معهـــد جامعة سنترال واشنطن

ابد هذا هو الي اقصده ماقصرت الله يجزاك خير
واكيد بعمل حسابي انه اقعد بفندق حول الاسبوع مثل ما قلت انت قبل كذا
ويمكن اكثر بس ماعليك اهم شي ان شاءالله نحصل شي قريب وحلو

أهلين حبايبي...

حبيت أسأل عن الأوراق المطلوبه للملحقيه الثقافيه الله لا يهينكم طبعا جاي على حساب الوالد الله يطولي بعمره أنشالله ووالديكم أنشالله..

تحياتي.ooDYغاليo الأثمانDoo

السلام عليكم ورحمة الله وبركاته
ان شاء الله تكونوا في اتم الصحه والعافيه
حبيت اسأل عن الضمان المالي للمرافق لاخته متى يستلمه المرافق؟
هل بمجرد وصوله للمحلقيه ولا الملحقيه ترسله للمعهد؟
اللي مروا بنفس الوضع ياليت يجاوبوني
انا كتبت موضوع قبل كذا بنفس التساؤل هذا
وجاوبوني الاعضاء انه راح ترسله الملحقيه للمعهد في مده تترواح من اسبوع الى عشره ايام
بس حبيت اعرف من اللي في معهدنا بالذات
ومشكووووووووورين مقدما

سلام يا شبآب وصبآيا

^_^

حبيت استفسر عن الجو هناك عندكم بارد ولا حر ع شان انا رحلتي يوم الثلاثاء الجاي وما جهزت ملابسي

السلام عليكم ورحمة الله وبركاته . .
يـ طلاب ايلنسسبرغ : يسسسسعد آياامكم . وربي يعطيكم العاافيـه ( مشاري اطلع من راسي )
يـ نااس انا ماحصلت رحلة الا يوم 25 \ 6 وانا تبـدأ دراستي طبعا بعد التأجيل 2 \ 7
بعطيكم مسار الرحلة واذا فيها شي خطأ افيدوني .. لاني بحاول قدر المستطاع اني اعدل فيها .. واذا مافيها شي انصحوني .؟
انا اسافر من المدينة ان شاء الله يوم 25 \ 6 الساعة 12 الظهر الى جدة ومن جدة 5 العصر الى الدوحة اجلس في الدوحة 13 ساعة والفندق على حساب الخطوط القطرية .. الصباح الساعة 9 رحلتي من الدوحة لـ واشنطن اكون في واشنطن 9 ليلا هذا يوم الاحـد .. انتظر في واشنطن يومين .. ويوم الاربعاء احلق على سماااء سياتل .. وش رأيكم في الرحلة .؟ ( من ناحيتي طويلة )

يـ ليت تجااوبوا على اسئلتي . :
* هل توقيت رحلتي وانها قبل الدراسة بـ اسبوع .. صحيحة .؟
* هل خط سير رحلتي فيه اشكالية .؟ وهل جلوسي في واشنطن يومين مفيد لي .؟
________________________________________________
اسئلة اخرى : ( بتعبكم اليوم ) . .
* كيف اسجل بـ الملحقية .؟
* احوال الجو .؟ ونصيحة بنوع الملابس : شتوية ، صيفية ؟
* كيف أخذ الفلوس معاي من هنا .؟
* افادة بخصوص البنك والاتصال ( نوع الجوال والشريحة ) فديتكم .؟
* انا جالس على حسابي في واشنطن .. كيف اسكن هناك وفي اي فندق تنصحوني .؟

+ يـ ليت تفيدوني فديتكم . . وربي يسر لكم ويسهل عليكم ان شاء الله
لاتبخلون علينا حبايبي . وانتظر ردودكم

السلام عليكم بليز يا شباب ابغى تجيبوا لي شغله من السعوديه ممكن الا يقدر بليز يضيفني mano.oo00 @ hotmail.com

اخوي شكسبـــــــير

للاسف ما اقدر افيدك باي معلومة
لاني لساعي قاعدة انطبخ تحت شمس الرياض !!

