بليز محتاجه معلومات عن مدينة رينو بنيفادا بليز ساعدوني

السلام عليكم

شباب وخصوصا المتزوجين

للي يفكر انه يأثث اول مايوصل رينو هذا عنده اجمل عرض لغرف النوم



العرض عباره عن جميع القطع الموجوده بالصوره ماعدا الماترس بسعر 700 دولار.

طبعا الخشب على ما اظن اميريكان سيغنتشر يعني مو اي كلام ويجي منه الوان ثانيه.

للأستفسار هذا موقعهم وفيه رقم تيلفونهم اتصلوا بهم وهم بيدلوكم عن عنوانهم برينو:

Silver State Furniture - Bedroom Furniture


الي في الصوره فوق بس سعره 700 بس الباقي يتراوح سعرهم.


في احتمال انه يقولوا لكم ان سعره 1100 ولا 1000 لاتقبلوا وقولوا ان احنا شفناه بالأعلان 700 دولار ""لأنهم في البدايه بيفكروا انكم ماشفتوا الأعلان لأنكم جداد على المنطقه.


ولي عوده

وطقم الكني هذا ب 600 دولار

http://www.silverstatefurniture.com/...oom/0110_L.jpg

السلام عليكم:

الوصول لرينو معناه تسوق في البدايه.

وهذي اسماء لبعض الأماكن وعناوينهم المهمه وراعين ان كل المحلات الي ارفقها تكون قريبه من الجامعه.

1- اذا كنت تبحث عن محل شبيه بهايبر بنده فعندك وبلا منازع Wal-Mart وعنوانهم:

2863 Northtowne Lane
Reno, NV 89512
(775) 359-8200


2- اذا كنت تبحث عن محل شبيه بأكسترا فبالتأكيد BestBuy وعنوانهم:

5575 S Virginia St
Reno, NV 89502
Phone: 775-448-9797

3- اذا كنت تبحث عن مكتبه مثل العبيكان او جرير فالأفضل هو Barnes & Noble Booksellers :

وعنوانهم:

Meadow Wood Court, 5555 S. Virginia St., Reno, NV 89502(775) 826-8882‎


طبعا بتشتاقوا في رينوا للخبز العربي واقرب مكان للخبز العربي يبعد ستعتين ونصف يعني احسن حل خلونا ستايل امريكي.

من وجهه نظري الشخصيه افضل محل مخبوزات في رينوا هو بافارين ورد وعنوانهم.

595 Valley Rd, Reno, NV



ولي يبي يشتري عزبه مواد غذائيه طويله الأجل وبالجمله فأرخص مكان هو سامس كلب بس يشترطوا عضويه 60 دولار بالسنه وهذا عنوانهم:

595 Valley Rd, Reno, NV

أخ Reno, NV فعلا شكرا جزيلا لك .. معلومات مفيده جدا جدا .. وخاصه بمشيئه الله اليوم سأكون في RENO0O

لسلام عليكم

شكرا سفيره السعوديه وابو جسوووم على الإطراء.


"بو جسووم انت من فين بالسعوديه؟ انا الحين في السعوديه ممكن اذا شفتك افيدك بأشياء عشان لما توصل لرينوا ماتتعب واجد في البدايه؟"


طيب يا اخوان.

شي مهم ثاني وهو الجوال.


طبعا اشهر شركات الأتصالات بأمريكا هي ATT و T-mobile و Sprint و ViraizonWireless


عشان تاخذلك خط مفوتر عند احد هذي الشركات لازم لك شئ يسموه سوشل سكيرتي " رقم تأمين اجتماعي" هذا الرقم ماتقدروا تحصلوا عليه إلا لما تشتغلوا بأمريكا. ونصيحتي لاحد يحاول يحصل عليه لأن اي امور ماليه تسويها يتسجل فيه " مثل شهر ماسددت فاتوره الكهرب او حصلت مخالفه سواقه او او او إلخ"


يعني الحل هو انك تدفع 500 دولار تأمين لمده سنه وتحصل خط مفوتر.


او احلى حل عندي وهي باقه اسمها Even More Plus " عباره عن باقه مسبقه الدفع ولا تحتاج تأمين او سوشل سيكورتي" من شركه T-mobile وهذي اسعارهم


1- الخطوط الفرديه وهي عباره عن:

أ - 500 دقيقه مجانيه ب 29 دولار

ب- 500 دقيقه مجانيه + رسائل مفتوحه SMS MMS ب 39 دولار

ج- 500 دقيقه مجانيه + رسائل مفتوحه + انترنت مفتوح ب 59 دولار

د - 1000 دقيقه مجانيه ب 39 دولار

ه - 1000 دقيقه مجانيه + رسائل مفتوحه ب 49 دولار

و - 1000 دقيقه مجانيه + رسائل مفتوحه + انترنت مفتوح 69 دولار

ز - دقائق مفتوحه 49 دولار

ح - دقائق مفتوحه + رسائل مفتوحه ب 59 دولار

ط - دقائق مفتوحه + رسائل مفتوحه + انترنت مفتوح ب 79 دولار

2- الخطوط العائليه:

أ- 750 دقيقه ب 49 دولار

ب- 750 دقيقه + رسائل مفتوحه 69 دولار

ج 750 دقيقه + رسائل مفتوحه + انترنت مفتوح 109 دولار

د - 1500 دقيقه 59 دولار

ه - 1500 دقيقه + رسائل مفتوحه 79 دولار

و - 1500 دقيقه + رسائل مفتوحه + انترنت مفتوح 119 دولار

ز - دقائق مفتوحه 79 دولار

ح - دقائق مفتوحه + رسائل مفتوحه 99 دولار

ط - دقائق مفتوحه + رسائل مفتوحه + انترنت مفتوح 139 دولار
ملاحظات:

* من بعد الساعه 9 ليلا إلى 6 صباحا الدقائق مجانيه.

