تجمع طلاب وطالبات سان فرانسسكو

* بالنسبة للأكل فالبقالات العربية كتير بالمدينة وبرضه المطاعم العربية أو الهندية اللي يكون لحمها حلال.
وتقدري تسألي ادا الأكل فيه خنزير أو كحول واللي يشتغلو حيقولولك, يعني مافي خوف من هادي الناحية بالعكس هما يحترمو الشي دا.

* الحي اللي فيه معهدك تعتبر اجاراته شوي غالية, والحي كويس.

* قد ماتقدري, ابعدي عن جنوب الداون التاون ( الحي اسمه ميشين )

* أسعار الحظانات اظنها ثابتة, لما رجعت البيت شيكت على موقعهم ومو مذكور انو الأسعار بالصيف تزيد.
أنا متأكد إنك حتلقي حظانات بسعر أقل, بس حاولي انو هدا الشي يكون من أوائل الأشياء اللي تنسقيها مع المعهد.

* بعض المأجرين يخلوكي تدفعي أول وآخر شهر وتأمين عادة يكون عبارة عن نص إيجار.
وبعظهم بس تدفعي أول شهر وتأمين يايكون عبارة عن نصف إيجار أو إيجار كامل.
-- التأمين يرجعلك لما تطلعي من الشقة ادا ماكنت فيها اي اظرار.

بالنسبة ليه, أنا دفعت أول شهر وتأمين ( ايجار).
في بداية الشهرين الأولى حتطري تدفعي شوية مصاريف زيادة بس بعد كدا حترتاحي.

مرحبا خيو تامين الايجار .. كل شهر ندفعه ولا بس اول شهر ناجر فيه ...؟

الحمد لله لقيت ناس في سان فرانسسكو

انا توقعته مهجوره


انا ان شاء الله راح تبدا دراستي في 5 ابريل الجاي

في معهد KIC

kaplan international centers

حبيت اسال هل فيه احد في نفس معهدي ولا انا بالحالي

اخوكم
ابراهيم

صراحه قبولي في ديره ابوكلب اركانسس ماعندك احد وكنت مخطط انقل لو بالقوه شفت تجمعكم وارتحت وفتحت صور المدينه وشي تفتح النفس المترو مدري ايش اسمه اللي فوق كنا نشوفه ايام اللعب في دريفر
فايش رايكم احسن معهد هناك وطبعا يوفر عائله بس لازم يسوي تأهيل اختبار gre خصوصا انه مافي احصل جامعه عدله في الهندسه تقبلني بدونه غير Embassy CES English Language Schools ماعندهم gre
شكراااااااااااااا

بالنسبة للمعاهد فكل واحد ليه ايجابيات وسلبيات, وما اقدر اقولك اش احسن معهد بس ممكن الإخوان اللي جربو يفيدوك.
ومن ناحية ال جي آر ايه, فااعذرني اخوي, ماعندي اي فكرة.

طيب ياخوي ايش ترشح معاهد كويسه لي وماعليك انا اشيك على اختبار gre ومعهد كابلان هذا هو ماهو بس للاطباء لانه اصلا هو على حسب ماسمعت انه متخصص في التاهيل لكل الاختبارات وتراني عزوبي يعني ماعليك حطني في اي مكان اعيش الا حي جينجستا فكنا