معهـــد جامعة سنترال واشنطن

~ ,,

رحلة حلوهـ وخاليه من التعقيدات والضيآأإع ~ : > مثلي

المهم يا شباب انا اليوم العصر طالع على سياتل مـن واشطن اوصل على الساعه 8 بتوقيت سياتل , وبصرآحـه والله انـي دآأج براسي ما اعرف شي ولا اعرف احد في النسبرنغ
فهل ااحد يتكرم يدق معي وينسق مـعي يستقلني او بحجز لي فندق ,, لأني اللغه عندي 0

7034010403 واذا ما فيش رصيد دق وافصل وانا اكلمك ~ .. .

وشكرا ,

السلام عليكم ورحمة الله وبركاته
شاكرا لكم توجيهاتكم ونصائحكم جميعا
انا الان في الينسبرغ
ايش اول خطوه اعملها
افتح حساب في البنك مثلا
وايش هو افضل بنك اعمل فيه حساب
ومتى يكونوا فاتحين يعني دوامهم من الساعه كم الى كم ؟
تحياتي لكم جميعا
اخوكم الجبرتي
.................................................. ..........................
الوافي تركت لك رساله في المسن ياليت ترد علي

رحلتي يوم الاربعاء 23-6
من الرياض لـ واشنطن على االخطوط السعوديه

اذا فيه احد معي يضيفني
mzoo7 @ msn.com

بسسَم الله ... اولًا حبيت أهني كل الوافدين إلى إلينسسسبرغ بالسسلإأمه .. واقولهم لاتعبتووواا
طبعا انا كنت متاابع من وراء الكواليس فقط .. بس بديت احس بتأنيب الضمير ..
ولذلك من باب انها انانيه اني ما اقوولكم وش صار معي بـ إأياام السفررر ..العجيييييبه
وحبيت إأنـوّه .. اني ماراح أتطررق لباب النصاائح كثير .. ماقصرو الإخوان قبلي .. بس بقولكم باللي صار معي بالضبط..
كانت رحلتي يوم الاحد 13 / يونيو .. الساعه 5 ونص الفجر .. من الرياض على الرحله القطرريه ..
جلسنا بقطرر ساعتييين .. ويا لها من سااعتييييييييييين .. << جاب العيد بمطار قطر
.. بغيت ارجع على اول طياره سعوديه وكله عشان كيس تويكس ... ومالتيزر ...
تجاوزت حدود السوق الحره .. جهلاً وغششششإأمة مني .. ومادريت الا اللي قابضني بـ يدي .. السيكرتي
وشكله فرحاان .. شكيت انه راح ياخذ مكافأه على رااسي ... ؛؛<< تكفى ياغليييصص ..
طبعا كلمه مني وكلمه ممنه ... واكتشششفت ... ان محد فينا يعرف الثاني وش يقول .. موظفين اثيوبي بالسوق الحررره ... مدري هو تطوور والا عششان الراتب .. المهم تورطت معه ليييييييييييييين فكني
وحاسبت وعلى طيااررتي .. وتووووبه نطب هالسووق ..<< طعس وطاح له بسوق حرره..

أقلعنا من قطر السـاعه 9 صباحاا .. ووصلنا لواشنطن الساعه 3 العصر .. والمده 13 ساعه ..< لحسسة عقل
طبعا الخطوط القطريه .. وش اقول بس ... صراااحه ... عالم من االـرررااحه والمتعه .. والإكل الطييب بعد..> اهمم شي ..
وصلنا واشنطن .. وجلسنا باللاين سساعتين ونص تقريبا .. اظن جينا بسسااعه الذوره ..
مدري سكان امرريكا مسوين حفل اسسستقبال .. طبعا بعد هـ اللاين الطويل .. ( نواف قو باك تو كونتر 1 )
شششكيييت اني مسوي لي مصصيبه والا جايب العيد .. وصراحه اول شي طرا علي ..
الباكسستاني اللي كان جنبي بالطياره .. ( مهمد أمين .. ومايعرف ولا كلمه عربيه ) ...
المهم يوم رحت .. الا الشششباب السعوودي رااصفييينهم على جنب .. ورصفووني معهم .. طبعا بس الشباب
والجنس اللطيف يختمون على جوازاتهم كنهم من سكان امرريكاا .. ( الله لنا بس )
ومابي والله اظللمهم .. بس انتظررنا 6 ساعات بسسسسسسسسسسسسس ..
ومن ناحية المعامله والله زي العسسسل .. لدرجة انهم اعتذرو منا بعد هالانتظاار .. ويقولون زحمه ومدري ايش .. وانا حبيت اقولكم عشان مااتشكون في انفسسسكم بكره او تظنون انهم راصصفينكم عشان سوق حره وكيس تويكسسسس ..

