استفسار سؤال عن معهد colorado school of english في دنفر
استفسار سؤال عن معهد colorado school of english في دنفر
تنبيه: هذا الموضوع قديم. تم طرحه قبل 5493 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - 7 "يعطيك العافية على المعلومات
لكن عندي بعض الاسئلة لو تكرمتي بالاجابة عليها
1\ ما طاقة المعهد الاستيعابية يعني كم عدد الطلاب في المعهد تقريبا
2\ ما نسبة الطلبة العربيين في المعهد الوقت الحالي تقريبا كم عددهم
3\ مما تتكون الجنسيات الاخرى للطلاب داخل المعهد
4\ اعضاء هيئة التدريس ماذا لديهم من مؤهل دراسي بكالوريس او ماستر او دكتوراة وكم عددهم
5\ سؤال مهم كم عدد الطلبة داخل الفصل الواحد
6\ ماهي وسائل المواصلات الموصلة للمعهد وما اسعارها وانسبها من نظرك
7\ يوم الجمعة كيف الدوام ويعني ايش نشاط والجمعة الي فاتت ماهو النشاط ( ماني فاهم نشاط )
كثرت الاسئلة جاوبو على قدر ما تستطيعون - تسلمي يا سارة على المعلومات الجديدة و ربنا يسهل الامور ان شاء الله و نلاقي اجوبة على اسئلة الجهني لانها مهمة7 "
- تسلمي يافريروشييييييه7 "
ربنا يسهل أيام قلائل وحنا عندكم بإذن اللي ماتنام عينه
والله يسهل ان شاء الله - السلام عليكم جميعا ،،7 "
انا بدنفر حاليا لي يومين ،،
واشنطون كانت عباره عن حبتين بربسه
في الملحقيه رصونا من الصبح الين الساعه 3 من غير ولا اي فائده بالحياه (غير اني تعرفت ع وجيه طيبه) سواليف ورحنا تغدينا ورجعنا نسولف ،، وجا بالختام واحد والقا علينا محاضره بخصوص القوانين المهمه الي لازم نعرفها الله يجزاه خير كان رجالن كويس ،،
وعلى عجاله سلمونا اوراق ابتعاثنا (الناقصه) وقالولنا ،،، بنكملها لكم ع الراحه ،،، طيب تبون اوراق زياده شي امورنا فيها نقص ؟؟ لا ماعليكم خلاف ،، وبمجرد ،، مغادرتنا واشنطن وصلتنا ايميلات بنواقص يبونها حسيتهم يستهبلون ..
ارسلنالهم النواقص (الي سلمناها لهم بس شكلهم ضيعوها ) ،، ومابعد ردو علينا ،،
طبعا بما ان يومنا ضاع لا مرينا المشرف ولا شيكنا لمن نرسل اوراقنا ولا عرفنا شي ،، فالي بيجي بعدي الله لايهينه يسال ويعلمنا من المسؤول عن تعويضاتنا الماليه ،، ومن نراسل بالملحقيه لابغينا شي ،،
نجي لدنفر ،،
المدينه حلوه ومرتبه ،، والمنطقه حقه المعهد حلوه وكلها خرشه ،، وجنب المعهد ع طول مسافه دقيقه مشي مجمع حلو ،، ووراه ارقى شوارع دنفر التجاريه كله اسواق ومطاعم وكافيهات وسياح ... وناس تتمشى طول الوقت ... وماينمل امس قضينا فيه 5 ساعات ماحسينا ،،
واذا تبون صور نزلتلكم اياها ،،
بس حبذا محد يطلع بعد المغرب فيه هوم لس واجد ،، يتناتقون ،، بالذات لاشافو حجاب ولا حسوك عربي ،، يشمون ريحه البترول في هدومك
المعهد نفسه كمبنى يوحش ،، انتقل اسمه من الكشك الين بيت الاشباح
صغير ،، وقديم ،، وبرتقالي ،، ووراه مبنيين مادري وش قصه امهم بس .. كنهم بيت ساحره <<<تشوف افلام كرتون واجد ..
مادخلته لسه لاني جيت ع الويك اند ،،
المواصلات للمعهد تعتمد ع السكن حقك وش المواصلات الي جنبه ،،، لانه يمر حوله نظام باصات مره كويس ويمر كل 5 دقايق باص ،، وفيه قريب منه كذا محطه لايت ريل (ميترو دنفر) ،،، والباركينق حق السياره بحوالي 9 دولار باليوم ..
