اريد جامعه متساهله في درجة التوفل للدراسات العليا ايش الحل

كـم درجة الـTOEFL اللي مـعـك ؟

على فكرة إذا خلّصتِ سنة , فيبقالك 6 أشـهـر ثانية وهذي مدة كافية جدا جدا لتحضير الـTOEFL والحصول على قبول جامعي.

انا درست سنه وسته اشهر اختبرت التوفل وحصلت على 447 واختبرت الايلس وحصلت على 5,0

من الحلول المتاحة الحصول على اختبار ميشغن بنسبة 85
او الحصول على شهادة معهد ELS للمستوى 112 والتقديم على الجامعات التي تقبل نفس الشهادة بدون توفل

بس يبقى عليك موضوع GRE

الحل الثالث توقفين البعثة وتروحين السعودية وتحاولين بالتوفل من هناك

أختي حاولي تركزين على اختبار IELTS لأنه مره أسهل بكثير من التوفل .حاولي مره ومرتين وثلاث ولا انتي خسرانه شي وأن شاء الله تجيبن اللي في بالك .
هذا الرابط فيه كل الجامعات الامريكية اللي تقبل IELTS
الله يوفقك ويسهل امرك .
http://www.ielts.org/pdf/USA_Recognition_List.pdf

هذا كتاب يساعد طلاب في تخطي هذه الإختبار
HOW TO PREPARE FOR THE IELTS

BARRON'S
موقع الكتاب
http://barronseduc.stores.yahoo.net/0764179357.html

وأفضل الشراء من موقع amazon
الرابط
http://www.amazon.com/Barrons-IELTS-.../dp/0764179357

موقع لتدريب على الإختبار
www.scottsenglish.com

اتمنى للجميع التوفيق

الله يسهل امرك ويكتب لك و لنا وللجميع النجاح و التوفيق

نفس حالتي يا اختي انا حاولت مرات مع التوفل و الان باذن الله باحاول مع الايلتس

كرري المحاولة والله كريم

انا راح اطلب تمديد لفترة اللغة و يارب يسهل و يتم الامر

في مدينة مانشستر ولاية نيو هامشر (الله من البرد) ، الجامعة تطلب 6.5 آيلتس. بس لحظة!! .. هذا للفل تايم .. واللي معه 6 ممكن يدخل على بارت تايم بحيث ينزل كم ساعة من الماستر ويدرس لغة بنفس الوقت، أما لو كان الآيلتس أقل من 6 .. لازم دراسة لغة في معهدهم وبعد ما تعدين المعهد تدخلين الماستر. J





الجامعة في ولاية نيوجيرسي في مدينة West Long Branch .. ساعة عن نيويورك ، و3 ساعات ونص عن الملحقية وأتوقع ولاني متأكد إن مافيها سعوديين كثير ..
الجامعة أبشرك تطلب 5 بس في الآيلتس!!
وهذا الرابط عشان تتأكدينMonmouth University: International Graduate Student TOEFL Requirements





جامعة ولاية أركانساس في مدينة Jonesboro
يطلبون 6 للقبول النهائي ، و 5.5 للقبول المشروط
وهذا رابط المتطلبات العامة http://www2.astate.edu/a/internation...s/graduate.dot





ولاية نيو مكسكيو، مدينة لاس كروسيس
يطلبون 6 ، لكن ممكن يعطون قبول مشروط لو ما كان معك 6 ، وهالكلام من هالرابط:
http://prospective.nmsu.edu/internat...ply/index.html





مثل ماهو واضح من الاسم الجامعة في ولاية ميتشيجن
يطلبون 6.5 للماستر ، لكن ممكن يعطون قبول مشروط لو معك 4 آيلتس، بس بصراحة ما فهمت بالضبط وش المقصود .. عموما هالمعلومة جبتها من هالملف (لغة عربية):
http://www.emich.edu/admissions/form...uatearabic.pdf





يطلبون 6 لكن ما أدري إذا يعطون مشروط أو لا.


طبعاً في حاجات ثانية تساعد على القبول بعد توفيق الله، ما راح أقول الدعاء والصدقة وبر الوالدين لأن الشي هذا مفروغ منه وعارف إنك عارفينه، لكن من الأشياء المهمة، موضوع السيرة الذاتية وخطاب الغرض من الدراسة، حاول قد ما تقدر إنك تهايط فيه، اكتب أنا أعرف وسويت واستويت عشان يقتنعون فيك خصوصاً إذا صار معدلك يساعد.



الله يوفقنا وإياك يارب.


أختي meroo وجميع من قرأ ردي أتمنى منكم الدعاء لا غير.

.
.
.

وعلي فكرة ..
ترى الواحد لو ما حصل قبول ممكن يسوي تأجيل للبعثة لمدة فصل دراسي ويرجع السعودية وإذا جاب قبول يرجع.
طبعا خلال فترة التأجيل راح يكون على الهولد، يعني ما ينزله راتب. والحلو في الموضوع إن مدة التأجيل راح تضاف إلى قرار الابتعاث، يعني ماراح تروح بالفاضي.
هذا كلام مشرفتي لأني مسوي تأجيل.

بالتوفيق.

جزاكم الله خير اخواني واخواتي والله ما قصرت ردكم كان جدا مفيد ومحمس لي
الله يوفقكم كلكم يارب ويسر اموركم