المشاركة الأصلية كتبت بواسطة alsagr
هلا وغلااا خوووي
خذ راحتك بأي شي يالغالي ولا يهمك ، انا لحالي هنا وساكن بسكن حلووو وبالنسبة لي يعتبر رائع جداً ، صحيح انه غالي لكن هذي ع حسب المواصفات اللي ابيها .
اما بخصوص السكن بشكل عام ، فالسكن على حسب المواصفات اللي تطلبها وكل ما كانت مواصفاتك عاليه كلما كان الايجار اعلى ، اعطيك بعض الحالات :-
قبل لا استرسل ، في المدينة عماير كثير تابعه للمعاهد او مستأجرة او حتى خاصه ومنتشرة بشكل كبير في مركز المدينة تحديداً ، وانصح في حالة رغبتك السكن لا تحاول تاخذ السكن عن طريق المعهد لان المعهد قد يأخذ عليك مبالغ اضافيه ممكن تتجاوز 100 او 200 $ شهرياً ، فأفضل شي يساعدك المعهد لمرة واحده في بداية قدومك ومن بعدها تبحث عن السكن مباشرة بدون دخول المعهد كوسيط ،
هناك عماير في شارع ماركت ، وعماير في السيفك سنتر ، وكذلك هناك عماير في شارع ستر (قريبة من مسجد ومطاعم ومقاهي عربية ) وكذلك عماير بشارع بوش ..وشارع بول وشارع أليس ، وهذه المناطق جميعها قريبة من بعض تقريباً....
الان نتوجه لبعض المعلومات عن السكن:-
1- ( غرف مؤثثه) :-
اذا كنت ترغب في غرفة مشتركة (ممكن تتشارك في غرفه مع احد الاشخاص بمبلغ تقريبي بين 500 و 650$ لكل شخص )
اذا كنت ترغب لوحدك (بحمام مشترك او حمام خاص ) تتراوح الاسعار بين (700 الى 950)
2- استديو غير مؤثث :-
ايجاره بحدود (1000الى 1200) ، وتأثثه بحوالي (800) دولار لمرة واحدة- وانصح فيه للمتزوجين والعائلات بشكل عااام .
3- استديو لشخصين وطفل او من شخصين يسكنون في استديو مؤثث بحدود (من 1700 $ الى 2000$) .
باختصار اذا كنت لوحدك ما هناك اي مشاكل باذن الله ،لان المعهد في بداية الامر بيدلك على سكن مؤقت ، وبعدها ستجد من السعوديين والعرب في المعهد من راح يساعدك وما بيقصر معاك ااحد منهم أبداً..
وفي جميع الحالات انا في الخدمه حتى ادلك على الاماكن الجيدة او حتى لو حبيت ابحث لك عن سكن ، ماطلبت شي ، ابشر.....
قبل لا انسى ، جيب معاك مكينة حلاقة .... لاني فعلاً تعذبت بخصوص هالموضوع (أااه ياقلبي ع الرياض).... وحاول تاخذ لك دورة حلاقة عند اي حلاق في السعوديه
، لأني خليت وجهي شواراع ، وترى الاسعار مرتفعه نوعاً ما...
اذا عندك اي استفسارات أخرى انا بالخدمه لك وللجميع ، وأتمنى ان هالمعلومات تساعدكم في الحصول على مبتغاكم ........
