&&~ ـــــ كآليفورنياIrViNe ــــ تجمع طلآبـ ارفآين ~&&

تصدق ان العنوان اللي انت حطيته
Irvine, CA 92697-5700
ما يعطي نفس النتيجة اللي هم حاطينها بقوقل مابس
http://unex.uci.edu/services/contact...ons/extension/

عموما انا عرفت وين الموقع تقريبا

^^
انا عارف بس كلها بالكامبوس وكلها من الموقع
ممكن الموقع الاول للاداره - ادارة المعهد -
والموقع الثاني للمبنى اللي بندرس فيه

ما ادري انت بتفهم قصدي والا لا بس ترى المسافه بينهم ماهي قصيرة
انا يهمني اعرف الموقع عشان احدد مكان المواصلات

تخيل لو لقيت سكن يبعد عن الموقع الاول مشي ربع ساعه وطلع المبنى هو المبنى الثاني ممكن تتحول المسافة لمشي اربعين دقيقه

يجيك احد يقول وليش ما تمشين اربعين دقيقه اعتبريها رياضه (حافظه ردود المنتديات ) اقولك هل جربت تمشي نص ساعه في درجة الحراره خمسه تحت الصفر ؟ او تمشي تحت الشمس ودرجة الحراره ثلاثين؟؟ في هذي الظروف ما تقدر تمشي اكثر من ثلاث اربع دقايق وتدور اقرب باص او تكسي وهذا اللي انا اقصده .

فيه واحد الله يذكره بالخير وصل بالصيف واستآجر شقه قريبه من الجامعة بس بعيده عن محطة الباص وشارعها مرتفع لانها بطريق اخره جبل .. وكلن نصحه وما اقتنع .. يقول انا احب المشي والموقع قريب مو مثلكم اذا راح الباص توهقتو ..
يوم جا الشتا .. صارت درجة الحرارة تحت الصفر.. صار يركب تكسي كل يوم !! .. يسآلونه وش قصة التكسي يبو الشباب وش عندك قال حتى محطة الباص ما اقوى اوصلها من البرد لان الشارع مدحدر واخاف ازلق في الثلج ... وكله كوم والطلعه ذي كوم ثاني تكسر رجولي ما طلعتها .. صارت كل مشاويره بالسيارة

لذلك انا دايم اقول احسبو حساب المواصلات قبل كل شي

في مدن ثانيه ممكن تحدد كل شي وانت في بيتك وتعرف وين محطة الباص وكم مدة الطريق وهل بتركب باص واحد او اكثر وكم مرة يمر الباص من هالنقطه يوميا بس ارفاين الظاهر انها اي كلام بديت اتراجع عنها

للاسف لسه قاريه الموضوع

عموما أخوي في شغلات بالمنطق ما يحتاج أحد ينبهك عليها

اغير طياره و اتبهذل في ترانزيت عشان يمكن الطريق من مطار لوس انجلوس لارفاين يكون زحمه !!

من مطار لوس انجلوس لارفاين 40 دقيقه في الاوقات العاديه و في الرش اور 55 دقيقه تقريبا

متخيل كل اللي اللفه اللي سويتها عشان 15 دقيقه بس !! و بالمقابل راح تتعطل ساعات و كلها من صحتك و جهدك !!

شيك موقع اكسبيديا تحصل رحلات مباشره للونغ بيتش

و نصيحه لك بما انك مقبل على غربه ابحث بنفسك عن المعلومه الصحيحه و لا تعتمد على احد يوجهك و think wise قبل تتخذ اي قرار

موفق

^^

وش دعوى ياختي ليش كل هالمسخرة

بعد هالتوجيهات حسيت اني قدام المشرفة حقتي

وبعدين راجعي الصفحات اللي قبل بتشوفين ان د كمبيوتر قاصد انه يدخل أكبر عدد من المطارات

عموما لاتنسين اننا شباب وان شاء الله مافيه مشكلة لاجسدية ولاصحية

لاتقطعيننا أيتها الفاهمة

أشكرك على المعلومات ونسعد بتواصلك معنا

لم أرى مسخره بالطرح
وانما نصح !
---------
الله يعين المشرفه عليك

حبيي امزح معك عاد امون انا عليك ... مشتاقين لك وان شاء الله نشوفك قريب

وان شاء الله اختنا الفاهمة تضل معنا بالموضوع

^^
هههههه اجل الله يعين المشرفة

عاد تصدق ان المشرفين الرجال اهون

وانت اذا جيت للرياض نشوفك ان شاء الله

لك وين الريس(الماستر) وامنيتي البعثة ومبتعثة طموحة؟؟

مو كأنهم مختفين

ايه وين امنيتي البعثه يعطيني اسم الاوتيل والله قاعده اشيك المنتدى كل شوي اشوف رد علي والا لا

انا لقيت شقق جمب الجامعه ١٢٠٠ بدون اثاث
الاثاث ٤٠٠ دولار بالشهر
طبعا بدون كهربا ونت وكيبل تلفزيون

بس ابي اشوف لو لقيت شقق فندقيه اغلى شوي راح يكون اريح لي لان فترتي محدوده

^^

ابحاول اكلم امنيتي البعثة بالماسنجر وان شاء الله يردلك

يمكن شوي مشغول الحين