معهـــد جامعة سنترال واشنطن

راح انزل لمستواكم هالمره وبرد عليكم باللهجه العاميه لان يظهر ردي الاول كان كبير على عقولكم ولا قدرتم تستوعبونه
رجعنا لسالفة المعهد يا شاطر احد لاعب عليك وقال لك ان المعهد معهدي ؟
انا اللي صدرت قرر ابتعاثك وجبتك على هالمعهد ؟
طيب طالما انك شفت ان المعهد سئ ليه ما تنقل ؟
لكن يظهر أن اشباه الرجال كثرو ما نخلص من جاهل الا ويبداء جاهل ثاني بالكتابه الا اذا كنت انت نفس الشخص بس مالك وجهه ترد من معرفك بعد ما رديت عليك ولا انك سلمت الرايه لجاهل اخر
والمشكله انكم مجموعة اطفال وللاسف في بعضكم متزوج لكن لا زال تفكيره مثل الطفل وتصرفاتكم مثل البنات كل شوي واحد ناط من معرف ما يمديني اسد فم واحد فيكم الا ويبداء الطفل اللي بعده بالكتابه وشكلنا على كذا ما راح ننتهي. واللي يحز بالخاطر ان اكثركم خدمته لكن المعروف ما يمسك الا في عيال الاصل فقط !!!! إذا أنت أكرمت الكريم ملكته وإن أنت أكرمت اللئيم تمردا

اول مره تقولون رياض ياخذ عموله والان تقولون رياض رسب ثلاث مرات !! نصحيتي لكم اذا تبون الناس تصدقكم حاولو ترتبون اوراقكم شوي واتهاماتكم ولو تبون اجلس معاكم واعلمكم وش تقولون ما عندي مانع لان بالعقل يا جاهل لو كنت اخذ عموله والمعهد يستفيد مني ليه أرسب 3 مرات على قولتكم ؟؟ مو كان المفروض والاولى انه ينجحني
ما ادري شلون تفكرون والله
اذا وهو بالعربي ما فلحتم ولا انتم عارفين تكذبون او تقولون كلام منطقي على اساس الناس تصدقه اجل والله ما الوم ان المعهد رسبكم يعني بصراحه لو انا مدرس وانت طالب عندي بنفس هالعقليه والتفكير ما راح تنجح )

وبعدين يا شاطر اذا المعهد فيه كل هالعيوب ولاهو عاجبكم انقل طيب !! وش يجلسك ؟ ولا بعد بتقولون رياض مانع ان الطلاب ينقلون
وبالنسبه لموضوع الجنسيه وش اسوي اذا انا مولود هنا ؟ ولا بعد في هذي حاسديني عليها ! وتبي تسوي منها سالفه

والله عيب عليكم انتم ما هزيتم فيني شعره ...... لكن تبينون للناس مدى دلاختكم
يعني تقول الطلاب والطالبات كلهم رفعو خطاب للملحقيه
وانا لوحدي رفعت خطاب عكس كلامكم وبالاخير كلامي اللي هو مشى والملحقيه اخذت بخطابي !!!
يعني ستين او سبعين طالب الملحقية ضربة بخطابهم عرض الحائط واخذت بخطابي انا !!!!!!!! أهنيك من اعماق قلبي على هالفكره فعلا اثبت لي ان المعهد ظلمك وانك تستحق النجاح
بس بصراحة اعجبتني كلمة (تامر مع مدير المعهد ) يظهر انك تقراء قصص بوليسيه الى الان ومتأثر بنظرية المؤامر
خل عنك هالقصص وذاكر ابرك لك وخلك تنجح مو ترسب الكوارتر الجاي وتجلس تطلع لي قصص ثانيه
خلصنا من الثاني

والثالث اعتذر من الان اني ارد عليه لان مو معقوله كل ما طلع لي جاهل او طفل بسالفه احط عقلي بعقله

