معهـــد جامعة سنترال واشنطن

اول شي وشو شهر يونيو هذا ؟
الشي الثاني ما في شي بخصوص العوائل كل اللي عندي قلته
لكن انا قصدي على اساس ارتب جيتك او على الاقل اعرف وين تكون ومتى تجي
بعدين من فيكم المبتعث ؟
لان المستشفى من جد غالي اذا واحد منكم هو مبتعث الثاني راح يكون مرافق وتصدر له بطاقة تامين طبي من الملحقيه
وبخصوص السكن يفرجها ربك ان شاءلله نحصل لك
لك رساله على الخاص

نفسي آبتسم بقوهـ . وآنتم تنآظروني . تدرون ليـه ..
يـ آخي خلآص آرتحت يوم آني خلصت من السفارهـ آلآ وآللي سوت معآي المقابلة قالت التأشيرة مقبولة ..\ يعني اكيـد برتااح
آن شاء الله رآح تشوفون آبتسآمتي هنااك
دعوآتكم فديتكم ربي يوفقكم ..

^^^^^
الف مبروووووك الحمدلله عقبال ما يقولون لك فيديكس تعال استلم الجواز بالفيزا
الوعد هنااااك ان شاءالله بالسلامه
ابداء رتب اغراض السفر والاوراق الي بتحتاجها للتقديم للجامعات ولو تحتاج توصيات ومن هالاشياء قبل لا يطلبونهم منك هناك و يكون صعب عليك توصي احد ياخذها عنك
والله يوفقنا جميع ان شاءالله

مساء / صبآح الخير

اخوي رياح . اهم الاغراض اللي لازم نجيبها معنا .. وش هي ؟
لأن بصراحه انفقع مخي كلن يقول لي شي .. ودي اخذ كل الاشياء منك !

السلام عليكم

اخواني الكرااام والله من اليوم افحط بقوقل ادور اجوبه لعدة اسئله براسي ولا لقيت شي ياريت تتكرموني علي وتجاوبوني عنها.
... وش الاوراق المطلوبه اخذها معي للملحقيه بواشنطن ؟
... ايش الاوراق المطلوبه بالمعهد والجامعه ؟ وهذي اهم على شان مو اطلع وتوهق ؟
... عاد اخر شي كم مكافئة الطلاب المبتعثين بامريكاا بكلوريوس ؟

وجزاكم الله خيرر ... ولاتبخلون علينا بالنصيحه باي شي تشفون انه يفيدنا في بلاد الغربه

وش تقصد بالاغراض ؟
اغراض للمطبخ ولا شي ثاني اذا للمطبخ
مافي شي ضروري لازم تجيبه
كل شي على هواك
انا جبت معاي بهارات للطبخ وجبت تمر وجبت عزبة القهوه
اغلب البهارات موجوده هنا تقريبا
لا تحمل نفسك اغراض وانت ما تحتاجها
اذا بتجيب تمر لازم يكون مغلف وعليه تاريخ انتهاء

طالع انت على حسابك ولا على البعثه
اذا على البعثه وهذا الاكيد لانك تسأل عن المكافاءه اكيد قالو لك وش يبون اوراق للملحقيه
بالنسبه للمعهد والجامعه جيب شهاده مترجمه ومصدقه للثانويه
وجيب ضمان بنكي لا يقل عن 25200 دولار اذا تبي تدرس سنه كامله اذا انت على حسابك وادخل على هالرابط وعبئ النموذج حق الدراسه وعبئ نموذج السكن اذا ناوي
تسكن في سكن الطلاب
Central Washington University - University English as a Second Language: Admissions
وجوازك طبعا يبون صوره منه
وصورة من الفيزا والـ i-94
بالاضافه للـ I-20
ويا ليت تتاكد من الطلبه اللي مبتعثين معاك بخصوص اوراق الملحقيه

وبالنسبه للمكافاءه 1800 دولار شهريا

اخي رياااح الشرق يعطيه الله الف عافيه

انا مبتعث على حساب الحكومه .... لاكن انا ابي اسكن برى افضل .... وماهووو i-94
الطلبه المبتعثين مايعرفوون شي مثلي !!!!

عاد انا عما قريب طالع وابي شقه اذا تقدر تراسلني تلقى الايميل او عطني رقمك على شان اتصل عليك
وشكراااا لك ولكل من يريد ان يساعد او فقط نوى المساعده

يعطونك بالطياره قبل الوصول لواشنطن تعبى النموذج وتسلمه لهم بالمطار يختمون عليه ويدبسونه بجوازك
هذا هو الــ i-94