مع التحية
السلام عليكم:
بخصوص معهد
Embassy CES امباسي عنوانه بشارع ماركت اضغط ع الرابط خرائط قوقل وضع عنوان المعهد
http://maps.google.com/maps?hl=en&tab=wl
تروح خرائط قوقل وتكتب في محرك البحث من اليسار تكتب 800 بعدين مسافه بعدين هالجمله
market st san francisco
وتقدر تضغط على الصورة يمين او يسار الخريطه بتلاحظها حسب لغة جهازك ، وتشوف صور العمارة واضحه تماما وتقدر تتجول بالكاميرا بجميع الاتجاهات حول المعهد وبتلاحظ مركز بيع أبل للهواتف ، حيث ان مدخله من الجهه الخلفيه للعمارة رقم 800 وبوابته تطل على مبنى لشركة ابل لبيع الاجهزة الخاصه بالايباد والايفون وغيرها ) يعني موقعه مميز وممتاز وقريب من محطة البارت بووول،والمعهد في الدور الرابع والخامس من العماره ، والمعهد فيه حوالي 20 سعودي وسعوديه تقريباً ، انا ما درست فيه صراحه لكن رحته وتجولت فيه واخذت فيه نبذه من مدير المعهد .... والمعهد يؤمن سكن باسعار مختلفه يعني مثلاً (انا اعطيكم هنا اسعار المعهد ولا اعلم عن اي مواصفات اخرى لاني انقل لكم من البرشور الخاص بالمعهد (غرفه وحمام 660 - غرفه مشتركه 300 - homestay - )
اما بخصوص تجربة السكن في سان فرانسسكو ، صحيح ان السكن شوي فيه تعب في البحث لكن بصراحه موجود ، واسعاره متفاوته ، ونصيحه للجميع اذا رغبتوا السكن اسكنوا في منطقه قريبة من المعهد او ما تبعد عنه كثير ، وغالبية المعاهد في مركز المدينة والسكن هناك حسب ما هو موضح بمشاركتي السابقه ... الواضحه أعلااه
اما بخصوص السكن البعيد يحتاج منك وقت اطول للدوام يعني مثلاً
الدلي سيتي تعتبر بعيده رغم انها بالبارت لكن بعيده ، اذا توفقت وحصلت على سكن قريب من محطة البارات فتحتاج الى اكثر من نص ساعه بالبارت منها وقت الانتظار ووقت المشوار وتحتاج قبلها مشي الى محطة الباص وبعدها الباص يوديك لمحطة البارت وهذا اذا وفقك ربي وكان معهدك على ماركت استريت ,,,مثل حالة معهد امباسي,,,,
اما اذا كان بعيد عن ماركت استرتيت تحتاج باص ثاني واحسب كم وقت ياخذ الباص الثاني يعني دخلت في ساعه ونص وتخيل دوامك 8 الصباح يعني تحتاج تصحى 5 ونص حتى تقدر توصل بموعدك.
عشان كذا الدلي سيتي بعيدة عن الداون تاون ولا انصح بها هذا من جانب البعد اما الجانب الاخر وهو جانب معروف بسان فرانسسكو كلها ان الدلي سيتي تحديداً يكثر بها نوعية معينة من الاشخاص.
بخصوص فترة الايجار فالسكن ممكن بعقد شهري او شهرين او ثلاثة او حتى اكثر او اقل تدفع تامين شهر اضافي هذا كل اللي مطلوب ...،، اما السكن مع عائله فانا سكنت زمان مع عائله وجربت السكن بمختلف انواعه والسعر الخاص بالعائله للشخص الواحد بحدود (600 الى 800 ) للشخص الواحد لكن اعتقد الزوج وزوجته يفضل ان يسكنون باستديوا خاص فيهم غرفه وحمام ومطبخ صغير سعره
حالياً ( من 850 الى 1300) في مدينة سان فرانسسكو بمركز المدينة واللي حوله وبالشوارع الجيده والامنه بالمدينة ويعتمد السعر حسب المنطقة والشارع ......
اخيراً ، فيه فنادق تختلف اسعارها الاسبوعيه حسب نظافتها وطبيعتها وتبدا كالتالي :-
من 400 الى 750 في الاسبوع حسب نظافة الفندق وموقعه
بعض الفنادق اسعارها بحدو 250 اسبوعياً لكن ليست بالمستوى
بكل الحالات حتى تضمن انك ما دفعت مبالغ اكبر لا تحاول في البداية توقع عقد بمدة طويلة وقع بالشهر فقط لانه ممكن تجد افضل منها ......... وخصوصاً اذا ما كان عندك معرفة باسعار المنطقة ووضعها..
اتمنى ان قدرت افيد الجميع واذا فيه اي استفسار انا حاضر
تحياتي
alsagr April 24th, 2011, 03:19 PM
LinkBack URL
About LinkBacks
سان فرانسيسكو غالية جدا
انا تعبت علشان احصل على سكن في الاخير سكنت في دلي ستي اذا تبي تسكن في الدلي
انا حاضر ادور لك سكن حول 1300 لصالة وغرفة ومطبخ وحمام ويكون فيها ثلاجة وفرن
واذا كنت تبي ستديوا حول ١٠٠٠
انا كنت ابي عائله لكن غالي جدا جدا الواحد ١٠٠٠ يعني انا وزوجتي ٢٠٠٠ وعليهم الفطور بس ومممنوع تطبخ