حوار تجمع طلاب Oregon State University

نسيت اسال بالنسبة للاب توب
اجيب لابتوبي معي ولا اشتري من هناك احسن ..!

ووش اقرب موتيل للمعهد تنصحوني فيه

وشكرا

والله شف انا دايم خط سيري الى واشنطن بعدين من واشنطن الى بورتلاند و بالنسبة لاحد يستقبلك من المعهد ما اتوقع يوفرون هالخدمة بمطار بورتلاند لكن فيه شتل (باص) ب 40 دولار ينزلك على كورفالس في فندق الهلتون اللي جنب المعهد... هذا الرابط له Home - Hut Portland Airport Shuttle السكن اقترح عليك شقة انا عن نفسي ما ارتحت اللي يوم سكنت بشقة وبالنسبة للنادي السعودي النادي مقفل من الملحقية من فتره...

السلام عليكم شباب, أخباركم؟

أنا المستجد في أوريغون الحين, راح تبدى دراستي 2 أبريل xD >>>>> متحمس الرجال وهو أصلاً بعده في السعودية

عندي ال I-20 وراح أطلع الفيزا قريب

كيف أحجز تذكرة للروحة ؟ ومن وين أفضل شي يكون ؟

قدمت على سكن الجامعة بس الظاهر ما أقدر أسكن فيه علطول, وش اسوي بخصوص السكن بالضبط ؟ ( أنا انقبلت في الجامعة علطول بالمناسبة, جبت متطلبات الآيلتس بس دايخ مع الموضوع )

انا رحلتى الى oregon في تاريخ 25 على الخطوط ااماراتيه من الدمام الى دبي ومن بعدها الى سياتل مسافر لحالي وما معاي احد

بس هذي ان شاء الله مو مشكله المشكله اني ما حصلت سكن وما اعرف كيف ادبر سكن فارجوكم تساعدوني تكفوون

يا اخوان ابحث عن جامعة في oregon حق ماجستير finance

بدون جيمات

عندي خبرة 3.5 سنوات ومجموعي 3.61

الله يجزاكم خير

السلام عليكم ,
انا ادرس بامريكا وراح انقل الى كورفالس ان شاء الله في FALL
سؤالي المعهد فيه اكثر من برنامج وانا ابي البرنامج الا تخلص المعهد وتدخل الجامعة علطول والا لم تكون ب ليفل 5 او 6 تأخذ كلاسات بالجامعة
ابي اعرف تواريخ بداية الدراسة لهذا البرنامج وكيف اسجل فيه لاني جلست احوس بالموقع ولا عرفت كيف احصله

السلام عليكم ورحمة الله وبركاته
شباب تكفون فزعتكم انا جاي على مدينة كورفالس في 12 -5-2012 مع عايلتي وموضوع السكن مطلع لي قروون والمشكله زوجتي حامل ياليت احد يفزع لي ويساعدني يرسل لي رقمه ولا ايميله ولا اي شي على الخاص وانا اكلمه تكون فزعتكم

السلام عليكم
أخ (streetwalker) هل من الممكن توضيح بعض النقاط عن جامعة اوريغون لأن أرغب التقديم عليها لمرحلة الماجستير تخصص هندسة حاسب :
- هل الجامعة تمنح القبول المشروط ؟
- هل اجراءات الاتقديم تاخذ وقت طويل ؟
- هل باجتياز مستويات اللغة في معهد الجامعة يعفي من درجة التوفل ؟
أرجو مساعدتي ولكم جزيل الشكــــــر

مرحبا حبايبي

انا انشالله جاي على Corvallis في بداية الشهر القادم وجاي مع عائلتي وعندي استفسار بسيط عن السكن وش افضل مكان للعوائل المحافظه وايضأ استفسار عن متابعة الحمل ولكم مني جزيل الشكر والتقدير

افيدوني ولكم مني الدعاء في ظهر الغيب ...