تجمع طلاب وطالبات سان فرانسسكو

السلام عليكم ..

بنات و شباب الله يعافيكم بغيت استفسر عن اللي سجلوا في الجامعات الامريكية

أكيد يطلبون الجامعة السجل الاكاديمي والوثيقة ..

هل الجامعات الأمريكية يكتفون بالسجل الأكاديمي والشهادة اللي مترجمة من مكتب ترجمة معتمد ومختومة من المكتب نفسه ..

او لازم تكون مترجمة من الجامعة اللي تخرجت منها مثل ( جامعة فيصل )نفسها بختم الجامعة ..

بليييز اللي سجلوا وعندهم خبرة بالموضوع يفيدوني علشان اقدر اضبط اموري ..

وشكراً

أهلا ريان
ياليت ترسل تفاصيل اكثر عن رحلتك مثل موعد الوصول وعلى اي خطوط وهل ودك احد يستقبلك ، والسكن هل عندك حجز في فندق والا لسى؟؟
كلمني اذا جتك فرصه على 3528718931

أهلا هتان
انا قدمت على اكثر من 15 جامعه الشي الوحيد اللي يهمهم هو السجل الأكاديمي، لازم يكون مترجم وفي ظرف ومختوم من الجامعه، وفيه حل ثاني، اذكر لما قربت تخلص نسخ سجلي الأكاديمي ارسلت النسخه الأخيره للمشرف الدراسي وطلبت منه يصورها كذا نسخه ويحطها في ظرف الملحقيه ويختم الظروف، وبالفعل ارسلتها لبعض الجامعات وقبلوها، وبالنسبه للشهاده فمهي مهمه لأن الجامعات تسوي معادله لدرجاتك وبيطلعون المعدل التراكمي، وفيه بعض الجامعات تطلب منك تسوين معادله من مكتب معتمد مثل WES وهذي لها قصه ثانيه...

تحياتي
حاتم

السلام عليكم ياليت احد يفيدني بخصوص المشرفه انا بتصل عليها طالبه تحويل لمعهد els اللى بسان رافييل كلمت المشرفه تقولى سجلى

بموقع الملحقيه في الحكومه الالكترونيه واطلبي تحويل سجلت بس فيه مشكله يطلع رساله اتصلى بالمشرفه كلمتها اعطتنى رقم مسئولة

التقنيه بعدين اتصلت على د/ سعد السويلم وقالى ماعندك مشكله بالتحويل جدا سهل بس ارسلى القبول للمشرفه حقتك وبلغتها موراضيه

تستلم القبول الا لمن اسجل بموقع الحكومه الالكترونيه ايش الحل ياليت احد يقدر يفيدني

اخوي حاتم ..

يعني على كذا لازم اروح الجامعة واطلب يترجمون السجل ويسكرونا بظرف وينختم بختم الجامعة ؟! .. طيب اخوي كم تقريبا نسخة احتاج ؟؟

أهلا شوق ابوها
ما ودي اسببلك إحباط بس لسّى ما شفتي شي، على كل حال ارسلي ايميل مفصّل بالمشكله التقنيه وارسليها للمشرفه وcc لـ د.سعدالسويلم و cc لـ د.محمد العمر، واذا ما ردت بعد هذا الإيميل كلمي د.سعد مره ثانيه وقولي له ان المشرفه ماهي متعاونه، وانشالله تتيسر الأمور، على فكره هذي وصفه مجربه وناجحه بنسبه كبيره!!!

أهلا هتان
اذا السجلات موجوده معاك ولاهي بظروف ممكن تنسيق مع المشرف الدراسي بحيث ترسلي السجلات او ترسلي سجل واحد وتطلبين منه يصورها عدة نسخ بس يختم عليها طبق الأصل، وبعدين يحطهم في ظروف ويختمهم وبرسلهم لك مره ثاني،. وبالنسبه لكم نسخه تحتاجين فهذي تعتمد على عدد الجامعات اللي بتقدمين عليهم، وعلى فكره الملحقيه ممكن تترجم سجلك الأكاديمي فكلمي المشرف الدراسي ونسقي معه.

