تقرير كل ما تريد معرفته عن سبوكان ( خبرتي بالمدينة )

بالنسبة لنظام المواصلات احب اقول لك انه مو سيء .. يعني يمكن تعتمد عليه بروحاتك وجياتك بعد ربك

محتاج معلومات عن المعهد التابع لجامعة Whitworth University لاني راسلتهم وحاب اجيب قبول منهم
كيف المعهد وكيف نظام التدريس فيه وكم عدد الطلاب العرب فيه
وكم مدة الليفل

اخواني الله يرضى عليكم
شرايكم في هذي الشقق
هي اللي لقيتها اقرب شي لجامعة Gonzaga
وماادري اذا المنطقة امنه و المكان نظيف للعوائل ومعروف والا لا
Riverton Terrace
Brookside Apartments
Roosevelt Apartments

فيه ناس قالوا لي ابعدي عن الداون تاون لان اكثره هوملس .. صحيح والا لا؟

السلام عليكم

ما اتذكر احد سكن بالداون تاون بسبوكان ...
لكن خيارات السكن كثيره فيه سبوكان

انا افضل شركه اسمها Cedar .. عندهم خيارات كثيره بسبوكان لكن للاسف اكثرها بعيدها .. مع العلم يسكن فيها سعوديين يدرسون في قونزاقا وايسترن
Cedar Property Apartments for rent in Spokane Washington, Spokane Valley apartment rentals, Coeur d'Alene Idaho, Eastern Washington, condos apts townhouses
هذا رابطهم

وانا من وجهة نظري .. افضل اماكن السكن في سبوكان هي South Hill .. او الشمال على شارع Nevada هناك فيه خيارات كثيره واسعار مختلفه وعلى خط الباص وقريب من السوبر ماركت

ومن ناحية المسافه .. كل المنطقتين تاخذ تقريبا من نص ساعه الى 40 دقيقه بالسياره ..

وبالتوفيق للجميع

جزاك الله الف خير ياارب ابو داحم ..
انا بالصدفة دخلت موقع الجامعة ولقيت تعاقد مع سكن قررريب منهم ومؤثث
قالولي افضلهم اللي بشارع Nora or Sharp
وكلها اقل مدة للعقد هي سنة
فـ وش رايك اذا عندك اسم احدى هالشقق
وانا راح اراسلهم واسال بنفسي بس انت خبرتك اكيد بتكون غير ..

وياك يارب

بالنسبه للشقق هذي .. هي عبارة عن شقق في كم عماره متفرقه في الحواري اللي قريبه من الجامعه .. تحت ادارة شركه وحده
الشقق هذي راح يكون فيها موكيت ومطبخ جاهز بالثلاجه والفرن .. وبالنسبه لغسالة الملابس تكون مشتركه بين سكان العماره .. في القبو ... وبفلوس

غالبا سكان العماير هذي يكونون طلاب وطالبات الجماعه .. وكل اللي بالحاره سواء بيوت او شقق ...

انا اشرح لك طبيعة السكان عشان ابين لك انه ايام اجازة نهاية الاسبوع غالبا يكون فيه حفلات الطلاب في شققهم .. وهذي بالنسبه لي مشكله وازعاج خاصه للعوائل .. وهذي وجهة نظري الشخصيه .. فيه ناس كثير ما تعتبر هذي مشكله لهم ويقدرون يتأقلمون معها .. لكن اكثر العوائل يبتعدون عن هالمناطق .. وحتى بعض الشباب السعوديين مايحرصون عليها مع ان فيه شباب سعوديين ساكنين فيها
ومن ناحية الامن .. ان شالله آمنه .. بس للأمانه انا اتذكر تقريبا ثلاث شقق لشباب سعوديين مسروقه وهم برا الشقه .. لان شققهم بالدور الارضي وسهل الوصول لها.. وبيطيعة الحال ترا الديره كلها باذن الله آمنه .. ما ابي اخوفكم
وتأكدو من مدة العقد .. انا اتذكر فيها شي مدته ست شهور بس ..
بالنسبه لاسماء الشقق .. راح تحصلون في موقع الجامعه اسعار الشقق وارقام اتصالهم

اذا معكم سياره .. فأنا انصحكم ماتسكنون فيها .. واختارو سكن بعيد شوي عن الجامعه احسن بكثير .. وفيه مجمعات سكنيه عليها اسوار ومداخل خاصه وامن خاص .. والشقق انظف وارتب .. ويكفي ان فيها قراج للسياره ومغسله ونشاف للملابس خاصه في كل شقه مع موكيت ومطبخ جاهز بالثلاجه والفرن .. ومستودع في القبو خاص لكل شقه

وبالتوفيق للجميع

الله يعطيك العافية ماقصرت ..,
ان شالله راح اخطط للنقل الى سبوكان

الله يعافيك ..

بالتوفيق يارب

يعطيكم العافية

اخوي ابو داحم..

بالنسبة لجامعة قونزاقا.. هل دراسة الهندسة الميكانيكية فيها سهلة ؟

اتعرف احد يدرس هندسة فيها ؟

لك كل الشكر.

الله يوفقك يا انين والي خلقك ماقصرت فيني