&&~ ـــــ كآليفورنياIrViNe ــــ تجمع طلآبـ ارفآين ~&&

السلام عليكم ..... ياهلا والله وغلا بتنور ارفاين بكم ( يالله حيهم )

احسدكم صراحه على الاختيار uci ونعم الاختيار ( هدفي القادم ان شاء الله وممكن اكون معاكم في نفس الدفعه )

انا ادرس الان في ارفاين لكن في معهد خاص في معهد من جنبها هههههههههههه الله يعين عليه

وان شاء الله نشارككم الحوار ونفيد ونستفيد من الجميع .... تحياتي للجميع وللاخ الماستر للدعوه للمشاركه معاكم في هذا التجمع المفيد

شكلك موضوعكم عن السكن : وانتو محتارين بين العائله وبين السكن الخاص :
1_طبعا اكيد السكن مع العائله افضل من كل النواحي لكن فيه مشكله كبيره انا لاحظتها في ارفاين كانها قطعه من شرق اسيا
كثيرين بشكل غير طبيعي اكثر من الامريكان في ديرتهم (وكل ماتدق على عائله تبي تستأجر تطلع لك صينيه ولا فلبينيه )
نادر ماتلقلى امريكان طبعا انا اتكلم عن ارفاين فقط
2_اشوفكم تقولون العائلات بعيده عن الجامعه ياشباب من قال لكم انها بعيده فيه عائلات قريبه 20 او 15 دقيقه
وعلى فكره اغلب العائلات موظفين نادر ماتلقى احد مو موظف حتى الشيبان يعني ماراح تلقاهم الا وقت النوم اذن وين الفايده الا ماندر انت وحظك ممكن تضرب معاك وتطيح على عائله كويسه واللي يزيد صعوبه الفائده منها قله عدد افراد العائله مو مثل عندنا كل عائله ماشاء الله 13 هههههههههه هم 3 ويالله
3_سيكلي ياسيكلي لارباع ولاسديس ودني لمعهدي يم ال يو سي اي(السيكل هههههه بعد السيارات الكشخه السيكل ياشباب تراها تقوم بالغرض لاباص ولاغيره خاصه انتو يابو كروش خخخخخخ خلكم تخفون لازم يجيكم في البدايه مثلي كم شجره تدخل فيها ولاتتفنن مسوي فيها ابي ارفع غزاله طحت على الرصيف ههههههه وبعدها بتتعود وعلى فكره اغلب الطلاب هنا بسياكل اوفر وراح تحتاجها كثيرررررر
عشان الخدمات اذا احتجت شي او اذا تبي تروح بها للجامعه )
4_انا اشوف الحل الامثل اذا ماتوفقت في عائله كويسه ( الروميت ) تشوف لك روميت اجنبي ان شاء الله هندي اهم شي لايكون عربي
وخل عنك انت وياه بنسكن مع بعض وما بنتكلم عربي ماينفع شف لك واحد من شرق اسيا ولا اثنين واسكنو مع بعض بتلقى طلاب كثير يدورون اي طالب يسكن معهم ..... طبعا هذا الكلام ثاني شهر بعد ماتتعرف على الطلاب اللي معاك وتشوف الاعلانات اللي يبي روميت وكذا ..... الشهر الاول مش حالك بأي سكن حتى ولو لوحدك حتى تضبط امورك

المحامي الرابع مادري الخامس ههههههه هذا اللي عندي .... اهم شي السيكل هههههه شباب لاحد يقول عيب

واللي يبي يشتري سيكلي صتي ابو20 فيه اعلام القراصنه هههههههههه

تحياتي للجميع

امنيتي البعثة

ياهلا وغلا بالنشمي

اجل آخرتها سيكل هههههه

بس مادري بيكون اختبار تحديد مستوى والا لا ؟

واذا كان فيه اختبار تنصحيني اشد حيلي فيه والا احاول ما احل زين عشان ابدأ بمستويات ابتدائيه ؟

موفقه بامتحآناتكـ

والله كلآمكـ صحيح

بس انا خاطبت المعهد

وقالوا لي ان فيه خيارات على مزاجكـ .. شكلهم نصابين

يعني نوع الاكل اللي تبيه

تبي مع عائله معاها اطفال او لا

تبي مع بساسه او كلاب او بدون

عندكـ حساسيه من اكل معين

اوصف لنا شخصيتك و و

وخيارات كثيره نسيتها

على العموم الله يكتب اللي فيه الخير

والله موقع رهيب !

شفته ع السريع وشكله روعه

ان شاء الله ابرجع له الليله وابي امخمخ عليه

مشكووره مراسلتنا من هنآكـ

يا هلا و غلا فيكم

اولا في اختبار تحديد مستوى اول يوم

لا تتجهز خلك على طبيعتك اللي تعرفه حله

اما سالفة العائلات في نقطة مهمة هي انك لو ما ارتحت للعائلة او صار مشاكل لا سمح الله ما تقدر تغير العائلة الا بعد ما يخلص الكوارتر


brb اختبار >>> دعواتكم

و لنا عودة


محدثتكم

طموحه

irvine - CA

هلا وغلآ

ارفآين منوره بأهلها

الله يسهل لك وتقدر تحول عندنا

نورت

والله اذا سيكل موب مشكلة ولا هوب عيب <<< يا عذب رح لامستردام وشف السياكل لا تفوتك

مبتعثة طموحة يا كثر اختباراتهم بس ان شاء الله نستفيد منها والله يوفقك

وبصراحة مثل ما قلتي
اما سالفة العائلات في نقطة مهمة هي انك لو ما ارتحت للعائلة او صار مشاكل لا سمح الله ما تقدر تغير العائلة الا بعد ما يخلص الكوارتر <<<< هذا التوريط بعينه وعلمه لوووول

يآسلام عليكـ

والله كلآمكـ صحيح واللي شاف ماهو مثل اللي سمع

وكله كوم وسيكلكـ اللي فيه اعلام القراصنه كوم ثاني هههههههههه

مشكووور يالغالي على اضافتك ولاتقآطعنا