طلعنا من المطار الساعه 11 بالليل .. استقبلتنا الملحقيه . واخذونا لـفـندق ( دبل تري )
وخلصنا اجراءات الملحقيه .. وطبعا ملزوم ياشباب تعملوون حسابكم في ..
صور بطاقة الاحوال والصور الشخصيه وصورة من قرار الابتعاث...
وحجزنا بالفندق وكان حلو والله وسعره معقول .. اصصبحنا اليوم الثااني وافطرنا السااعه 7
وجانا باص الملحقيه الساعه 8 ونص تقريبا .. ورحنا الملحقيه بواشنطن دي سي ..
لان المطار والفندق بـ ولاية فيرجينا وتبعد عن العاصمه نص ساعه ..
اسستقبلوو الملحقيه 150 طالب .. واكثرهم اللي وصلو بـ الويك اند وانتظرو الى يوم الاثنين..عطونا محاضرة عن استخدام موقع الملحقيه وباقي الوقت انتظار
المهم .. الملحقيه خلصو 140 طالب .. ومن الطبيعي والبديهي ومن النحاااسسسه المتوقعه ..
انا من ضضممممن العشرره المظلومين .. رجعنا الفندق الساعه 5 العصر .. طبعا اللي خلص قبل مشا الساعه 2 ... وحنا يالعشره انتظررنا للساعه 5 العصر ( ليش مدري ) ..

رجعنا الفندق وتمشششينا بالمول .. وكان بجانب الفندق وحلو فيه كل شي ... وتعشينا فيه
وتخيلوو .. تعشينا كباااب .. هـ المشاوي ورانا ورانا ..<< قصصدك وراهم وراهم
..رجعنا الفندق .. وكان لابد من جلسسة الرصيف .. وسمررة الشباب .. الى الساعه 1 تقرريباا

صحيناا الساعه 7 صباحا وكلنا على أهببببة الاستعدااد للـملحقيييييه ... وننتظر .. وننتظر

ولكن للأسف ماجانا الباص الا السااعه 9 ونص ... << بعد ماكلمناهم طبعا
بس ماقصرو .. وصلنا وحصلنا كل اوراقنا جاهزه .. وتمشينا بالعاصمممه ..
وزرررنا البيت الابيض .. وما بجواارره من معالم غـررريبه ... وحلووه
... الشي الغريب اللي شد انتباهي .. اشجارهم تشوفون السناجب تسرح وتمررح ..
وسبحاان الله تذكرررت اشجارنا ومايسرح ويمرح فييهااا ...بس اكيد موب سنااجب ..

رجعنا للـفندق الساعه 3 ونص العصر وكانت رحلتي لـ سياتل 5 ونص العصر...
ويادوب لحقت الحمد الله ... وبغيت اذكركم بالوزن .. الوزن الوزن يااعباد الله ..
يحق لكل شخص شنطتين .. وكل وحده مسموح له 23 كيلو بس .. انتبهووا ..

... يتبع

سهل الله الأمور وركبنا الطيارره .. وطبعا مع الحماس .. من يوم شفت المضضيفه جايه بالعرربه وتوزع الاكل ..
بديت اجهز نفسي واجهز الطااوله .. وكل شوي اشوف وين وصلت .. اخر شي طلعت الطياره أقتصصصصااديييه ... يعني الاكل بفلوسس .. وياليته كاش ... لازم فيزاا ..
اخذت كوفي ( طبعا المشروبات مجانيه ) .. ورجعت على كيس التويكس ... انقنق عليه بالرحله والتي كانت مدتها .. 6 سسسسسأإأعـإت ......... اذا مامعك احد تسولف معه .. الله يعينك ...
وصلنا سياتل .. طبعا حبيت اصور لكم المنااظر .. خيال حتى بواشنطن وفيرجينيا .. جـنة الله بـ أررررضه ...
أنواع الورود والازهاار .. والطبيعه اللي تفتح النفسس .. يعني كنننننننننننننننننك بالريااض ... سسسبحإأن الله