احنا مبدئيا اجرنا سياره ،، لحد مانحصل شقه ونستقر ،، السواقه بدنفر رايقه ومريحه نفسيا ،، وبترتاح جدا لو معاك سياره ،،
الجو جدا جدا رااااايق وحلو ،،، صويقع شوي ،، ومطر رش خفيف يوسع الصدر ،، <---ينهبلون منها الامريكان لاقالت الجو حلو ،، يقولون حلو طل ،، نبي شمس - هههههههههه عجبتني الكشك7 "
انا صار لي فترة ابحث عن معاهد واي معهد يكون التسجيل فيه سهل قدمت عليه ههههههههه
ومن ضمنهم هالمعهد وقبل شوي ارسلوا لي الرد
بس من عرفت انه كشك هونت مابي كولوردو للابد
و الرسوم لسنه كامله 29 الف بس !!<<< افكر ادرس سنتين خخخخ - هههههههههههههههه مرة حلو وصفك يا ساره إن شاء الله نتقابل في بيت الاشباح عن قريب و كنت ابغى اسئلك بخصوص الملحقية انت رحتي اي يوم من الاسبوع ؟7 "
- يسلموووو ساره على الوصف الراااااااائع والحمدلله على السلامة7 "
ننتظر البارت الثاني من سبيس تون ههههههههههههه اتحمستتتتتتتتت
ياليت لما تلاقي سكن تعطينا معلومات عنه واذا شفتي شيء مناسب وعن مميزات السكن وايش يشمل
زودتها عليك صححححح بس انتي كريمة واحنا نستاهل...
اتمنى كل شخص يكتب عن سكنه وايش يشمل من جميع النواحي عشان نستفيد ونفيد
أنا ناسبني سكن من خلال البحث اسمه The Seasons of Cherry Creek
سعر غرفة وحدة 1000 دولار بس ماادري مأثث او لا
وكمان ناسبنيAlexan City Center : Luxury Apartments in Englewood, Colorado, near Denver | Home
سعره للغرفة بحدود 700 دولار اذا ماخاب ظني
بس ماادري ايش يشمل
موووووووووووفقة ياقلبي good luck
- هلا والله سارة7 "
الف الحمدلله على سلامتكم ... والله لايروعك
أخبااار المطارررررات طيب ؟؟
بس ليه الملحقية كذا اففف منهم ...!
ننتظر البارت الثاني قبل نجي ... دونت فورقيت
ويعطيك ألف ألف عافية - الحمد لله ع سلامتي7 "
امس وصلنا دنفر
لكن رايي في المدينه انها قسمين قسم الداون تاون متطور ابراج وقطار وباصات والكشك واسواق حلو بصراحه
وقسم كنه هجره فيه بيوت خايسه ومصانع وتشليح و محلات قديمه وسيارات قديمه كأنه لعبت حرامي السيارات
وتحسين انك في المكسيك من كثر المكسيك هنا ....
الجو هوااااا جاف بااارد طلعت اليوم نشفت موية عيوني من قوته
وشمس الظهر فضيعه حااااارقه كأنها ظهر الرياض "بالتحديد اذا كانت الساعه 1:43 دقيقه " خخخخ
لان المدينه مرتفعه فتحسين انك جنب الشمس الا شي بسيط ..
سلمو لي ع واشنطن وفرجينيا صدق اغرمت بها وحبيتها لا ارض ولا جو الحمد لله ع ما قسم لنا .....
وبالنسبه للاخت عاطفه وعدتك اذا لقيت حضانه راح اقلك
بس لحد الان ما لقيت .. اذا لقيت خبرتك
دراسة المعهد باختصار ترفييهية جدا الي مستوياتهم بالبداية اتوقع ممكن يفيدهم كثير اكثر من معاهد الجامعات لأن سياسة المعهد هذا تعتمد على (الاعاده والزياده) يعني بالاسبوع يكررو الموضوع ويعيدو ويزودو فيه لين تدخل المعلومة ولما يحسو ان الكلاس امتلأ يرفعو بعض الناس للمستوى الي بعده سواء الي تحسن أو الي مااتحسن هو وحظه المهم عندهم مايمتلي الكلاس .فكبداية حلو انك تبدأ عندهم حتى لو مستواك اوك عشان عالاقل تراجع الاشياء السهلة الي نسيتها لأن معاهد الجامعات ماعندهم هالسياسة وتكون قوية وكرف فبعد ماتحس انك اتحسنت ممكن تفكر بعدين انك تنقل
ولما أقول دراستهم ترفيهية جدا أقصد ان أيام الجمعه دائما عندهم نشاطات رحلات وهيك والحلو بالموضوع ان الي يغيب بايام الاسبوع ممكن يعوض عن غيابه لو حظر الاكتفتي تبعهم الي يكون يوم الجمعه ,فهنا أحب اوصل لكم نقطة ان دراستهم فقط 4 اياام>>>فلة
بالوقت الي أغلب معاهد امريكا يدرسو 5 ايام فهذه ميزة نوعا ما للي مايبغو ينضغطو. كمان عندهم برنامج اعداد للتوفل
تقريبا هذا تلخيصي لكشكنا العزيز
وان شاء الله قدرت انقلكم الصورة