بس حبيت اقول لك بالتوفيييييييييييييق يارب
والف مبرووووووووك رحلة موفقة يارب
وننتظر انطباعاتك وارآآءك عن سياتل اول ماتوصل !!!!
لا تنسى تكتب كل شي بالتفصيل الملل
لاني حطيت عيني عالمدينة خلاص ,, يارب تكون اخر مرة اغير فيها رأي ,, يارب

السلام عليكم
تم الوصول لسياتل الحمدلله
والآن متجه لمدينة الينزبيرق
اخ رياح او اي احد فالمدينه اتمنى انه يتواصل معي علشان فيه كم شغله احتاج مساعدة فيها
وهذا الرقم المؤقت الي معي مافيه الا 10 دولار وعجزت اشحنه مافيه احد يشحنه :\
2023784479
اتمنى التواصل بأسرع وقت ممكن لأني متجه للمدينه وبوصل حول 7 ونص بتوقيتهم وسويت حجز مبدأي بفندق اسمه سوبر 8 اتوقع او سوبر 9 لانهم يقبلون كاش وانا مامعي الا كاش

أختي سوسو . سويت لك اضافة وايملي i8.8 @ hotmail .com
دوني لي طلبااتك وانا حــاااضر . انا رحلتي بعد اسبوع .. اكتبي كل شي ولايهمك
________________________________________________
اختي عبير يـ رب تخلصين امورك بـكل سهالة ويسر .. ويـ رب بالتوفيق للجميع ..
ولاتشيلين هم بسسسدح كل اللي سويته هنـاا . وماراح اخلي الاستفهامات فوق راسسك ..
_________________________________________________
يـ ليت تقول لنا وش سويت .. ووش الاخطـاء اللي قابلتك . عشان نقدر نتفاداها ..
ويـ حبذا . لو تقول لي عن الشريحة اللي معاك وش . وكيف استخدامها ..
ويـ ليت يـ ليت . تقول كيف حجزت الفندق ..
وشكرا للـ كــــــــــــل . لبا آئلوبكم كلياتكم
_____________________________

