تجمع طلاب وطالبات سان فرانسسكو

مرحبا اخوي حبيب الله ....
انا في معهد els ومعاي اخوي كمان ووحده من صاحباتي برضو قبولها هناك
يعني مليان سعوديين ... لا ماهو تبع الجامعة هو موقعه في حرم هذي الجامعة
بس يقولون يتعاون مع بعض الجامعات ... والله اعلم ... اللي انا متأكدة منه انه تجاري

الله يحرم وجهك عن النار ويوفقك دنيا واخره

طيب انا رحت العامودي للحوالات وحولت الفلوس وقلتله ابغى شيكات قلي ماانصحك فيها عشان بعض البنوك
تكون مفلسه فاميصرفوها لك <<<اش رأيك كلامه صح
واش افضل بنك تنصحني فيه في سان فرانسيسكو؟؟؟


ياجماعه اش افضل مكتب حولات في جده غير العامودي؟؟؟

ووجهك يارب ويوفقنا جميعا إن شاء الله

والله ماأقدر أقولك كلامه صحيح ولا لآ.
بالنسبة ليا أنا أخذت كل فلوسي كاش, حطيت مبلغ كويس بشنطة الظهر وباقي الفلوس وزعتها بين الشنط بالعفش.

قريبي جاب معاه شيكات, بس هوا اودعها بحسابه أول مافتح حساب بالبنك هنا.

أفضل بنك من واقع تجربتي هوا بنك أوف أميركا.

معلومه حبيت أوضحها للجميع:

كل المعاهد اللي ترسلكم الملحقية علشان تدرسوا بيها هيا معاهد كويسة.

تانيا: كل المعاهد التجارية ( اللي مو تابعة لأي جامعة ) تأهلكم لدخول أي جامعة.
بعض الجامعات تطلب إنك تخلص أعلى مستوى بالمعهد اللي بتدرس فيه وبعدها تقبلك الجامعة, يعني مو شرط يكون المعهد متعاقد مع الجامعة, أساسا مافي شي اسمه تعاقد بين المعاهد التجارية والجامعات.

بعض الجامعات تطلب منك إنك تجيب درجة معينة بالتوفل أو الآيلس وبعدين يقبلوك بالجامعة, بغض النظر عن المعهد اللي إنتى بيه.


وبالتوفيق,
وحاظر لأي سؤال.

اخوي SFlegend

بالنسبه للمواصلات صحيح الطلاب المواصلات لهم تكون مجانا او مخفضه ؟

لانه واحد كان في جامعة سان فرانسيسكو قالي انه الموصلات مجانا لهم

وبالنسبه للوايرلس هل يغطي المدينه كلها او بس مناطق معينه يعني لازم نشترك

الله يعينك علينا راح نستلمك اسئلة هههههههه

بالنسبة لينا, طلاب جامعة سان فرانسيسكو, المواصلات بلاش.

الوايرلس مايغطي المدينة كاملة. بالجامعة لازم تستخدم رقم بطاقتك الجامعية.
بالكافيهات طبعا أغلبها فيها وايرلس.
بعض المطاعم فيها
مولات......إلخ.



ماعندك أي مشكلة, أنا حاظر لأي سؤال.

حبيت استسفسر ازا كان في الجامعه او الولايه تخصصي film production
واهم شي متوفر ماستر لاني ابغ اكمل ماستر
بليز بس ابغ اعرف الجامعات اللي فيها
الله يخليكم مره محتاجه جواب قريب
وشكرا

والله ماعندي اي معلومة ادا عندنا بالجامعة التخصص ده ولا لا

بس صديقتي بتحظر ماستر, فيلم برودكشن في لوس آنجلوس
جامعة جنوب كاليفورنيا USC
university of southern california

يعني ممكن المعاهد توفر المواصلات مجانا ولا بس الجامعه

ويعطيك العافيه

جامعتنا بتوفر مواصلات الباصات مجانا.
أما المعاهد فما توفر هالخدمة.

على فكرة, جامعتنا ماتوفر الخدمة مجانا للطلببة, هيا رسوم الإستكر تبع الباصات تديه للطلبة مخفض, 90 دولار بالسمستر, ولكن الملحقية بتدفع هال90 دولار, فعلشان كدا انا عمال بقولك هيا مجانا.