دمتم بود
رياح الشرق

بسم الله الرحمن الرحيم
اولا المعهد سيئ و المشرف عن المعهد تعجز الكلمات عن وصفه
اما من يمدح رياض فهو يمدحه فقط لانه ساعده و من هم يمدحونه ايضا هم جديدين هنا ولا يعرفون حقيقته(اية لنة رجل وقف وفزع وجابك وخدمك وطلعك قبولك وتعب معاك حتى حطك بشقتك)
اولا رياض يحمل الجنسيه يعني تعلم ما تعلم مايهمه (لا تقولها من جدك ... إن لله وان الية راجعون اجل خلنا نبلغ فية الامير نايف)
ثانيا رياض يمدح المعهد لمصالحه ونجح بعد ما
رسب ثلاث مرات في ليفل 5 وكل واحد يقول له ليه رسبت يقول انا ابغى ارسب يعني بالعقل احد يبغى يرسب وبعد مانجح بعد 3 مرات رسوب(في هذي الصفحة وتحديدا رقم 14 جواب لكذبك لرد سابق لرياض الفقره رقم 3- والله ما ادري اذا صار في فرق بين اول والان بس مشكلتي كانت ولا زالت بالـ grammer
اللي فعلا استفدت منه الكلمات new vocabulary بالاضافه الى Listeningوالاختلاط ) اول ماطلعت النتائج هو اول طالب طلب شهادة شكله ماهو مصدق انه نجح (من ابسط حقوقه كونه خريج ويبي يفرح مو فاشل وراسب ويقدم خطابات واعتراضات)
ثالثا قمت الخيانه كل الطالبات والطلاب قدموا شكوى في المعهد و هو تامر مع مشرف المعهد وقدم شكوى يقول فيها انه المعهد كويس (من ابسط حقوقه والاختلاف في الرائي لايفسد للود قضية تعرف ليش لن الي كتب الخطاب فاشلين يعني انا اعرف ناس كثير ما وقعوا على خطابكم ولا يدرون عنه بس بصراحه نا جحين )
المهم شكوته ما تهم الانه واحد ضد جميع الطلاب والطالبات (لا يكون كلمك العيسى وقالك الكلام هذا)
مادري بعض السعوديين ياخذون الجنسيه وينسى اصله(وفيه بعضهم ينسى المعروف)



ياخي كبر عقلك والله انك تفكير البزارين والمفروظ انك تنسفل لن عقليتك زي عقليتي الطفل الصغير
المعهد كويس او سيى هذا مو صدد كلامنا المعهد شافك جيد نجحت شافك فاشل رسيك
اقول ابرك لك روح ادرس وخلك من خرابيطك روح حل واجباتك وشد حيلك

انا راح اعلق هنا على كل مشاركه لك على اساس يعرفون العالم دوافعك اللي خلتك انتي وغيرك يبداء بالكتابه
اولا ما توقعت انك بنت ولو عرفت انك بنت خليتك تقولين كل اللي ودك بدون ما ارد عليك تعاطفا للوضع اللي انتي فيه
الشي الثاني الحمد لله انك مو من الاشخاص اللي خدمتهم لان هالشي هو اللي كان مضايقني وشلون واحد اخدمه وينكر المعروف.
هذي اول مشاركه لك وواضح انك تدورين على جامعه تقبلك بدون توفل ؟ يعني انتي عارفه ان لغتك ضعيفه وتدورين اسهل الطرق ولا احد يلومك بالشي هذا لان كل واحد يعرف قدراته ويدور على مصلحته
بس مو ترسبين بالمعهد وتجين تدخليني انا بالموضوع خصوصا وتشككين في مصداقيتي وتتهميني بكل شي وحتى الجنسية الامريكيه دخلتيها بالموضوع مع ان ما لها دخل لا من قريب ولا من بعيد وانتي من الناس اللي ما سويت لكم شي ولا جبتكم هنا ولا ساعدتكم ولا سويت لكم شي ولا استقبلتكم .
فجاءه الا وانتي موجوده معانا بالمعهد يعني جايه بقناعتك وبرضاكم



هذا ردك بعد ما طلعت النتائج وعرفتي انك راسبه وواضح من التاريخ
وينك من اول ما تكلمتي ونصحتي العالم ؟؟؟ انتي تدرسين بالمعهد هذا من الصيف الماضي وينك من اول ما تكلمتي ولا نصحتي
ولا لانك هالكوارتر رسبتي ؟؟؟؟؟ طلع عندك احساس المسؤليه انتي وغيرك وانكم خايفين على الناس وان المعهد هذا تجاري

وبعدين ليه ما نقلتي من زمان طالما انه معهد تجاري؟؟؟ لك ثلاث كوارترات تدرسين هنا ولا قلتي شي وقتها ولا تكلمتي ولا حتى تعبتي نفسك بالمشاركه بالمنتدى..... ولا لانك كنتي تنجحين وقتها
مع العلم انه كان عندك وقت كافي تنقلين وتدورين على معهد
وبعدين ليه ما ذكرتي لهم وش السبب اللي خلى مدير المعهد يحاول يطردك من مكتبه ؟
كثير راحو يناقشونه ولا فكر يطرد احد ... ليه انتي بالذات ؟


وهنا همك بس ان المدينه كئيبه ولا فيها شي
واللي يبغى ماستر لا يجي ؟
وين المعهد طيب ليه ما تكلمتي عنه ؟
وين رياض ما جبتي طاريه ؟
ولا طالما انك تنجحين كل شي كان كويس بنظرك .....بس اول ما ترسبين يبداء الكلام والتشكيك في النيات واتهام خلق الله

