يــا اهـــل Bakersfield او الي يعرف عنها شي ؟؟

هلا اخوي انا ان شاء الله ابحول للجامعة هذاي وياليت تعلمني وش FG وانا ان شاء الله راح ادرس فيه

السلآم عليكم ورحمة الله وبركاته ..


كيف حالكم جميعا ياطلاب الـ MIS في بيكرسفيلد ..

أنا الأسبوع الل راح قدمت على هالجامعة والحمدلله جايب 5.5 في الآيلتس .. وودي دراستي تبدا على Fall 2010

مع أنه باب التسجيل قفل .. بس حاولت في الموظفة المسؤولة بقسم الطلاب الدوليين .. ونشبت لأمها نشبة وقالت خلاص اوكي أرسل أوراقك وحنا نراجعها لك .. إذا فيه استثناء أو أفضليه راح نعلمك ... إذا مايمدي فـ تأكد قبولك على شهر 1 سنة 2011

تتوقعون فيه أمل على شهر 9 يخلوني أدرس !! ولا استحاله !!

بالخير يازكرت

متأسف جدن على التاخير الي حصل لكن المنتدى عيا يفتح معي ..

الحاصل ..

ارسلت لهم نسخ من شهادة الثانويه العامه ونسخه من الف جي ونسخه من نتيجه الايلتس لكن الزكرت طلعو شديدين شوي قالو نبي كل شي اصلي وبما انك متخرج من 3 ثانوي لك خمس سنوات جب لنا شهادات اولى ثانوي وثاني ثانوي

ياليل الليل ليلهم طويل المهم ارسلت لهم كل شي يبونه ماعدا شهاده الايلتس نسيتها من الدفاشة .. على العموم انا احتري ردهم ونشوف ..

اخ صلوحي .. يابعد حيي انت الف جي الي هو الضمان المالي من الملحقية

محمد 88 .. بشر وش صار عليك ؟؟ انا اقول لو تستخير وتجلس معي على جانيوري يكون احسن خبرك مابي تطقني الغلقه في الكلاس

يالله ياعيال علمونا وش الجديد .. وعلى فكره دقيت على خوينا سعد وماقصر مع انه ماراح للمدينة الا انه اعطاني نبذه عنها ..

يالله لتس كيب ان تش

السلام عليكم

الحمدلله اخيرن لقيت معلومات عن ذا الجامعه هذي

ياخوان انا طالب باللغه وعلى وشك اني اخلص وباخذ الايلس بس المشكله انا حبيت ذا الجامعه بكلفورنيا وخمسه ومافيها سعودين واجد
لان انا ولله في ولايه مره بارده ثلج بثلج ياليت تعطوني ملعومات عن الي بيدرس ادارة اعمال على السمستر الجاي
وهل القبول الجامعه سهل وهل الجامعه سهله ولالا

وش كبر المدينه اذا صغيره ياليت لاني ماعاد احب المدن الكبار
لاني انا طالع من قريه ومبسوط على القرى مره شي هدوء فايليت القى الرد وانا شفت ايميل فوق

حق واحد من الشباب اقدر اسوي اضافه ولا كيف

بليز اس سوون اس باسايبول

هلاهل Ashton

والله ياعزيزي المدينة ماقد طبيتها لكن سالت عنها كم شخص يقولك كنك في المزاحمية ! طبعاً اذا كنت من اهل الرياض بتعرف وشهي المزاحميه ! ( مدينة صغيرة جدن لايوجد متنفس لاهلها غير المزارع )

ومسألة القبول ياخي مابي اخوفك بس عيال الكلب معقدين ؟؟ يقولك اذا كنت مخلص 3 ثانوي ولك خمس سنين جب شهادات اولى ثانوي وثاني ثانوي ؟؟؟ بدرس في هارفورد الضاهر ؟؟؟ لا وياليت يردون على ايميلاتك لازم تبلشهم !! مرسلهم اوراقي من تقريباً 3 اسابيع ولاردو علي !!!

مساء الخير
كل عام وانتو بخير
مدينه بيكرز فيلد مدينه مافيه ازعاج ومافيه زحمه ومافيه اماكن سياحيه كل اللي فيه مول واحد حلو
فيه ماركت بليس حلوه احسن شغله قريبه من الجامعه
مو غاليه كثير اسعاره زينه وراح تكفي المكافئه وزياده فيه كذا مطعم عربي
حلوه لي الدراسه لا تفكر كثير في السياحه كله ساعه ونص وانت في لوس انجلس
قريبه من كل المدن الحلوه
العرب فيه بي الهبل واغلب الشعب اليمني والفلسطيني اغلبيت العرب اللي فيه مايعرفو يتكلم عربي
هذا خبري فيه قبل سنه وزياده
انشاء الله اكون فادتكم
ابي دعواتكم الحلوه
اذا فيه اي استفسار انا حاضره

هلا والله عذاب كل عام وانتي بصحة وسلامة يارب والله يعطيك العافيه ماقصرتي مابقى الا القبول النهائي ان شاء الله ونتوكل على المدينة

اذا رحت كلمني انا من اهل الرياض وساكن بقريه نفس الشي هنا في نيو هامشيور بس البرد ذبحني ابغا انزل تحت
كل يوم مرضنين الزبده شفو لنا لاخبار مانبغى ديره فيه عرب واجد ياولد

هلا ashton

دعواتك الله يسهل وابشر

مساكم الله بالخير

واهنيكم على هلاليتكم

انا ادرس في هذي الجامعه ووصلت قبل يومين ودراستي بداية السنه يعني بعد اسبوع تقريبا

خلونا نشوفكم ونعترف عليكم كلفورنيا و سعد والشباب اللي بيكونون معانا

والله يحييكم و منورين

^_^