سيــاتل " , معلومات وصور وتفاصيل "

اعتذر للاخوان جميعاَ .. الي يبون رقمي والي راسلوني ع الخاص .. ماهو تجاهل .. لكن انا لي نظرية عيش التجربه وانا مؤمن بها
االله يجمعنا ع خير .ياشباب ..


الحقيقه سياتل افضل مكان يمكن ان تعيش وتتعلم فيه بدون مبالغه .. وهذا مقارنه مع باقي المدن الامريكية وانا مسؤول عن كلامي ...
صار لي شرف ان اقابل عينه من بنات الوطن الي يرفعون الراس وشباب على قدر كبيرا من المسؤلية خلال الايام الماضية ...
وكذلك شباب فاشلين اصحاب نظرية السعوديين مشكلة .. وكأن السعوديين ماسكينة لا يتعلم انقليزي .. والمشكلة جاي ع حساب الحكومه ونافخ خشمه تقول ان مافيه مبتعث الا هو .. صدق جدي الله يرحمه .. التراب وان طيرته تراب ..
وراح تقابلون كلا الوجهين ..
انا تناقشت مع صيني ساكن في بيت مع خمسه صينيين قال لي الي يبي يتعلم راح يتعلم .. وتناقشت مع سعودي يحمل نظرية السعوديين مشكلة ..في الاخير اكل كبر راسه لان حجته فاشلة .. وكل الي بقلبه حسد لا اقل ولا اكثر .تمنيت ان معي عقال اللزخه .


الي ودي اذكره لكم يا اخوان .. لا تشيلون هم شي ابد .سواءً عفش او طيران وصولن الى السكن و الحياة بشكل عام . كلش راح يضبط معكم .. سياتل مدينة كبيره
وحلوه وناسها كويسين .. اسال امريكان وراح يجاوبونك لا تسال غيرهم ..
اتمنى لكم التوفيق جميعا ُ..

سياتل اروع ما تكون هالايام ... راح تغضبون اول الايام لتغير المحيط عليكم لكن بعد اسبوع راح تنشرح الصدور
وتفهمون كيف الحياة ماشية وهذا راح تعيشونه في اي مدينه مو بس بسياتل .......

وبالنسبة للاحت الي تسال عن الجيمات .. الحقيقه ما عندي اجابه دقيقه .. لكن جامعات الولاية قويه ومصنفه من افضل جامعات امريكا .. اذا لقيتي قبول قو هد ..


عموماً
حياكم في سياتل الخضراء

اخوي مجازف تكلمت كثير عن سياتل ، انا في الومبيا جنوب سياتل كيفها؟

مشكور اخي على المعلومات

يعطيك الف عافيه ياغالي بصراحه كفيت ووفيت والله

سياتل بالفعل مدينه جميله جدا

مـــــأعرف..
اذا سياتل خيار جيد للدراسه او لا..
خاصه الفرق بينها وبين كنـدا
من حيث المواصلات والتسهيلات..
(( والله احس راسي رح ينفجر..انرفضت فيزا اخويا المرافق ..الى كندا.
وقاعده اعيد التفكير في اني اروح امريكا سياتل..))
الله المستعان
جزاك الله خير على المووضوع..

تسلم اخوي مجاززززف ماقصرت

<< اقرب طياره

بسالك عن افضل المعاهد في سياتل

وبسالك عن معهد A.E.C للغه هل كويس والا لا

مرحبا اخوي مجازف ...سؤال لوتكرمت ...السكن مع عائلة هل هو مناسب لى ولاخوى اول الوقت وكيف نلقي عائلة مناسبة "نقدرنلقي عائلة مسلمة"معليش يمكن السؤال شاطح شوي بس اتمنى القي اجابة..يعنى تنصحنا بخيار السكن مع عائلة او صعبة ..وشكرآلكـ...

شكرا على هذه المعلومات الجميلة
تحياتي

..................للـــــــــــــــــرفع ........بنتظار .........الرد.......

هلا صالح ..
انتا لسا ما سافرت ...!

كولميبا ماجيتها والله اذكر اني مريت جنبها ولا جيتها ...

لكن اتوقع ماهي بعيده عن سياتل .. لا تشيل هم شي ابد ..

السكن بالكريك تلاقي ..

الله يوفقك