استفسار تجمع طلاب اريزونا(فلاقستاف)

الله يسلمك خيو ويعافيك
طيب اخوي اذا تعرف وين في الجامعه يعني اكون لك من الشاكرين

تحياتي لك

ابشرك رتبنا سكن يوميته اقل من ستين دولار ياربي لك الحمد

لكن المشكله انه موتيل يعني والى الحين مالقينا شقق ولا اي موضوع
عسى ان شاء الله بكرا نشوف وش الله يكتب عساه خير

وين اهل فلاقستاف ؟
ياخي ماشاء الله امس بالجامعه بالفطور كثيرين ماتخيلت عددهم ابد كذا
ولا واحد منهم بالمنتدى معقول ؟

هههههههههههههههههههههه

تدري يا رجهـ

إن السنة الماضية عدد الطلاب لا يتجاوز 15 طالب

والسنة هذي فوق 200 طالب

شيء حلو

والله يوفقنا إن شاء الله ...

السلام عليكم ورحمة الله وبركاته

انا عندي كم سؤال وياليت تفيدوني

انا دراستي تبدا 1 يناير في جامعة نورثن اريزونا وابي احد يشير علي

متى افضل وقت اسافر فيه قبل الدراسه بكم ؟؟

ووين افضل مكان اسكن فيه بسكن الجامعه ولا خارجها للعلم اني معاي محرم

وشكرررا ...

السلام عليكم ..ْ يالربع.

تكفون ابي خدمه منكم..

انا حجزت وطلعت التذاكر واعطوني مع التذاكر ورقتين استماره قالوا لازم اعبيها.

ابي اعرف وش هي بالضبط..

وانا سفري بيكون انشاء الله 12 ديسمبر.

لواشنطن ومن ثم لفينكس بعدها فلاقستاف..

ارجوا المساعده..

مرحباً أخت سارة بالنسبة للسفر الأفضل تجي قبل الدراسة بإسبوعين أقل شئ عشان في أشياء تعمليها قبل الدراسة زي فتح حساب في البنك وبطاقة الجامعة وبطاقة الولاية تثبت انك مقيمة في فلاقستاف وتأخذي تطعيم الحصبة إذا ما كان عندك شئ يثبت إنك أخذتيه وثانيا موضوع السكن ،اذا معاكي أخوكي ماتقدري تسكني بسكن الجامعة لأنك لوسكنتي راح يكون أخوكي بقسم الأولاد وانت بقسم البنات وإذا كنت متزوجة ومرافقك هو الزوج تقدري تقدمي في سكن العوائل بالجامعة لأنة فقط للمتزوجين وممكن يأخذ شهر أو شهرين حتى يجيكي الدور ،إذا ما قدمتي على السكن فالأفضل تشوفي خارج الجامعة والسكن بالخارج مرة حلو ومرتب .أنا طالبة بمرحلة اللغة وإذا عندك استفسار قوليلي وان شاء الله اكون أفدتك *

أخ خالد أظن هذه الاستمارة تبع دخولك لأمريكا عادةً بيعطونها بالطيارة الظاهر يبغونك تجهزها من بدري ولازم تعبيها انجليزي ورحلة موفقة

وعشان ما تحوسون أنكم تدورا شقق في عز الثلج في شقة لصديقتي بتنقل منها خلال هالشهر والشقة قريبة مرة من المعهد ومرة جديدة ونظيفة فيها دفاية وبوتجاز وميكرويف وغسالة صحون وغسالة ملابس ومجفف الملابس وفيها غرفتين وحمامين اللة يكرمكم وصالة واسعة والسكن فيه جاكوزي وصالة رياضة وحديقة للأطفال وايجارها ٩٦٣ $ بالشهر إذا أحد جاد ويبغى الشقة يقوللي عشان أحطلكم رقم زوجها ،نصيحة خذوها لانه راح تتعبوا وانت تدورا سكن في ناس تقعد في الموتيلات ٣ أسابيع أو أكثر أول ما يجون فلاقستاف اللين ما يلاقوا سكن زي ما تعرفون هي مدينة صغيرة ومليانة طلاب وتوصلوا بالسلامة إذا في استفسار ما راح أقصر *

طبعا اول شي الاخت لمار الله يعطيك العافيه ماقصرتي كفيتي ووفيتي في الاجابات وعسى الله يكتب لك الاجر...

اسمحو لي بتدخل بسيط
الاخت سارة انصحك وبشده تطيعين الاخت لمار وتاخذين رقم زوجها وتتفقون على الشقة لانو الاحوال الجوية بدت تسوء صراحه
يعني الحين الساعه ثمان الصبح تقريبا والجو مرا برد وقاعد ينزل ثلج بكثافه
والسكن اذا كان نظيف على قولتها ومرتب وكذا وقريب وبهذا السعر والله العظيم مرا حلو لانو جد تعبنا ندور سكن وسكنا في موتيلات لمدة ثلاث اسابيع تقريبا
انا ساكن انا واخوي غرفتين وصاله وحمامين الله يكرمك ب 1300 دولار شهريا...
وبالنسبة زي ماقالت الاخت لمار اسبوعين ان شاء الله ماسبه منها تكونين اخذتي على جو المدينة وعرفتي اشياء وكيف تروحين للجامعه وتجين وتخلصين امور البنك وكذا ...

واذا حبيتي انا منزل موضوع كامل من طلعت من السعوديه مرورا بالمطارات والاجراءات والاوراق المطلوبه وكل شي واللي اسال الله انه يكون كامل والكامل وجهه سبحانه
اسم الموضوع يوميات مبتعث لفلاقستاف..
اذا حبيتي تقرينه او تكتبين اللي تبين هنا وباذن الله الكل ماراح يقصرون معك ...