الي في سولت ليك يتفضل هنا

احرجتوني يا حبايبي من كثرت الردود انا ما ادري اكلم مين ولا مييين انا اسف ما اقدر الحق عليكم كلكم


لهدرجه مو عاجبكم موضوعي يعني ؟؟؟؟؟؟؟؟

لاتستغرب .. مادامك ماحطيت موضوع عن كارليفونيا وطقتها ولا ماتجيك ردود .


اول سؤالين ممكن تلقى اجابتهم داخل اي موضوع او في قسم ثاني ,, ولاعندي فكرة بحكم اني لازلت في السعودية .

اخر 3 اسئلة تخص المدينة ,, وانا قريب منك في مدينة بوكاتيلو وان شاء الله مطيح عندك في كل ويك آند .


اول ماتوصل اذا كان وقت دوام تورح على طول على الجامعة وتشوف كل الاجراءات اللي ممكن تسويها , ممكن يقدرون يدبرونك بسكن في الجامعة مع اني ما اتوقع من اول يوم .

أو أنك وهذا الاغلب بادئ الامر تحجز لك ليلة في احد الفنادق القريبة من الجامعة , وترتب امورك مع المعهد حق الجامعة .

بالنسبة للعايلة غالباً ماتتوفر لك الا بعد فترة من طلبك لها , وسكن الجامعة اسهل انك تحصل عليه واعتقد انه في الشهر قريب من 450 دولار وسكن العايلة قريب 800 دولار

بالنسبة للمدينة جميلة جداً والكل يمدحها ..طبعاً باردة جداً والشتا طويل فيها , وهي عاصمة ولاية يوتا وزي ماقلت المدينة جداً حلوه .

كنت اتمنى اني معك في سولت ليك ,, وبما ان معهدك تبع الجامعة غالبا بيكون ممتاز .

ابحث لك في المنتدى اعتقد فيه عدد لابأس فيه في جامعة يوتا .

يعطيك الف الف عافيه mr finance ماقصرت اخوي مشكور على لطفك انا رحت مكت وخليته يدور لي عى سكن وخاطب الجامعه نفسهم لانهم هم الي يتولون امر السكن على كلام المكتب والى الان ماردو علي من اسبوع تقريبا انشاء الله خير ....

السلام عليكم أخوي
أنا توني مشترك جديد بالمنتدى وأنا موجود بمدينه سولت ليك سيتي
وراح اخدمك على قد ما اقدر
أول سؤال:
أذا بتأخذ نصيحيتي خذ الخطوط السعوديه لأنها راح توقفك على واشنطن أو نيويورك.
ثاني سؤال:
وانا أخوك ما عندي خلفيه عن الأجراءات اللي لازم تسويها بس اللي أعرفه أنه الطلاب اللي جو على حسابهم لازم يخلصون حوالي 30 ساعه وتظمهم الملحقيه على حسابها هذا اللي سمعته.
ثالث سؤال:
وش قصدك بالضبط وين تروح يعني قصدك بالمطار نفسه أو أذا خلصت من المطار
على العموم انا راح أقولك ايتهم كلهم
أذا بالمطار طبعا بعد ما تجي من نيويورك أو واشنطن وبعد ما تأخذ عفشك راح تلقى الشتل( الباصات اللي توديك لوسط المدينه) أو التكاسي واذا تأخذ نصيحتي خذ تأكسي بما أنك توك جاي وعطه العنوان السكن حقك.
السؤال الرابع:
وأنا اخوك من ناحيه السكن لك أكثر من خيار أما أنك تسكن بسكن الجامعه Housing & Residential Education - The University of Utah
وهذا الرابط حقهم وأسعارهم تعتمد على خطه الاكل ونوعيه الغرفه.
الخيار الثاني أنه تسكن بشقه مثل ما أنا أسوي وفيه عندك شقق كثيره
عنددك الأيمقريشن كورت وهذي قريبه من الجامعه ولا يحتاج أي شيئ كل شيء جنبك مطاعم وسوق وهذا الرابط حقهم
Emigration Court Apartments For Rent in Salt Lake City, Utah - Apartment Rental and Community Details - ForRent.com
وفيه شقق برنقهم ينق وهذا الرابط حقهم Brigham Young Apartments
وأخيرا فيه شقق القيت وي وهذا الرابط حقهم Northgate Apartments at The Gateway - Salt Lake City, Utah - Cowboy Properties
والخيار الثالث أنه فيه المسؤله عن العائلات وهي تشتغل بالمعهد وعندها هي تتدور لك عائله.
وأن شاء الله اني أفدتك ولو بالقليل
تحياتي

الله يعطيك العافيه اخوي ماقصرت والله جزاك الله خير
ابشرك اموري كلها تمام حجزت عى الخطوط السعوديه بس بالنسبه للسكن ماحصلت على كلام المكتب خاطب الجامعه قالو كلها فل مافيه الي هو سكن عائله مافيه الا شقه والشقه سعرها 1000 دولار شهريا وانا افضل سكن عائله ماادري وش تنصحني فيه اخوي انا والله متوهق الحين باقي 10 ايام على سفري ولسى مادبرت سكن اخاف اتوهق هناك لان لغتي ضعيفه وبالنسبه للسكن في الشقه راح اصرف كثير على الاكل والشرب والغسيل واشياء كثير وغير كذا الفايده اقل من سكن العائله وسعرها غالي ولا انت وشرايك

السلام عليكم
عندي استفسار عن المدينة لاني باذن الله ساتواجد فيها خلال الاشهر القادمة، وعذرا على مشاركتي صاحب الموضوع في الاستفسارات:
عندي طفلين، ماهي افضل دي كير daycare ؟ وكم تبلغ الرسوم؟
السكن التابع للجامعة يعتبر صغير، فانا ابحث عن 3 غرف هل من نصيحة؟ و كم تكلفة الفواتير عادة؟

و لكم جزيل الشكر

ارجو المساعدة يا اخوان و يا اخوات

الاخ مقاوم جروحه
ان شاء الله بكون عندكم قبل 7/1/2011
تكفا الفزعة

سلام عليكم

اخواني عندي استفسار عن ارخص خطوط داخلية داخل امريكا لاني بكون متواجد ان شاء الله في سولت ليك 14 او 15 may 2013 الرحة تكون من واشنطن مطار دالاس الى مطار سولت ليك ....



ارجو الرد باسرع وقت