.. وصلنا سياتل وكانت ( ب ر د ) ..بكل ماتعنيه الكلمه من معنى .. بس يقوولون جوها متقلب ..
يعني اللي يجيها وجوها مو بارد لا يقول انت قلت وقلت ....................< يقاله يبرري ذمممته

رحت حجزت فندق بالداون تاون .. كنت ابي افتح حسسسساب بالبنك .. وابي اخذ شريحه ..
بس بعدين اكتشتف ان كلها في مدينه الينسسسبرغ ..
بس الحمد الله اكتسسبت من هـ الليله معررفة سيااتل ومعررفة حموود ...<< منهوو حمود ..؟؟.... اقولكم

بعد مافتحت حساب واخذت الشرريحه وطبعا كل مكان في جهة مختلفه .. وقضيت وخلصصصت ..
اكتشششفت ... اني ضضضيعت الفندق .. ومع الفرفره والبحححث ... سسمعت كللمه موب غريبه علي
.. كاانت اول كلمه عربيه سمعتها بسسيااتل .. ناظرت الا واحد تبدو عليه ملاامح السعووده ..
وعليه طخمممة العتبان .. سسلمنا على بعض .. وسوااالف وعلووم رجال ومن هذا القبيل ..
المهم بعد ماعررفنا الفندق والفضضل لله ثم لحمود.. اللي كنه نزل علي من السماا
...رحنا تغدييناا ... وشووف عند دفع الحسااب بس .. طبع انواع الهياط .. حلفت وحلفت ..< عتبان وتعازموواا

ومالكم بالطويله .. رحت المطار على المتروو اللي تحت الارض .. وكانت تجرررربة فريده نوعهااا ...
احسسن من التكاسي ..التاكسي بـ 40 دولاار اقل شي للمطاار .. والمترو بـ 2 ونص دولار.. تووووفير ...


رحت المطاار .. وطبعا ابي اوصف لكم .. مكاان باص الينسبرغ .. بالنسبه لمن بيطلعون من سياتل الى الينسبرغ مباشرره .. بدون قضضضااء لييله باررده وصبااح منحووس بـ سيااتل ..

اول ماتطلعون من الطياره .. راح تشوفون لوحه مكتوب عليها (Package.) .. اذا ماخانتني الذاكره ..
ثم بتركبون زي المتروو .. يوصلكم لسسااحه .. فيها مساراات الحقائب .. اذا اخذتو الباكيج ..
اتبعوا المسارات من 1 الى .. ان تنتهي واظن عددها يقارب الـ 15 مسار .. اذا خلصت بتطلعون على ساحه بيضاااء .. .. وعندها بواابه رقمها ( 00 ) .. تلقون المكاتب عندهاا احجزوا وبعدين يجيكم الباص في احد الاوقات التاليه
.. 11 ص .. 2 م.. 5 م ..8 م .. 11 م ..
ويعدين راح توصلوون الى إلينسسبرغ بـأذن الله وحوله .. بغضون ساعتين تقريبا ..
راح ينزلكم عند الستار بوكس .. قريب الجامعه .. اانا اقترح عليكم تنزلون في بداية الينسبرغ عشان الفنادق..

اظن عنده محطتين وحده بفندق كواليتي .. ( ومايتعامل الا بالكريدت كارد الفيزا ) ... والثانيه عند الجامعه
انا عن نفسي نزلت بـ فندق ( سوبر 8 ) حلو وسعره معقول ... يقولون اغلى من غيره .. بس انه راقي
ويقبل الكااش ..

الختام .. حبيت اطمنكم ان كل شي متسسهل الحمد الله ولا تخافون ...
وانا والله احمد الله ان كل شي تيسر وعدت الامور على مايرام .. بس حبيت ادقق على العقبات اللي واجهتني
ومن ناحيتني لاتقيسون على عقباتي ........هذا شي متعود علي في كل امر .. ..<< لابد من المغامرات
... طبعا هذا ايميلي في حال احد احتاج المساعده او نسستقبله nawafmg# hotmail.com..

