المعهد ترى صعب والله خصوصا اذا ماعنده لغة ،المعهد اللي فيه تكدس سعودي 100 بالميه وعلى فكرة لا حد يفكر يروح سولت ليك للدراسه لان اهلها عنصريين ومتشددين على ديانتهم ولكن اذا تبي تروح لها للتسلية عادي

ما أدري بس سمعت الكلام هذا حتى في بعض المدن ..سواءً من سوء مستوى المعاهد او تكدس السعوديين ..

الفرق أن المصائب في بوكاتيلو لاتأتي وحيده ,, عموماً أنا لازلت أحاول أعمل تحويل لـ ولاية ثانية .


المكتب ماقصر معي لكن جاتني رسالة من أمريكا يقولون فيها أن تغيير المعهد إذا جيت أمريكا أسهل من تغييره قبل الوصول لـ أمريكا وغير كذا قالوا أن تغييره الآن شبه مستحيل بسبب إمتلاء جميع المعاهد .

على كلامه إذا وصلت أمريكا في أقل من شهر تقدر تغيره ,, بالرغم أن الاغلبيه هنا في المنتدى قالوا تغييره في امريكا صعب جداً ولا أدري أصدق مين , في النهاية شكله مافي تغيير .

hi every budy
انا ابغى تسأل عن باكاتلو في ايداهو هل المدينة هذي في اكل حلال [محلات فيها ذبح اسلامي ]
هل الجو يساعد لو جا الواحد مع عائلتة لان عندي بنت عمرها اشهر من ناحية 1. الطقس 2. المعهد هل كله طلاب مافي طالبات لان لاهل جايين معي في البعثة فأذا هذي الولاية كويسة بنسبة لهم فسوف اراسل المعهد واجيب قبول .


وشكرا

نـــــفــــــــس الـــــسؤال

بالنسبه للاكل الحلال الشباب هنا يشترون ذبايح ويذبحونها بانفسهم وفيه بعد سوداني يذبح الذبايح بمقابل

والمطاعم اغلبها اكلها كويس فيه مطعم هندي وومطاعم فاست فود

بالنسبه للمعهد فيه شباب مع زوجاتهم يعني الوضع عادي جدا بالنسبه لدراسه لحرمك المصوون

لكن المعهد بصراحه تكلمنا عنه في حلقات سابقه ارجع للصفحات الي قبل وراح تعرف وش اقصد

بالنسبه للجو مافيه اي مشكله لان البيوت دافئه جدا يوجد فيها تدفئه وفي المعهد وفي المولات وفي الجامعه وكل مكان

بالتوفيق للجميع

المشكله ان الاسئلة تنعاد مرات ومرات ياخواني اذاعندكم اسئلة مكرره من ناحية السكن وكيف طبيعة المدينة ترى الاجابات راح تلاقونها بالصفحات السابقة واذا فيه اسئله اخرى مافيه مشكله حنا حاضرين

هل يوجد حضــــــانة في بوكاتلو واذا فية هل تابع للمعهد او الجامعة او غير ذلك وبكم يتراوح السعر في الشهر الواحد , ياليت اللي عندة معلومة يعلمنا ...

" شكرا يا نصراوي بس ترى الهلال راح بعيد "

أخــــواني

مزاجي وصالح اليامي


جــــــزاكم الله خير الجـــــــــــزاء


وجميع اخواننا الذين شاركوا باسئلة مفيدة

فانتم تنقلون لنا الصورة التي لانرها لانكم تعيشونها حقيقة

وانتم الذين جعلتم من اوقاتكم فرصة لنا ولاستفساراتنا

فبارك الله لكم وجعلكم خير سفراء لوطنكم


ارجو منكم ان تتحملونا على الاسئلة

وارجو من اخوننا الذين يريدون الاستفسار ان يتصفح هذا الموضوع قبل السؤال لانه قد يكون السؤال مجاب عليه

ولكم مني عظيم الشكر والامتنان