معهـــد جامعة سنترال واشنطن

بسم الله الرحمن الرحيم

في الاونه الاخيره شفت عدد كبير من الشبااب السعوديين عندنا بالديره انضلمو بالمعهد. والساكت عن الحق شيطان اخرس وانا لا افبل ان اكون شيطانا اخرس فحبيت ان اعطي اخواني اللي يفكرون بالدرااسه بالخارج نصيحة لوجه الله . انا مبتعث في جامعة central washington ويشهد الله انها من افشل الجامعات في امريكا. كنت ساكت ولا حبيت اني انزل الموضوع هذا الى ان شفت كذا شخص جالس يضحك على الطلاب الجدد يراسلهم عن طريق موقع مبتعث ويعطيهم من الكلام الحلو واذا جو المساكين سحبو عليهم ولا حتى يردون عليهم. يشهد الله كذا شخص مر بالموقف هذا يحصل الكلام الحلوو هنا تعال وماعليك حنى نجيك للمطار وحنى ندبر لك سكن واذا جااء المسكين تورط ومحد درى عنه.
طبعا انا ماودي اني اطول بالكلام عن الجامعه وعن الشباب اللي جالسين يضحكون على الطلاب الجدد. انا ودي اعطيكم فكره عامة عن المعهد . طبعا المعهد رأس مالي يعني بالعربي لو تجيب 100 بالميه ماتعدي لانهم يبون فلوسك ولازم تعيد كذاا مره ومستحيل انك تعدي قبل فتره الست شهور اللي من الملحقيه (الفتره الزمنية المحددة). اولا خلونا نتكلم عن مدير المعهد steve هذا الرجل عنصري الى ابعد درجة وسوف استدل على ذلك علشان ماتقولون اني اضلم الرجل فان الضلم ضلمات يوم القيامة انا اعرف واحد من الشباب حصل على 100 بالميه بالفاينل ومع ذلك عاد اللفل مره اخرى وبعذر انه ماحل واجب قديم. طبعا المدرسين انواع الاعاقات والعياذ بالله . اللي مايعرف يدرس واللي يجينا مسطول واللي يعض الطلاب يصححون له قرامر يعني عد واغلط والقائمة تطول عن هولاء اشباه المدرسين.
الحين ابي اعطيكم فكره عن المدينه اللي سميناها( مدينه الظلام). طبعا المدينه كلها شارعين ومحطه ومطعم وملعب كوره. fred mayer طبعا هذا مجمع مدينتنا ماشاء الله فيه كل شي خضره وملابس وسياكل وادوات تنضيف ومواد طبخ. بالنسبه للمطاعم من اشهر المطاعم jack in the box هذا المطعم سبب لنا شلل اطفال من كثر مااكلناا فيه لانه مافيه مطعم يفتح النفس.
بالاخير احب اعطي نصيحة لاخواني اللي الله شاء انهم يجون بديرة الضلام والضلال لايفكرون انهم يشترون سياره انا اقول تمر فرد ماير وتاخذ لك سيكل مثل بعض الاخوان وتقزر فيه مشاويرك لانها كلها شارعين ومطعم وبقاله

هل شبكة تي موبايلي فعالة بالمدينة
شكرا لكم

محتاج مشورتكمو
انا بجي انشا الله بستمبر 2012
عائلة
ما هي الاحياء او المواقع السيئه
وما هو السكن أو المجمع المناسب للعوائل حتى لو كان غرفه واحدة
الله يجزاكم خير