والله من جد الله يعينك يا رياض
فوق كل اللي سويته ومع ذالك ما سلمت منهم
كل ما رسب واحد حطك انت السبب
انا والله واحد من الراسبين بس عارف انه تقصير مني واغلبهم عارف من اول انه ما راح ينجح لان بصراحه صار كل شي صار واضح بعد ما اختبرنا الميدتيرم عرفنا من اللي راح ينجح ومن اللي راح يرسب
بس شكلهم مع الخيل يا شقراء شافو واحد تكلم وحصلوها فرصه
وبعدين مو انت اللي طلبت عدد من الطلاب على اساس نقابل مدير المعهد ورتبت لنا الاجتماع مع انك ناجح ولا لك علاقه بالموضوع
بس فعلا رضاء الناس غاية لا تدرك !

بسم الله الرحمن الرحيم
انا مبتعث واحد من اصدقائي بعثته عندكم طلب مني اجبله شقه بس انا في ولايه اخرى لو واحد يساعدني ياريت , انا مابغى اجيبه عندي لان المعهد الانا فيه ما تقدر تدخل الجامعه عندهم و انتى جايب سي بلس و اذا رسبت راحت عليك الجامعه, وياليت واحد يجبلي قبول بعد وهل فيه تخصص اداره اعمال عندكم ياليت ماحد يبخل علي, ياليت تردو .
شكرا 00000000000000000000000000000000000000000000000000 00000000000000000000000000000000000000000000000000 00000000000000000000000000000000000000000000000000 00000000000000000000000000000000000000000000000000 00000000000000000000000000000000000000000000000000 00000000000000000000000000000000000000000000000000 000000000000000000000000

لييييييييه مافي ردود ؟؟؟؟؟؟؟

السلام عليكم ورحمة الله وبركاتة
اولا: احب ان أوضح بعض ماحصل لي من الاخ رياض
1-أنا اب لطالب وطالبه كاناقبولهماعلى معهدسنترال واشنطن وقد تواصلت مع الاخ رياض وحقيقة انه كان نعم الرجل
وجاب لي القبول وارسله لي للسعوديه وله مني جزيل الشكروالعرفان والله يعلم بان الرجل لايعرفني الا عن
طريق موقع مبتعث
2-سالته عن المدينة وأعطاني الشي الكثير عنهاسلباوايجابا
3- أبلغته بان لي الرغبة في نقل أولادي من تلك المدينة وأخذ مشورتة في ذلك ونصحني بأنة طالمايوجداحد من أقاربك
فهذا افضل للأولاد ووعدني بتقديم العون فيمايقدرعليه والحمدلله بان الامورتيسرت بتوفيق من الله واعتبرت كلامه لي
جميل ومعروف مقدر له عندي والجميل مايضيع بين الرجال الطيبين شرواكم جميع
4- أتمني من المولى العلي القدير لكم جميعا التوفيق والنجاح وللاخ رياض خصوصاوان تعودا لنا بارض الوطن حاملين
سلاح العلم والمحبة وحقيقة يؤسفني ماقراءتة من كلام فيما بينكم وانتم إخوان بغض النظر عن كون الاخ رياض طيب او
خلاف ذلك ولااحد يعلم الغيب سوى المولى جل وعلا فهو المطلع على خاائنة العيون وما تخفي الصدور وكلا محاسب على عملة إن أحسن فلنفسة وإن اساء فعليها
5- كل ماجعلني اكتب كل هذا هو لرد الجميل لاهله وكماقلت سابقا بأنة لايربطني بالأخ رياض اي معرفة شخصية وقد انقطعت حتى عن الموقع الى هذا اليوم وعموما ماقمت بكتابتة هوشكرا وعرفاناللاخ رياض على ماقام بة معي مع العلم بان اولادي لم يدرسوا في ذلك المعهد ودمتم جميعا بود واعذروني ان كنت اطلت عليكم والسلام*

الحمدلله وصلت الي اليسنبيرغ وكل شي حلو ما اعاد برد المدينة شي مو طبيعي بالذات اناا من خلفيه حارة جدا
ابغى اقول شهادة حق في حق ناس اعتبرهم رجال و الرجال ما تبان الا في المحن
المهم والصراحة وقفوا معانا وقفة رجال ابو متعب هم هادي و رياح الشرق
حتى مساعد ماقصر
الله يجزيهم الجنة والله لا يضيق عليهم دنيا و لاخرة مثل ماهم فرجوا ضيقة
نشكرهم جزيل الشكر انا و اخوي وحسيت انه لازم تعرفون

احلى غلا
كيف لقيتي سكن ؟
وهل ممكن الاقي سكن على شهر جون ؟
شكرا لك