* المكالمات بين نفس الشركه " يعني إذا صاحبك مثلك عنده T-Mobile " المكالمات مجانيه.

* المكالمات يوم السبت والأحد مجانيه.

* اذا اخذت خط بدقايق محدده وخلصو الدقايق ماتقدر تجدد الدقايق إلا لما ينتهي الشهر وتحسب 39 سنت للدقيقه.

* في امريكا وعلى جميع الشركات الدقايق تحسب على الطرفين في المكالمه.

* الأسعار للخطوط العائليه هي اسعار "خطين بس" اذا تبي تزيد خط تزيد معه 10 دولار لكل خط زايد.

* الدقايق في الخطوط العائليه عباره عن دقايق مشتركه.

* الأنترنت المفتوح شامل لخدمه البلاك بيري " للي عنده بلاك بيري"

* الأسعار شامله البريد الصوتي.

* عادي حتى الأصحاب يتفقوا مع بعضهم ويشتركوا بالخطوط العائليه مو شرط "عائله"

وسلامتكم

صح كلامك اخوي بخصوص الخطوط انا فالبدايه كان عندي at&t بس غيرته الى tmobile والسبب خدمة البلاك بيري يوم كنت في شركة اي تي اند تي ادفع 60 دولار شهريآ مكالمات مجانيه على مدار الشهر وكذلك رسائل مجانيه حتى خارج امريكا اما التي موبل ادفع ال 79 ومكالمات و انترنت ورسائل مجانيه بس عيبهم ان الرسائل تكون حق امريكا يعني اذا جيت ارسل قطر لازم يكون عندك رصيد في الفلكس اكاونت يعني مثلآ احط فيه 5 دولار ويعطيني 25 رساله او 10 ويعطي 50 بهالطريقه وهالشغله ماحبيتها وغير ان التي موبل ارسالهم اضعف من اي تي اند تي بس كخدمه التي موبل افضل بكثير وانا حاليآ عندي خطين ضايفهم في باقة العائله واحد للبلاك بيري وواحد للأيفون وكلهم ان لمتد بس مشكلتي ويا الرسائل الدوليه

السلام عليكم

اخي الفاضل بالنسبه لل social security number
موب لازم تشتغل
انت لازم تطلعه عاجلا ام اجلا لانك تحتاجه عشان تطلع state ID و رخصة القياده
البطاقه هذي تنوب عن جواز السفر في المعاملات الرسميه
طبعا بعض الناس يقولون عادي تستخدم بطاقة البنك اذا عليها صورتك او بطاقة الجامعه
صحيح البطايق هذي تمشيك في الاشياء العاديه
لكن بشكل رسمي لازم يكون عندك state ID

و بالنسبه للجوال
صحيح لازم يكون عندك رقم السوشل سكيورتي

لكن فيه شركه اسمها simple mobile
يعطونك رقم بدون السوشل
تدفع مبلغ شهري على حسب الباقه
و اذا تبي تجدد تدخل الموقع حقهم و تجدد للشهر الي بعده عن طريق بطاقة الائتمان
و اذا ماتبي بس لا تجدد و راح يلغى الرقم بكل بساطه

بالنسبه للباقات تتراوح مابين 30 الى 60 دولار على حسب تبي نت او لا
مكالمات غير محدوده داخل امريكا
و رسايل نصيه غير محدوده داخل و خارج امريكا (توصل السعوديه بس لازم تكتب انجليزي)

انا شخصيا شريت الشريحه من محل t-mobile موجود في المول الي جنب الملحقيه, بس انتبهو لحد يخف عليكم, ترى مافيه رسوم تفعيل

طبعا تقدر تشحن البطاقه بمبلغ للمكالمات الدوليه, عن طريق الموقع حقهم ببطاقة الائتمان
اسعار المكالمات رخيص لكن المشكله ما تدق على طول, اول شي تدق على رقم معين بعدين تدخل الرقم الدولي و تنتظر لين يوصلون مكالمتك... الخ

تحياتي للجميع

السلام عليكم

عزيزي old red

شكرا لك على المشاركه

بالنسبه للستيت أي دي مادام انت تدرس بالمعهد ومعك فيزا اف ون يعطوك وياها بدون سوشل سكيورتي.

وكذالك رخصه القياده "انا معي رخصه وستسيت اي دي من ولايه وسكنسون بدون سوشل سكيورتي"

ثانيا اخي الغالي

من بعد احداث 11 سبتمبر يستحيل على الطلاب الأجانب الحصول على سوشل سكيورتي إلا في حاله العمل النظامي في الأراضي الأمريكيه.

كلامك صحيح قبل احداث 11 سبتمر بس الاحين كل شئ تغير.

وبالنسبه للستيت آي ديه هذي متطلباتهم:

1- جواز السفر والفيزا وال i-94

2- ال i-20

3- ستيتمننت من البنك لمده شهر.

4- اي فاتوره " جوال او تيلفون او كهرب او غاز" يثبت فيها عنوان سكنك لمده شهرين.

5- تعريف من الجامعه ويشترط عنوان الشخص موجود ضمن التعريف.

"ومبروك عليك الإستيت آي دي"

وبعد الستيت آي دي مسأله الرخصه سهله.