معهـــد جامعة سنترال واشنطن

up
up
up
up
up
up
up

رياح الشرق
معليش عارفه اني ازعجتك بس مالحقت اخذ الأيميل
ماينفع لو تكتب لي ايميلك بس مو على صيغة الأيميل ههههههه
اتمنى تكون فاهم قصدي

في موضوع ودي اتلكم فيه على اساس تكونون بالصوره خصوصا الناس اللي راح يجون
في طالب مبتعث هو وزوجته وصلو للمدينه
وجلس يومين بسسسسس
وقرر يترك المدينه ويسافر
وفعلا الرجال حجز وسافر
ولما سالته وش اللي جاك ليه تبي تنقل
قال المدينه صغييييره ولا فيها شي
فاللي راح يجون لا يتوقعون انها مدينه سياحه او كبيره
المدينه صغييييييييره جدا

عني انا مرتاح لها ولي اسبابي
بس في ناس ما يعجبهم الوضع هذا

مشكور يا اخ رياح الشرق على مجهودك

توني قلت بسأل شصار على ذاك الرجال اللي يبيك تروح له

طيب شلون سافر يعني بينقل مدينه ثانيه

انا عن نفسي اذا كانت الدينه آمنه ورخيصه وحقت دراسه

احسن من تكون كبيره وسياحيه وغاليه وخطره

الله يكون في العون

الأهم انها مناسبه للدراسه والملل وووو يعين الله
المدينه صغيره قد ايش يعني مقارنه بالمدن عندنا؟

رحت له ونقلته من فندق لفندق ثاني ورحنا دورنا له سكن ومن حظه حصلنا له سكن مناسب في هالوقت من السنه
واليوم قرر يسافر ويترك الولايه وينتقل لولايه ثانيه
الله يوفقه
ما امدانا نفرح فيه الا قرر يسافر

والله اذا تبين مقارنه خلينا نقول مثل جامعه الملك سعود بالرياض بس ناقصنا سور
ولا خلينا نقول ضعفها

انا بقول لكم الاسباب الي خلتني مرتاح بالمدينه هذي على اساس تكونون بالصوره
1- انا ما احب اسوق لمسافات طويله ولا لي خلق على زحمة الشوارع والاشارات
2- بحكم انها صغيره السكن ارخص انا مستاجر شقه غرفتين نوم وصاله ومطبخ ودورة مياه بـ 700 دولار
3- انا معاي اخواتي والجامعه قريبه جدا من السكن ( يعني يقدرون يروحون ويرجعون مشي )
بعكس المدن الكبيره كل ما قربت من الجامعه كل ما زاد سعر السكن لانهم يستغلون الطلبه
ولو كنت بعيد شوي عن الجامعه راح اضطر اودي وحده وارجع وحده وممكن في تعارض بجدول الحصص بيننا او اشتري لهم سياره وانا سياره وزياده مصاريف غير اني بكون خائف وقلقان بحكم انهم ما لهم خبره بالسواقه وبالزحمه
الشي المهم مع ان المدينه صغيره ولا فيها صرف الا اننا ما نوفر دولار
لــيه ؟
لاننا ما نحرم نفسنا من شي نهائيا
غير كذا ننزل كل فتره لسياتل نجلس فيها ويك اند نستاجر فندق ونجلس هاليومين ومن سوق لسوق ونرجع
المدينه حلوووه للي يبي يذاكر وينجح بحكم لان ما فيها امكان تروح وتسهر ولا تتمشى
ما عندك الا ستار بكس ولا فردمايير ( مثل هايبر بنده )
الشي الاهم من هذا كله صار لي في المدينه ما يقارب 10 اشهر ما شفت مشكله يعني اماااااان بعد الله

انا اول ما جيت انصدمت والله وقلت وش هالمدينه ؟
انا في امريكا ولا دوله ثانيه
ويوم بعد يوم حبيتها ولو اني ما احب البرد والثلوج وهالمدينه وقت الشتاء برد وثلج

رياح الشرق اذا متواجد حاليا ممكن ترسلي ايميلك الحين؟؟؟؟
عطيني خبر قبل ماترسله لي

ما ادري متى كتبتي هالرد ما يطلع الوقت عندي