اول شي الحمدلله المطار مو مثل ما كنت متصور التعقيدات حقته بالعكس سهاله الحمدلله مجرد انك تنتضر حول ساعه او ساعتين علشان يتأكدون من المعلومات الي عندك تتطابق مع معلومات طلب الفيزا حقك و يكون اسهل او انك طبعت الطلب حقك علشان اذا سألوك تكون مجهز الاجوبه
ثاني شي اول ما طلعنا من مطار واشنطن لقينا الشنط مجمعه على جنب وكل احد ياخذ شنطه ويطلع
ثالث شي اول ما تطلع تلقا حق الملحقيه بوجهك يرحب فيك و يقولك الباص هناك انتضره الحين يجي علشان يوديك الفندق الي اغلبه سعوديين مثل وضعك توهم يوصلون ويحتاجون مكان يسكنون فيه
عاد بالفندق على حسب رحلت مغادرتك على سياتل يسوون لك حجز مثلاً انا فحالتي حجزت لي ثلاث ليالي
طبعاً يعطونك اوراق تعبيها و وتوقع عليها قبل لا تنام علشان من بكره ثاني يوم يجهزون لك بطاقة الطالب والتأمين الصحي و الضمان المالي و تعريف بالدخل السنوي علشان تستأجر سكن
يوم كنا بالملحقيه عطونا محاظره عن الموقع حق الملحقيه وكيف تسجل الدخول فيه ومعلومات عنه وبعدين عطونا بريك ساعه ودلونا على مبنا جنب الملحقيه فيه مطاعم ومحلات من هناك عاد شريت الشريحه المؤقته الي ما سجلت فيها اسمي ولا شي من معلوماتي مجرد ادفع فلوس واركبها عالجوال لين اطلع شريحه ثابته ان شاءالله
طبعاً الفندق فيه سياره توصلك السوق الي حول الفندق لو ودك بس انا عن نفسي ما شريت شي لأني حاسب حساب رحلتي لسياتل والوزن ما يحتاج ازوده
المهم الملحقيه عطتنا اوراقنا وقالت بالتوفيق وهذي كانت اخر مره اشوف موضفين الملحقيه بعدها قعدت بالفندق يومين تقريباً
وامس طلبت من الفندق انهم يوصلوني للمطار طبعاً هالخدمه ما ادفع عليها شي الا التيب الي هو مقابل خدمة السواق بتحميل الشنط وتنزيلها
طبعاً يسألك السواق وش الخطوط الي بتسافر عليها علشان يوديك للبوابه الي توصلك لهم
بعض الطلاب كان مطارهم يختلف عن المطار الي يوصلون له الفندق علشان كذا الملحقيه تاكدت من كل طالب على اي مطار رحلته علشان لو كان المطار بعيد الملحقيه هي الي ترتب وصولك له
المهم رحت المطار وجيت ابي اقص البوردنق طلع وزن الشنطه زايد 3 باوند طلعت جاكيت ولبسته
يعني انت احسب حسابك الشنطه الوحده ما تزيد عن 24 كيلو تقريباً
المهم قصوا لي البوردنق عن طريق جواز السفر السعودي حقي استخدموه مثل الاثبات لي و قالوا لي المقعد يتحدد لك عند البوابه
اتجهت للبوابات و سألت عن بوابتي قالوا لي فيه باص يوصلك من المطار لبوابتك اركبه فيه لكل مجموعة بوابات باص تأكد من الباص الي بتركبه
ركبت الباص ورحت عند البوابه لقيت الموظفه قلت لها ان المقعد حقي ما تحدد قالت لي اسمك موجود عندي الحين بحدد لك مقعد وقعدت يمكن ربع ساعه و عطتني البوردنق مع رقم المقعد
هم يقولون يكفيك ساعتين قبل الرحله تقريباً بس انا من باب الاحتياط حركت من الفندق قبلها بـ 3 ساعات والحمدلله تسهلت الامور
وصلت سياتل كنت محتار اقعد فيها كم يوم ولا اتوجه للمدينه قلت لو لقيت الباص حق المدينه بروح لها اشوفها من بدري والحمدلله لقيته وقصيت التذكره من بوابه رقم 00 اتوقع الي هي اخر بوابه طوال ما تمشي تلقا اسهم تدلك عليها انه هناك الباصات الي بجدول تجي وتروح للمطار خلك معها لين توصل
طبعاً اول ما نزلت من الطياره كان فيه زي الميترو يودي لمنطقة تحميل الشنط اسأل وين المنطقه الي بتنزل فيها علشان تاخذ شنطك انا بغيت انساها اول ما وصلت بعدين سألتهم و دلوني
المهم قصيت التذكره وقعدت انتظر لين جا الباص وركبت معه ومشينا حول ساعتين ونص كان فيه محطه نزلنا اشترينا فيها اكل و بعدين كملنا الرحله لين وصلنا المدينه
طبعاً قبل لا اقص تذكرة الباص كلمت الفندق كولتي ان علشان احجز غرفه قالوا لي لازم كريدت كارد قلت لهم ما معي الا كاش قالوا لي على فندق سوبر 8 وعطوني رقمه كلمتهم وحجزت طلبوا اسمي ورقم الجوال وبعدين رحت قصيت تذكرة الباص يوم تطمنت ان عندي حجز
المهم سألتهم عن مكانهم علشان يوم اوصل المدينه اعرف اقول لأحد وين هالمكان اول ما ركبت الباص الي تسوق سالتني وين ابي انزل بستار بكس ولا عند الكولتي ان قلت لها ستار بكس الي عند الجامعه ويوم وصلنا لقيت رجال مثلك وشرواك كان معي بنفس الباص قلنا ندخل ستار بكس منها نشرب شي يدفي شوي ومنها ننتضر التكسي يوم دخلنا سألت الي بالكاشير عن مكان سوبر 8 قالت لي يبيلكم تكسي معاكم شنط وبتتعبون قامت وحده اسمها فينيتا ما قصرت قالت انا اوصلكم معها بيك اب دودج والي بستار بكس يعرفونها قالوا تراها طيبه روحوا معها حملنا الشنط ووصلتنا والحين حنا بالفندق
هذي كل القصه
وان شاءالله اذا وصلت بالسلامه نشوفك
بالنسبه للشريحه اخذت شركة T mobile لانها هي الي كانت فيه ما سويت مقارنه ولا شي لاني ماخذها لفتره مؤقته
اما الفندق مثل ما قلت لك بالتلفون واذا تبي رقمهم اعطيك اياه بس يمكن يكون فيه شي احسن ينصحونك فيه الشباب
اما الاخطاء الحمدلله إلى الأن كل شي ميسر من رحمة ربي وان شاءالله ما تقابلكم مشاكل