تجمع طلاب وطالبات سان فرانسسكو

هذا الرقم (U.S. Taxpayer ID Number) عبارة عن رقم خاص بكل شخص يدفع ضرائب. ممكن تتركيه فاضي.

صحنتلفقنطنخثلفح54شلثبخريؤءةن

بالعكس صدقوني راح تتمتعوا بسان فرانسسيكو بس الله يعينكم على الاسعار

الله يعطيكم الف عافيه ومشكورين

بس ممكن استفسارات صغيره
اذا اقل سكن يوصل 2500 دولار
والمكافاة ماتتعدى 3000 دولار انا والمرافق
اجل كيف بنمشي مصاريف مواصلات واكل وفواتير كهرباء ونت
يعني كم توصل تقريبا مصاريف الفواتير الكهرباء والنت
وهل الكتب تبع الدراسه على حسابنا ولا على حساب الدوله
وكل واحد حصل i20 لازم يدفع مصاريف السيفيس

انا اسفه طولت بالاستفسار اذا ممكن احد يجاوبني اكون ممنونه له

من خلال تصفحي للمنتدى قريت مواضيع عن معهد امباسي
وانو سيئ للغايه وتجاري وان الواحد مايستفيد
طبعا هالكلام في فرع سان دايقيو
هل نفس الكلام ينطبق على معهد امباسي في سان فرنسيسكو
طلبا وليس امرا ان تفيدوني في الموضوع

بس بسـأل عن شغله يمكـن انا ماني فاهمتها
الحين الي اعرفه انو السيفيس يندفع قبل مانسافر مره وحده بس
حسيت من كلامك انو ندفع للسيفيس كذا مره ... ؟!!
ترى لسا مبتعثه جديده ومابديت في اجراءات الفيزا :P

اختي أنا الآن بسان فرانسيسكو بالنسبة للسكن السعر الي انتي حاطته مبالغه فيه تقريباً السكن بحوالي 1200 إلى 1500 دولار في الشهر طبعاً غرفه ومطبخ وحمام بالنسبة لي أنا جالس مع ثلاثه في غرفة وحده كبيره نسبياً وكل واحد يدفع على 400 دولار يعني 1200 بالنسبة للنت هناك شركة at&t عندها عرض كويس تدفعين 100 دولار لتأسيس الاشتراك مع المودم ويجيبوه لك عند الباب وبعدين كل شهر تدفعي 20 دولار فقط لمدة سنة ثم 40 دولار إذا أكثر من سنة. بالعربي هم يقولو عشرين عليك وعشرين علينا لمدة سنة وبالنسبة للكهرباء والماء يمكن تطلع في الشهر 40 دولار إذا كثرت. والسيفيس فقط تدفع عند تسجيل المقابلة في السفارة. وبالنسبة للكتب ما عندي فكره عنها. لأنه دراستي ما بدأت ستبدأ الاسبوع القادم. للعلم أنا طالع على حسابي الخاص لا أعرف شيء عن أصحاب البعثات.

وأي معلومه حنا حاضرين،،،

بالنسبة للاجارات ، ماأزيد على كلام أخوي سعيد. الشقق الي اجاراتها 2500 أعتقد أنها ماهي للطلاب من وجهة نظري. بتلاقين في سان فرانسيسكو والضواحي سكن أرخص. مو كل الشقق المعروضة للاجار معروضة على الانترنت. اذا بغيتوا تسكنون في السيتي ، ممكن تسألون أصحاب البقالات العرب (كثير من البقالات أصحابها يمنيين ومغاربة الخ) ويدلونكم على شقق قريبة وأسعارها معقولة.

البيوت الي برة الداون تاون طبعا أرخص. لو بغيتي شقة بغرفتين مثلا برة الداون تاون ، عندك الخيارات التالية (كأمثلة):

شقة غرفتين ب 1600 دولار في حي "Richmond" (شمال غرب مدينة سان فرانسيسكو). المنطقة هذه بيوتها اجمالا كبيرة وحلوة..
Two Bedroom Richmond District

-----------------------------------

غرفتين (Two Bedroom Apartment) ب 1960 في منطقة ingleside (جنوب الداون تاون) والمنطقة يسكن فيها نسبة كبيرة من الطلاب (فيها جامعة SFSU و USF). بتلاقين شقق أرخص شوي بعد في نفس المنطقة.

http://sfbay.craigslist.org/sfc/apa/2132001722.html

-----------------------------------

عندكم خيار السكن في الضواحي الجنوبية (منطقة Daly city و South San Francisco و San Bruno مثلا). السكن في الضواحي اجمالا أرخص والمباني جديدة. ممكن تشوفين الروابط الي تحت كأمثلة. لو ضغطتي على رابط "Floor plan" بتشوفين مخطط الشقة/المنزل الخ.

