ياشباب داخل على الله ثم عليكم اين تقع جامعة California Lutheran University.

حبيت اسألك عن وضع الحجاب او النقاب بشكل خاص كيف في المدينة
Thousand Oaks
هل تصلح لهم ؟ وهل شاهدت عوائل منقبين ؟ يدرسون؟ او في الشارع؟
طيب هل الجامعة جيدة في الحاسب الالي ؟ وهل تعادل دبلوم سنيتن من معهد الخليج للكمبيوتر + خبرة عملية في نفس المجال ؟

اخوك سلمان

السلام عليكم ...
صراحة من ناحية السكن اشوف انه السكن في ضواحي لوس انجلوس أفضل بكثييييير من السكن في لوس انجلوس نفسها ... وأرخص! ... لما وصلت هنا تمشيت في كذا جامعة ... الجامعات اللي داخل إل آي ما ارتحت لهم نفسيا أبد ... جامعات عريقة وكلش لكن زحمة وشد أعصاب وغير كذا برا الحرم الجامعي على بعد كذا شارع الدنيا مليانة عصابات! ...
لذا اشوف انه أأمن وأفضل من ناحية قلّة الزحمة وأفضل من ناحية السعر السكن خارج إل آي ... بالذات طبعا اذا الجامعة حقتك برا إل آي (ما يحتاج لها قول ) ...


أهلا اخوي سلمان ...
والله للأسف ما أدري عن هالموضوع ولا شفت محجبات ... لكن ترا طلعاتي قليلة جدا وغير كذا مالي هنا فترة طويلة لذا مالي رأي شخصي بهالموضوع ... لكن اللي اتوقعه واللي فهمته من قرايتي للمكان انه أفضل شعب من ناحية الطيبة بامريكا كله موجود بكاليفورنيا ... غير كذا كاليفورنيا متعودين على ناس أشكال وأنواع ... لذا اتوقع وحدة لابسة حجاب (وبالذات الحجاب وليس النقاب) مهيب فارقه معهم ...
المكان الوحيد اللي شفت فيه محجبات كان عند المركز الاسلامي وقت صلاة الجمعة لكن مهوب مقياس ... كل اللي هناك مسلمين ...
عموما إطمئن وانا اخوك ... لا تشيل هم وترا اهل الديرة سمحين
أما من ناحية الجامعة، مستواها حليل بالحاسب لكنه مهوب أفضل شي موجود (أنا فضّلتها على غيرها بسبب المكان والراحة النفسية صراحة، مع انه لو حصل لي قبول في Irvine كان رحت هناك لأنها برضو مريحة، لكنها من أصعب الجامعات قبول ودراسة ...)
أما مسألة الدبلوم، المعلومة مهيب أكيدة ومصدرها كان "سواليف" مع أحد السعوديين الموجودين هنا ... كان يمدح الجامعة هذي بشكل! ... يقول: "أهم ميزة فيهم أنهم معترفين فينا يا حقين الدبلوم ... حنا دايم معلقين في النص، لا ثانوي ولا باكالوريوس، لكن هذولا يعادلون لنا!" ... انتهى حتسيه ... والمصداقية عليه ... لكن مبدئيا الموضوع إيجابي

حيا الله بأخي سليمان

الله يوفقك سؤالي هو : أنا أدرس الآن في معهد California State ,Northrgde
وسمعت وليس متأكد أنCalifornia Lutheran تعترف بهذا المعهد
هل هذي المعلومات صحيحة

الحب خالد الجامعه تعترف باكثر من معهد حاول تراسل المعهد او انا بروح الجامعه بكره او بعده واسئل مديرة البرنامج واعطيك خبر لأن السؤال هذا يهمني بحاول اجيب لك الخبر باقرب فرصه

بيض الله وجهك
لك من الدعاء الخالص

الله يعطيكم العافيه جميعا ,,,

بغيت اعرف لاهنتو عن جامعة California Lutheran

عن اسعار السكن والمواصلات هناك ؟ , انا عندي فكره عن سكن الجامعة بس اللي برى كيف؟

ومتى تبدأ الدراسه فيها للفصلين ؟



يعطيكم العافيه , وجزاكم الله خير.

حبيبي متأمل بالنسبه للسكن اذا كنت تبي غرفه وحده يتراوح سعر السكن بين 1200 الى 1600 طبعا ً كل ما زاد السعر زادة المميزات وبالنسبه لبداية الدراسه الي اعرف فيه فصل يبدا بتاريخ 20 من شهر هذا وموفق خير

هذا رابط ان شاء الله يفيدكم
http://www.city-data.com/city/Thousa...alifornia.html

مشكوره اختي الرابط جد رائع
مشكووووووووووووووره

السلام عليكم

عندي استفسار لو تكرمت

هل يوجد نادي سعودي يساعد الطلاب الجدد؟

كم عدد العوايل السعوديه او الخليجيه؟

وسلامتكم