معهـــد جامعة سنترال واشنطن

اللي اعرفه في واحد سوا مثلك ونقل ولا صار له مشكله
بس على اساس تكون في السليم ارسل ايميل لمدير المعهد اللي طلعت الفيزا من عنده وقول له الموضوع واني ابي انقل وشوف وش يقول لك
وهذا الافضل بيني وبينك انك تتاكد من مدير المعهد
لا يصير لك بكره مشكله لا سمح الله تقول رياح الشرق ضيعني
ارسل لستيف ايميل واشرح له وضعك وهو يعطيك الزبده

الله يعطيك العافيه والله اني اتعبتك معي لكن مايضي اجرك عند ربك انشاء الله

ابي ايميل ستيف ولا عليك امر

بعدين وانا اخوك الي مثلك مايجي منه الا الخير

هذا ايميلة يا غالي

horowitz # cwu.edu
طبعا بدل علامة المربع تحط علامة @
ولا في مسافات بينهم بس انا حطيت مسافات على اساس لا ينمسح الايميل

الله يعطيك العافية ومشكووورعلى كل شى سويته لي وللاخوان الباقين

اعلان
بمناسبة دخول رمضان المبارك قرر المتأهلين ايقامة مائدة الافطار(افطار صائم) بشكل يومي للاخوانهم العزاب او (للمتاهلين المطرودين من البيت وضاقت بهم السبل) تقديرا لهم وابتغاء الاجر من الله وسوف يكون الاجتماع لتناول الافطار في شقة علي الحارثي وماجد الدوسري نرجو من الاخوان الراغبين في تناول طعام الافطار ارسال اسمائهم لي او لمساعد المسند على الخاص لمعرفة العدد الحقيقي للحظور . جعلنا الله ممن يشهدون هذا الشهر الكريم.

نبارك للاخ عبدالعزيز ابو محمد بقدوم احلا الامورات والحمدلله على سلامة امها . ونتظر منه الوليمة الكبيرة.. اسئل الله لها السعادة والتوفيق ومبروك يا بو محمد

اانا رحلتي من المدينه المنوره على الدوحه ومن الدوحه على واشنطن ..
وجالس يومين
ووبعدين من واشنطن على سيااتل .. على اليونايتد
يعني وصولي حيكون يوم 16 /9 الجمعه الساعه 10 الصباح حلو !
وين اتوجه بعدين واروح الى الينسبرغ ؟

اذا وصلت سياتل بالليل افضل انك تنام في احد فنادق المطار يوم واحد واليوم الثاني تجي على Ellensburg بالباص
اول ما توصل المطار في بوابه رقما (00) صفرين هذي عندها مكتب لشركة الباصات قول لهم ابي احجز على الباص اللي يودي لمدينة Ellensburg
هذي نقطه .

النقطه الثانيه : المطار مكون من دورين انت راح تكون بالدولار الاول
بعد ما تستلم عفشك اطلع للدور الثاني واقطع الجسر كانك متجهه للمواقف
المواقف راح يمر فيها باصات جميع الفنادق اللي توصلك للفندق كل باص خاص بالفندق حقه
اركب مع اي باص وراح يوديك فندفهم وقلهم انا ابي ارجع للمطار بكره الساعه كذا وراح يرجعونك مجانا
انت بترجع للمطار اليوم الثاني على اساس تروح لبوابه 00 وتركب الباص اللي راح يجيبك على هنا
الباص راح يكلفك 33 دولار
فنادق المطار تتراوح اسعارها من 55 الى 100 دولار تقريبا لليوم
يفضل يكون معاك بطاقه فيزا او ماستر كارد لان اغلب الفنادق ترفض استلام الكاش

بعد ما كتبت كل هالكلام عرفت انك راح توصل عشر الصباح سياتل
اجل روح للبوابه 00 وقل لهم ابغى احجز تذكرة باص
شركة الباص اللي راح تجيبك هنا اسمها
Airporter Shuttle / Bellair Charters

جعل ربي يجعل حرف كتبته بميزان حسناتك .. وان شالله غلتطك بتنقلب عليك خير

الحين الحمد لله اغلب الامور بدت تتوضح .. وهذا بفضل الله ثم بفضل القلوب الطيبه جعل ربي يسهل اموركم ويسعد قلوبكم
قريت الموضوع صفحه صفحه .. رد رد .. سطر سطر .. زنقه زنقه
مالقيت احد تكلم بوضوح عن السكن .. اللى اقصده غير مؤثث .. او مؤثث
يعني الافضل اني اسكن بفندق وما ابي اطول بالفندق .. 60-90$ باليوم موب قليله ..
.. وبعدين ادور مكان استاجره واثثه .. وكم تقريباً بتكون الاسعآر ..
او اني اسكن بسكن الجامعه هذا اذا فيهآآ !! .. يعني بصراحه ابي احد يسآعدني بسالفه السكن .. لان هي الشي الوحيد اللى قاآلقني ..
عشان اللى بيرد بيكون بالصوره .. الميزآنيه محدوده جداً .. تقريبا 60- 70 الف .. شامله كل كل شي .. يعني لو بنفلت بصرفها بيوم واحد .. وان شالله ربي يتكتب لي الالتحاق .. وجميع الدراسين على حسابهم ..
او فيه احدن ساكن لوحده ووده اشاركه .. (( ارسله السيره الذاتيه )) خخخخخخ

وشاكر كل من حآول يساعد اخوانه ..

السكن يا غالي من 550 دولار بالشهر الى 900
السكن غير مؤثث
تاخذها شقه فاضيه بس موكيت اللي فيها
ومسالة الاثاث بما انك عزابي ولوحدك مو مشكله يبغالك سرير وكم قدر للمطبخ اذا انت راعي طبخ وخلاص
وفي عندنا سوق عنده مراتب نوم بـ 30 دولار تاخذها مؤقته وشوي شوي تأثث
انا سمعت راح يجي سعوديين الفصل الجاي ونقول ان شالله تحصل احد منهم وتتشارك انت وياه بالشقه كذا راح تطلع عليكم اوفر
بالنسبه لسكن الجامعه يعتبر اغلى والحريه فيه محدوده تقريبا اقصد من ناحية الازعاج والامور هذي