Daly City Apartments -Westlake Village Apartments

الأسعار وأنواع البيوت هنا:
Pricing and Overview[id]/3643/

------------------------------------

Skyline Heights
(في حدود 1600 دولار لل Two bedroom apt)

------------------------------------

San Bruno Apartments - Crystal Springs Terrace

الأسعار وأنواع الشقق هنا:

San Bruno Apartments - Crystal Springs


وهذه روابط ثانية:

Peninsula Pines Apartments in S San Francisco, CA | S San Francisco Apartments For Rent

طبعا مو كل المجمعات يسكنّون الطلاب ، فهذه النقطة لازم الواحد يتأكد منها. اذا بغيتي (الكلام موجه أيضا للجميع) وعجبكم مجمع معين أو شقة محددة ، ممكن نتصل (أنا أو أي واحد من الشباب هنا في المنتدى) ونتأكد اذا كانوا يقبلون يسكنون طلاب علشان الواحد يخطط قبل لايجي ويروح لهم.

فيه نقطة ثانية وهي أنه اذا سويتي عقد لمدة سنة ، معظم المجمعات تعطيكي شهر بلاش (الشهر الأخير عادة). حتى لو هم ماقالوا شي ، ممكن الواحد يفاصلهم في النقطة هذه. أنا عطوني شهر بلاش وبعدين يوم قرب يخلص العقد قالولي بنزيد الاجار ، قلت لهم بكيفكم بس علموني من بدري علشان أدور مكان ثاني وجددت العقد ومازادوه.

الانترنت فيه AT&T وفيه Comcast وفيه غيرهم. كلها تقريبا في حدود 20 دولار في الشهر. أنا سويت عقد مع Comcast وبعدين يوم خلص قالولي بنزيده ويصير 40 دولار ، قلت لهم ماأبغاه لقيت عرض أفضل مع AT&T ، قالوا خلاص خلك معنا ومازادوه. لي الحين سنة ونص معهم ب 20 دولار في الشهر. سرعة الانترنت في حدود 12 ميغابيت يعني ممتازة والتركيب كان ب 75 دولار - مادري لو زادوه.

الكتب حقت المعهد ما أدري عنها شي -مادرست معهد هنا- بس الملحقية ماتدفع تكاليف الكتب. كتب الجامعة عادة الطلاب يشترونها مستعملة من مكتبة الجامعة أو أي مكتبة قريبة أو حتى من أمازون اذا كانت رخيصة مرة وبعد مايخلص السمستر يبيعونها للمكتبة وكذا. عادة كل جامعة فيه قريب منها مكتبة وحدة على الأقل تبيع وتشتري الكتب المستعملة.

نقطة أخيرة ، البيوت في سان فرانسيسكو بشكل عام مافيها مكيفات ، اذا صار حر الناس ينامون في الشارع وعند البحر...

طبعا الي بالأزرق مزح :-). سان فرانسيسكو الجو فيها معتدل طول السنة تقريبا بس يبرد شوي في الشتا (اليومين هذه فيه مطر وضباب بس مو برد مرة) ويجي يومين أو ثلاثة حارة شوي في الصيف يعني مافيه حاجة للمكيفات وفواتير الكهرب ماهي غالية.

الله يعطيك الف عافيه ياااااااااارب ويوفقكم ويفتح لكم طريق خير
كفيتو ووفويتو ماقصرتو
بس ياليت القى احد يفيدني عن المعهد لان كتير بيقولو انو ماياهل للماستر
وانت ياخوي اللي بتدرس على حسابك الخاص ممكن توضح لي كم كانت تكلفت السفر والدراسه

أنا طلعت طيارة من الرياض إلى لندن ومن لندن إلى شيكاجو ومن شيكاجو إلى سان فرانسيسكو ( رحلة طويلة شوي ) بخمسة آلاف ريال وخمسمائة من خلال مكتب الطيران الأمريكي في الرياض شارع العليا العام. أعتقد وبعدها ارتفع السعر بس أنا لحقت على خصم أو شي. ( ذهاب وعودة ) . لكن بالنسبة للمبتعثين هناك الطيران السعودي من الرياض لواشنطن مباشرة لأنه ضروري يروحوا على الملحقية أولاً لكن بالنسبة لي ما كانت تفرق أهم شي أوصل لسان فرانسيسكو بأي طريقة. وبالنسبة للمعهد أنا سأدرس في كابلن بعد ثلاثة أيام سنبدأ أخذت سمستر مدته خمسة أشهر مكثف بـ 6500 دولار ( غالي شوي ) بدون السكن. لكني في البداية عملت حركه حلوه لو ما تعرفي أحد هناك. استأجرت فندق لمدة ثلاثة أيام من الرياض عبر الانترنت ولما وصلت وكنت تعبان رحتله على طول. وبعدين بدأت أبحث. لأنه بعضهم يجي على طول يجلس يدور ( يتبهدل ) لأن الطيران راح يكون طويل وبتوصلين وانتي تعبانه ويمكن توصلي في الليل . أنا أشوف انها صعبة شو.