المشاركة الأصلية كتبت بواسطة دكتورة طموحة
دحين هذي الفلل كيف نظامها
بس غرفه وحمام ومطبخ
والخدمات الباقيه مثل المسبح وملعب التنس وصالات الحديد مشتركه والا كل شقه لها قسم خاص يعني مشاءالله اغلبها بالمسابح مو عارفه كيف نظامها اللي عنده خلفيه
ياسمينا انتي مكتبك بس يعرض صور مو ناجح لازم يعطينا معلومات عامه شوفي شغلك زين والا بنغير التعامل مع مكتب ريوووومه
أفااااااااااا !!! مكتبي مو ناجح !! مو هذا العشم !! لووووووووووول
شوفي دكتورة..الخدمات الباقية كلها مشتركة اللي قلتي عليها..ما في أقسام خاصة ولا حتى أيام خاصة "مع إني أتمنى و الله
"
بالنسبة للمعلومات عن كل مجمع سكني، أنا أقولك..
انتي اضغطي على أي مجمع سكني عجبك موقعه أو سعره من القائمة اللي بالصفحة اللي حطيت لكم اللنك حقها، بتفتح لك صفحة السكن هذا بالذات بتشوفي من فوق على يدك اليسار اسمه و تحته العنوان..و تحتهم بعد يحطون مجموعة صور..
تحت الصور بتلاقين جدول يوضح:
1- أنواع الوحدات السكنية اللي يوفرها المجمع -property details- ، مثلا هذا السكن:
http://www.rent.com/rentals/californ...earchrank=1&fl=
حسب الجدول إنه يوفر 3 أنواع من الشقق: شقة بغرفة و حمام -شقة بغرفتين و حمامين - تاون هوم وهو عبارة عن سكن بطابقين بحيث يكون المطبخ و الصاله و الخدمات تحت و غرف النوم و حمام فوق ..
و جنب كل نوع يكون مكتوب سعر الأجار و بجنبه بعد مساحة السكن بالقدم المربع -مش بالمتر- انتبهوا
2- موقع السكن و الاتجاهات -تطلع لك اذ ضغطتي على جملة map & directions - بتكون فوق الجدول مباشرة
بعد كذا بتلاقين تحت كلمة Features : يعني اش الخدمات الموجودة بالشقة مثلا: تكييف- مراوح اللي بالسقف- انها مفروشة سجاد- أحيانا يكتبون : انترنت -كيبل للتلفزيون جاهز- المطبخ فيه مثلا: ميكروويف-غسالة صحون .....الخ
جنبها في لستة ثانية تقولك عن الخدمات الموجودة بالمجمع السكني -مشتركة- وهي اللي سألتيني عنها: مسبح - غرفة غسيل ملابس - صالة رياضة- باركينغ لكل شقة كيف يكون-.....الخ
وتحتهم عندك بعد خانتين:
1- property description: يوضح لك نوع السكن -شقة او تاون هوم او كوندو....الخ- و عدد الوحدات السكنية في المجمع و شرح للوحدة السكنية و المجمع السكني بشكل عام..
2-leasing information: سياسة اقتناء الحيوانات- مكرمين- في السكن.
و تحتها
شي مهم جدا في اختيار السكن وهو مدة الأجار اللي يوفرها المجمع السكني في العقد..مثلا اللنك اللي حطيته مكتوب فيه أقل شي أجار يعطونك اياه 6 شهور..ما تقدرين تتأجرين فترة أقل ..و كل مرة بتجددين العقد لازم ما يكون أقل من 6 شهور
هذا يعني انك لو بتسكنين في مدينة 9 شهور ما ينفع لك هذا السكن ..يا تسكنين 6 شهور او 12 شهر او 18 شهر...الخ،، إلا اذا كلمتي المكتب المسؤول و شرحتي له وضعك و تساعد معاك..واذا رضي لازم يكون في ورقة رسمية تثبت هذا الشي..
و بعد كذا يجيك مبلغ التأمين اللي تدفعينه أول ما تسكنين ..وهو حاط لك لكل وحدة سكنية مبلغ..الشقة اللي بغرفة مبلغ التأمين حقها غير اللي بغرفتين و هكذا..
بعدين كاتب لك تحتها أيام و ساعات العمل للمكتب المسؤول عن المجمع..
و بسسسسسسسسسسس ...نشفتي ريقي يا دكتورة ههههههههههههههههه <<<أمزح معاكي حبيبتي بالخدمة
أي وقت أي سؤال أنا حاضرة
أتمنى يكون شرحي واضح و مفهووووم
ياسمينا February 27th, 2010, 04:20 PM
LinkBack URL
About LinkBacks
شوفي أول ثلاث مجمعات سكنية في الصفحة شقة بغرفة حمام في كوستا ميسا و الأجار 975$ -1150$
بس أقرب شي للمعهد رقم 2 و رقم 3
باقي المجمعات السكنية اللي بالصفحة مش بكوستا ميسا بس قريبه لها.. و هو مرتبها لك الأقرب فالأبعد
و هذا اللنك:
http://www.rent.com/search/results/?...eSearchBtn.y=9