معهـــد جامعة سنترال واشنطن

^
^
الله يوفقك وييسر أمورك..ألف شكر على معلوماتك وتفاعلك معنا ,,
وياليت تعطينا نصائح أو أشياء نتلافها قبل مانجي لأن بصراحه زوجتي مو عارفه وش الأشياء الأوليه اللي لازم نحضرها معانا ..

أتمنى أني أفدتكم باللي أقدر عليه والله يجزاه الف خير من دعاء لي ولو بظهر الغيب
من ناحية لبس الزوجة الحجاب أنا مفصلى لي عبايتين وحدة بيج وحدة رصاصي ومرتاحه عليها كلها
الاكل( التمر البهارات القهوة الهيل والشاي (فيه هنا لبتون بس مو نفس الطعم)
الادوات مهم جدا المقسم حق الكهرب مدخن وبخور أذا أنتي ماتستغني عن البخور و دله وفناجيل للي يحب القهوة في الدلة
الملابس أعلب اللي بيجون في شهر 6 وبيكون صيف أنا كنت جاية بوقت خريف وجايبة لبس شتوي واستفدت منه
لاتكثرون شناط لان بامريكا موجود كل حاجة صح مو مثل السعوديه بس يمشي
وأن شاء الله أذا ذكرت اي شي بكتبه لكم

الله يحيكم جميعا وتنورون مدينة Ellensburg
لا تجيب شي معاك كل شي هنا
جب اهم شي الفيش حق الشاحن حق الجوال والكمبيوتر على اساس نفس الفيش عندهم يختلف
وجب معاك تمر اذا انت حريص عليه مثلي
جب معاك دكشنري مره وحده الكتروني بدل ما تجي من هنا وتطلب اون لاين ومصاريف شحن وجمارك
عاد بخصوص المطبخ ما ادري جب معاكم مثل ما قالو لكم بهارات ولوازم الطبخ اللي انت تحبها ومتعود على طعمها
انا جايب معاي قدر ضغط
بس لا تجيبون في هنا يقولون بس ما ادري احس الكبسه على قدرونا احلى
اهم شي رتب حجوزاتكم من واشنطن لسياتل - ومن سياتل الى هنا Ellensburg
لانكم بتشرفونا بالباص الى هنا
يعني احجز من سياتل الى هنا بباص
ولو سوي مثلي انا اذا وصلت سياتل انام فيها يوم بفنادق المطار واليوم الثاني يرجعني باص الفندق للمطار ومن المطار اخذ الباص الى هنا
خل معاك كاش بحدود 200-300 دولار وحاول تصرف منها ميه فراطه
ويفضل تكون معاكم فيزا من السعوديه على اساس اول الايام تستخدمها تاكد ان الاسم بالفيزا مطابق لاسمك بالجواز حرفيا
لو متغير راجع البنك بالسعوديه وعطهم اسبلينق اسمك بالانجليزي يطلعون لك بطاقه جديده بنفس اسمك بالجواز

دمتم بود

اهلين رياح الشرق
خبرنا عن المعهد وعن الدراسه فيه وهل هو ممتاز او لا من خلال تجربتك اذا كنت قد بدات الدراسه فيه

مشكورين يا أخوان على مساعدتكم لنا

بس بسأل الاخ رياح الشرق

كيف السكن

انا احاتي متى بجلس ادور عليه وكذا

ياليت تعطونا معلومات أكثر عنها

بالنسبه لسؤالك يا soso
المعهد اشوفه كويس والله والاستاذده متعاونين في كم استاذ لك عليه من جنبها
الشي الثاني والمهم الواحد يفكر بيجي امريكا بيدخلون الكتاب براسه ويطلع بلبل انجلش
كل شي يعتمد عليك يـ ( الطالب ) تذاكر اول باول تحفظ كلمات تجتهد
يعني بصراحه انا اشوف نفسي اخلص الكلاسات ارجع للبيت وانام اذا علي واجب سويته واذا ما في رحت لهم بكره ما فتحت الكتاب
بس اشوف اليابانين والكوريين نخلص من الكلاسات يروح المكتبه يذاكر
يعني هو ممكن يتعلم اللغه بسنه وحنا نتعلمها بسنتين او ثلاث ( الله يرحم الحال )

