معهـــد جامعة سنترال واشنطن

رياح الشرق
سؤال: الحين لما نوصل يعملوا اختبار تحديد مستوى ولا نبدا من الزيرو؟

 المشاركة الأصلية كتبت بواسطة sooso

رياح الشرق

يعملون لكم اختبار تحديد مستوى ( Placement Test )
وعلى ضوءه يتم تحديد الـ level اللي راح تدرسينه
هي خمس level
العاده محد يكون level One
الا اللي مستواه مرره ضعيف ( واحب اقول كلمه بالمناسبه هذي لحد يستحي لو حطوه اول مستوى لانها اصلا مو لغتنا انت جاي تتعلم لغه ثانيه مختلفه كليا عن لغتنا بالعكس يفترض انها دافع قوي لك انك تتأسس صح من البدايه لان كل level راح يكون اصعب من اللي قبله )

انا اول ما جيت حطوني المستوى الثاني وكان سهل جدا بالنسبه لي ولما طلعت المستوى الثالث حسيت بقفزه كبيره بين المستويين خصوصا اني ضعيف جداااااااااااااااااااااا بالـ Grammar وما نجحت وعدت المستوى الثالث مره ثانيه والان نجحت الحمد لله ورحت للمستوى الرابع والله يستر وانجح من اول مره
مع ان وضعي يسمح لي ادخل الجامعه من غير ما ادرس اللغه بحكم ان معاي الجنسيه الامريكيه اقدر اقدم على الجامعه مثل اي طالب امريكي واعطيهم الضمان المالي ويقبلوني
بس ادخل الجامعه واجلس انا والكرسي سوا ؟ ما تنفع ولا راح افهم شي ولا استفيد
وبعدين طالما الحكومه الله يعزها هي اللي تدفع رسوم دراستي قلت خلني مع العالم ادرس لغه على الاقل بكره اروح الجامعه افهم وش يقول الدكتور بالفصل

<<<<<< عطاكم قصة حياته
السموحه على الاطاله بس حبيت احطكم بالصوره من جميع النواحي وخصوصا اللي راح يحطونه بالمستوى الاول

مشكور يعطيك العافيه وكله بأجره عند ربي

اخوي رياح الشرق
يا ليت تضيفني عندك
M2.L
هوتميييل
والله يعافيك يا بعدي

مرحبا ..أنا معاكم كانت دراستي بـ 30 مارس لكل طلبت تأجيلها لشهر 6 او 7 ..
لكل ودي أعرف عن قوة المعهد يعني مايكون تجاري ونتوهق فيه لان بصراحه لغتي مييييييييييييييييييييييييييييييح
وكيف الجامعه هل هي معترف فيها من قبل الوزاره وهي قويه او لا في التخصصات الطبيه
مثل التنفس الطبيعي والفيزياء الطبيه وفيها جيمات وهالسوالف ولا وشو ؟
الي عنده علم يفيدها الله يجزاكم الجنه

وهذا ايميل إذا كان أحد دارس هناك أو عنده معلومات ياريت يضيفني
لان عندي أسئله كثير واللهي
memor-505# hotmail.com

ومشكورين

ما ادري والله اذا سلمتي الورقه فاضيه ينفع ولا لا
بس معظم الطلبه يبدون من المستوى الثاني نادرا احد يبدا من الاوال
بس اذا وصلتي هنا على خير تقدرين تناقشين هالموضوع مع مدير المعهد
بس انا اشوف اذا انتي تعرفين الابجدايات باللغه مثل الحروف الانجليزيه وبعض الكلمات حرام تضيعين على نفسك الوقت وتجلسين بالمستوى الاول

المعهد هذا افضل من معاهد كثيره بحسب كلام الطلبه اللي انتقلو عندنا
الجامعه طبعا معترف فيها ويقولون انها اقوى بدرجة الماستر اعتقد انها تعد من اقوى خمسين جامعه في امريكا لدرجة الماستر
بالنسبه للتخصصات والله ما ادري انا لا زلت باللغه ولا ادري وش التخصصات اللي عندهم واللي معترف فيها من قبل الملحقيه
بس تقدرين تدخلين على موقع التعليم العالي وتشوفين هل التخصص اللي تبينه موجود ولا لا وهل هو معترف فيه او لا
وبالنسبه للايميل اشوف انه نفس المنتدى انتي اطرحي اسئلتك هنا
وانا راح اجاوبك ويسعدني اخدمك واخدم غيرك مهما كانت الاسئله والاستفسارات كثيره

انا اقول عشان تتزامن فترة المتستوى الاول بسهولته مع تهيئة نفسي وتعويدها على المدينه

يشرفني اني اضيفك بس اسف
اسمع وانا اخوك اذا ما تقول لي انا بعد اسبوع جاي لا تقول ضيفني
اذا عندك اي سؤال عن المعهد او المدينه انا راح اجاوبك هنا بالمنتدى على اساس يستفيد غيرك
اما والله اذا قربت جيتك راح اضيفك على اساس ارتب معاك بعض الامور