تحياتي
حاتم

هلا اخوي حاتم .. اسفة ازعجتك بأسئلتي ..
بس انا عندي السجل الاكاديمي مترجم من مكتب ترجمة .. هل اوديه للجامعة يختمونة والا يكفي انه المشرف يختملي اياه من الملحقية ؟؟؟

ويعطيك الف عافية اخوي

هلا اخوي حاتم الله يسعدك كلمت د/ سعد وقالي ارسلي قبولك على المشرفه ارسلته بس رجعت ارسلت انى لازم اسجل بالموقع وسجلت كل شئ تمام بس لمن دخلت على الحكومه الالكترونيه طالب تاريخ الدراسه بالمعهد
الحالي وانا لسه مابدأت فيه وطالب خطاب القبول من المعهد الجديد وخطاب إخلاء طرف بس أنا مابدأت لازم اروح المعهد
الحالي واطلب دا الخطاب لان الموقع مو راضي يتم الاجراءات الا لمن ارفق مع الاسباب وخطاب القبول خطاب إخلاء طرف
الحمدلله راح اكمل 10 ايام بالفندق وماصار شئ إلى الان والمشرفه مالها اي فايدة ماترد الا على الايميل التليفون تطنش
حتى حساب بالبنك مافتحت ايش الحل

أهلا هتان

الجامعه او الملحقيه يختمون بما يفيد ان الصوره طبق الأصل، بس ما يختمون على الترجمه للتأكيد على صحة الترجمه، فإذا ودك تصورين الأوراق المترجمه هنا يجي دور الملحقيه، فهم يختمون على الصور بعد ما يطابقونها بالأصل، أو ممكن ترسلي السجل وتطلبين من الملحقيه يترجمونها وهم بيختمون على الترجمه بما يثبت انها صادره من الملحقيه او من مكتب يتعامل مع الملحقيه. وانا مركّز على الملحقيه كونها حل ثاني للي وصل لأمريكا ووده يكمل اوراقه ولا يقدر يراجع جامعته في السعوديه. بس اذا تقدرين توصين احد في السعوديه يكمل النواقص فهو افضل واضمن. وعلى كل حال انا انصحك تدخلين موقع الملحقيه وتشوفين الخدمات المقدمه للطلاب، و ممكن تتواصلين مع مشرفك وتستفسري منه اكثر. اتمنى اكون جاوبت على سؤالك.

أهلا شوق ابوها

نفس المشكله حصلت معاي فيما يخص التواريخ، فأنا حطيت التاريخ المفترض لبداية الدراسه وانا بعد ما بديت ومشت العمليه، و فيما يخص التحويل لمعهد ثاني لازم تمرين على المعهد الأول وتاخذين منه ورقة تحويل، أعتقد لها علاقه بالـ I-20، فإنتي كلمي المعهد الأول و أطلبي منه ورقة تحويل لمعهد ثاني، وبعدين ارفقي كل الأوراق المطلوبه في الموقع. وانشالله تمشي امورك، مع انه كان ودنا يزيد عددنا في سانفرانسيسكون ما ينقص.
شغله أخيره أهم شي تسوينه انك تفتحين حساب في البنك، لا يكون تمشين وفيه كاش معاك؟؟؟؟؟!!!! ولاتنسين انك بتحتاجين شيكات للسكن.

يعطيك العافية اخوي حاتم .. تعبناك معنا بكثرة اسئلتنا ..
اله يجزاااك كل خير

تجمع مفيد جدا ومشكورين نتابع معلوماتكم الجميلة ونستفيد من معلومتكم قبل وصولنا المقرر في 13 -9 في امباسي بس ودي اجل شهر كيف الطريقة الفيزا والقرار موجودين افيدوني وجزاكم الف خير واللة يفقم يافرنسسكين