الزبده عن نفسي اشوفه كويس مقارنه بمعاهد ثانيه اسمع شكاوي الطلبه
وخصوصا في طلبه كانو عندنا وراحو ولايات ثانيه ويقولون معهدنا افضل من اللي انتقلو له
=================
بالنسبه لسؤال الاخ ولاية
السكن يفرق متى تجي
هي عموما المدينه رخيصه ايجارتها مقارنه بالولايات الثانيه
يعني واحد من زملائي بكالفورنيا بمدينه سانديقو مستاجر غرفه وصاله ومطبخ ودورة مياه بـ ( 900 ) دولار
انا هنا مستاجر شقه غرفتين نوم ومطبخ وصاله بـ ( 695 ) دولار طبعا بحكم معي اخواتي انا
ولا لو كنت لوحدي بحصل غرفه ومطبخ وصاله ودورة مياه ( اعزكم الله ) بـ 400 او 450 دولار
الشي الثاني حط ببالك الايجار هذا للسكن بس يعني يبلك فوقها تقريبا 150 دولار للكيبل حق التلفزيون والانترنت
اذا نويت تجي خلاص بعطيك بعدين رقمي او ايميلي انسق معاك واساعدك احاول استاجر لك قبل لا تجي ولا على الاقل احجز لك سكن بس تدري اخاف انا اخدم الناس في امور سكن ولا تشرتي له سياره
بكره يطلع فيها شي ولا ما يعجبك السكن تقول انت اللي ورطتني
في حل حلو تجي وتسكن بفندق وتدور براحتك ؟
بس والله خساره عليك فندق وخوفي تطول ما تلقى اللي يناسبك وتبلط بالفندق فتره طويله
شف وانا اخوك انت اذا نويت ان شاءلله بنشوف لك حل ان شاءلله


طلعتي بنت يا ولايه وانا من اول اكتب على انك ولد وبالاخير قريت جنسك ولا فيني حيل ارجع واعدل كلامي لصيغة المؤنث
لكن خلي محرمك اللي يجي معاك ايا كان اخ زوج اب يكلمني ولا اعطيه ايميلي ونرتب الموضوع سواء ان شاءلله

تمنياتي لكم بالتوفيق والله يجيبكم بالسلامه

هههههههههههههههههههههه

شكرا لك يارياح الشرق

طمنتنا

خلاص انا ارد عليك اوكي

الله يعطيك العافيه

طبعا انا زوجي مرافق لي

ودراستي تبدأ بشهر 6

بس شلون نتواصل معاك

كيف ناخذ الرقم او الايميل

وبالنسبه للسياره ناخذ من هنا رخصة قياده دوليه صح طبعا لزوجي؟

وبسأل سؤال تطفلي انت من وين في السعوديه ؟؟؟

جيت برسل لك ايميلي على الخاص يقولون لازم 30 مشاركه يكون رصيدك
واخاف اكتبه هنا ويطلع يخالف لقوانين المنتدى
فما ادري وش الحل
الشي الثاني ايه يجيب معاه رخصه دوليه من السعوديه مثلي
وبعدين يطلع من هنا وحده

مشكور اخوي رياح الشرف
بسألك عن الطقس سمعت انه
في فصل الشتاء جدا برد
كيف تنزل ثلوج باستمرار يعني الواحد يقدر يتحملها ولا لا؟
ومعدل الامطار؟
والمنظر العام للمدينه حلو يعني خضراء؟ حاولت اشوف لها صور بس مالقيت كثير بعكس مدينة سياتل

خلاص انا بحاول اشارك بالمنتدى حتى يصير 30 مشاركه عاى قولتهم

وانشاء الله خير