والله الم،ــوفق ..

الله يعافيكم جميعا
والله يعافيك اخوي نواف العتيبي

السلام عليكم تنصحوني في الجامعه والمعهد الخاص فيها

يـ ششبآب + شششبيبـةَ

شـ خبآركم إن ششآء اللـه مرتآحيينَ ،

إنآ وإعوذ بـ ألله من كلمت أنآ إن آللـه قآلهآ ويسسرهآ عليّ وعلى المسسلمينّ ، بعد ششهـر جآي لـ سييآتل / بآسسفكّ

أي وآحححد هنآك يشرحلنآ المدينـة حلوة ولآ لإ !!

كيف الششعب فرندلـيُ ؟!

وآلسسسلإم عليكم وإلرحممممهـ

مساء الخير شباب و صبايا

احب اشكر كل من ساعد او حاول المساعدة في هذا الموضوع ,,
طبعاً انا حصلت على القبول و الفيزا و كل شي جاهز ,,
و ان شاء الله تبداء دراستي في 21/9 اتمنى من الشباب الي كانوا يشاركون في هذا الموضوع
ما تنقطع مشاركاتهم بمجرد وصولهم و اتمنى انهم يساعدونا مثل ما كانوا بحاجة للمساعدة

على العموم انا قريت الموضوع و استفدت منه
اكرر شكري لكـ من شارك فيه

لكم ودي
اخوكم / خالد

عليكم السلام ورحمة الله وبركاته
اولا اخي الكريم تصنيف الجامعة ضمن اقوى 10 جامعات في امريكا
يعني الجامعة مافي احد يقدر يقول عنها غير ممتاااااااااااااااازه
بالنسبة للمعهد الخاص بالجامعة
فيعتبر معهد قوي جدا جداا جدااا
ولكن المشكلة وحده وتقدر بنفسك تخليها موب مشكلة
وهي المستوى الاول من اللغة غالباً مايكون نسبة الطلاب السعوديين في الصف الواحد 90%
يعني ماراح يكون احتكاك قوي مع الطلاب الاجانب
بس بعد المستوى الاول راح يتغير الوضع ويتحسن

لو تبغى نصيحة مني أنصحك بالمعهد وبقوووووووووووووة
لا عنهدهم تحضير اكاديمي رهيــــــــــــــــــــــــــب
وبالتوفيق يارب



حياك الله اخي الكريم
المدينة بالنسبة للسعودية ومن "وجهة نظري" الشخصية
تعتبر جنة
بقولك عن شي بس لا تضحك

انا لي كم يوم أدور على تراااااب ابي اشوف صحره ولو متر في متر مو لاقي
>>> مشتاق للعج والغبار

المدينة جنة جنة جنة بالخضار والامطار والجو الخوووووقااااااااق

وبالنسبة للشعب الصراحة ماعندي احتكاك معاهم قوي
لان ما صار لي الا اسبوعين فقط في سياتل
بس غلى الان ما سالت احد عن شي ولا استفسرت عن شي الا وردوا علي بأسلوب جميل

على العموم تجي وتشوف بنفسك ان شاء الله

مساء الورد حبيبي خالد

طلبك في محل
بس حبيت أوضح بعض الامور
لا تظلم الكثير من الاخوان والاخوات بعدم دخولهم بعد وصولهم لمكان الدراسة
لان بعد وصولهم لا تعرف الظروف التي سيواجهونها
ولا تعرف متى سيتاح لهم الوقت الكافي للدخول والرد
مثلا انا على سبيل المثال
قبل سفر الى امريكا
كان دخول الى مبتعث في اليوم لا يقل 6 ساعات يومياً
ولكن بعد وصولي اصبح دخول شبه معدوم بسبب الظروف التي اواجهاا
ان شاء الله ستكون فترة بسيطة وتنقضي
وسنعود لكم من جديد لنرد الجميل لهذا الصرح الذي نفعنا كثيراً بعد الله

بالتوفيق للجميع يارب