مساعدة ضاقت بي الدنيا ريحون الله يوفقكم

لا ضيقة ولا شيء والموضوع بسيط وسهل جداً .

اول ماتوصلين ان شاء اللة وتروحي للملحقية اسأليهم عن طريقة تغيير المعهد وراح يقولون لك التالي :
انتي تروحي تدرسي شهر او شهرين وهذا اجباري كقانون امريكي وبعدها تجيبي لك قبول من اي معهد تختارية (وهذا شيء سهل ) وترسلينة للأدفايزر حقك في الملحقية وهو في نفس اليوم يرسل لك ضمان مالي باسم المعهد الجديد وبعدها تروحي تودية للمعهد وهم راح يعطونك آي توني جديد وبعد ماتستلمين القبول الجديد ترجعي لنفس معهدك الأول تبلغينهم بأنك سوف تغيرين المعهد وهم راح يأخذوا منك معلومات المعهد الجديد ويعملون لك ترانزفيير (تحويل ) للمعهد الجديد ، وبكذا ينتهي الموضوع .

ومالها داعي الضيقة والحوسة وتزعلي نفسك .

وبالتوفيق وربي ييسر امورك .

الله يوفقك ويسهل امرك يارب
ومثل ماقال الأخ الغالي مجنونها .. المسأله مايبغى لها ضيقة صدر
الاجرائات واضحه والحمدلله مافاتك شي للحين

الله يجزاكم من كل خير و يوفقكم بدراستكم امين
طيب انا اخت معي قبول جديد وخليت الدراسه فيه بعد اسبوعين من نزولي امريكا يعني بدرس في المعهد الجديد اسبوعين وراجع

صباح الخير ارسام

إذا كنت تقصدي قبول جديد (I 20) جديد ممكن يسبب لك شوية تأخير، وهذا على حسب كلام بعض اللي راحوا امريكا إنه يظهر عند موظف الجمارك إنه معك أكثر من آي تونتي، فالأفضل زي ما قال الأخ مجنونها إنك تبدأي الدراسة ثم تحولي للمعهد اللي ترغبي الدراسة فيه

وبالتوفيق

ترى الموضوع جدا سهل ولا تشيلي هم اعتماد المعهد من عدمه ما دام إن القبول جابه لك مكتب تتعاقد مع الوزارة

يعني قصدك اخ طالب ما اخذ ايتويني جديد

الله يعين :s :s

ايوه يا ارسام

ولكن برضو قبل ما تسوي أي شيء من زي إلغاء الآي توني وغيره اسألي المكتب اللي جاب القبول هل في أي إشكالية من دخولك امريكا وعندك قبولين، والأفضل إنك تراسلي السفارة الأمريكية لأن الخبر اليقين عندهم وهم متجاوبين مع اللي يراسلهم.

ويكون ايميلك توصفي لهم حالتك إنه عندك قبول من معهد استخرجتي به الفيزا، وجبتي قبول معهد ثاني ترغبي الدراسة فيه، فهل يوجد أي مشكلة من ذلك أم لا بد من إلغاء الآي توني الجديد.

وأنا أذكر لك تجربتي:
جاني قبول في معهد ما عجبني واستخرجت الفيزا عليه بعدين جاء معرض الجامعات العالمية في الرياض ووجدت زاوية للسفارة الأمريكية فاستفسرت منهم وقلت لهم جاني قبول في معهد وأبغى أغيره قبل ما أسافر أمريكا فقال لي لازم تجيب آي توني جديد وتدفع رسوم سيفسي جديدة ورسوم فيزا جديدة وموعد ومقابلة من جديد (يعني الحكاية طويلة)
فقررت بعدها إني أبدأ دراسة في المعهد شهر بالكثير إن شاء الله وأغير معهد ثاني

وربنا يوفقك