استفسار تجمع طلاب اريزونا(فلاقستاف)

والله انا يمكن على 2 او 3 رمضان ان شاء الله
يعني قبل الدراسه بعشر ايام او اسبوع لان دراستي تبدا في 23 \8

والله يكتب اللي فيه الخير لنا ولكم

اخوي رجه وش سبب روحتك بدري
انا سمعت يقولون انسب شيئ 18/8 أو 16/8
عشان تجلس بواشنطن يومين وتقلع ويبقى ثلاث ايام بقليل...؟
وبعدين من فيكم حجز من واشنطن لفلاق ستاف سمعت انه من الطيار انا لو اكدت حجزي بحجز من الطيار..
وامنياتي للجميع بالتوفيق..)

ماعليك من اللي يقولونه وانا اشوف 3 ايام قبل الدراسة متأخر جداااا

يبيلك تدور سكن وتشتري اغراض للدراسة وتتعرف على البلد واهلها وتدل لك كم محل وتتعود على جوهم وتشورف وضعك في رمضان كيف يكون ....

ان شاء اللله بكون في فلاج ستاف قبل الدراسة ب 10 ايام يعني تقريبا 8/13

وبالنسبة للحجز انا طالع على حسابي وحجزت من موقع Us Airways اتوقع هم الوحيدين اللي يودون لمطار فلاج ستاف واغلب رحلاتهم الى فلاج ستاف لازم تنزل في مدينتين ترانزيت

والرحلة واشنطن - اورلاندو - فينكس- فلاج ستاف

وبالتوفيق للجميع

زيزو
انا فيه واحد يقول انه بيضبطني على 18 /8 والله مدري عنه لحد الحين
ممكن ايميلك زيزو اذا تكرمت
وترى رسايل خاص الضاهر ماتجيني لاني توني مسجل

شباب تبون نصيحتي لاتروحون بدري
وش معجلكم تصومو كم يوم عند اهلككم
ثاني شي كل شي ملحوق عليه
وثالث شي احسن شي تجي قبل الدراسه بيومين عشان ماتطفش ع طول تبدى الدراسه ويكون كل وقتك مشغول
رابع شي الي سمعته المدينه مره صغيره يعني ابو يومين وانت لافها وعارف كل شي فيها
خامس شي بالنسبه لسكن هناك الاخوان كثيرين وان شالله مو مقصرين معنا بشي
نصيحتي لاتروحون بدري والله بتطفشون


المهم الي وده نتواصل يحط ايميله لان تعرفون غربه ولازم نطون سند لبعض ونساعد بعض والي بقدر عليه ابشرو والله من عيوني ولي كل الشرف

^^

كيف حالك اخوي صولي

كيف تقول تطفش من المدينة بعد كم يوم اذا وصلت بدري .... والشهادة ماراح تاخذها قبل 4 سنين (اذا كنت بكالوريس)!!

وبعدين لاتنسى ان اغلب الشقق غير مفروشة يعني اذا بتاخذ وحدة يبيلك تأثثها ... ما اتوقع انك تلقى شقة وتأثثها في ظرف 3 ايام

والشباب الي هناك اكيد مو مقصرين معنا فيهم الخير والبركة

والله ياصقيقي انا اشوف انه قبل الدراسة بعشر ايام حلوه مره
انا لما رحت استراليا رحت قبل الدراسة بثمانية ايام وحسيت انها مناسبه
لكني كنت مرتب اموري في السكن وواحد مستقبلني ومجهز لي سكن وكل شي
لكن الحين بروح لامريكا على قولتهم على باب الله لااعرف احد هناك ولا شي
الظاهر يبيلها مدري كم يوم بواشنطن وعلى بال ماتعرف الديره ومن هالخرابيط
ويمكن يمكن مو أكيد يمكن اتاخر شوي بالروحه على حسب
لاني والله احتري اخوي مابعد طلعت له فيزا الى الحين
انا طلعت لي وهو لا
ونشوف وش الله يكتب
وبالتوفيق للجميع

السلام عليكم
ياشباب أحد عنده خلفية عن مدى صعوبة الجامعة ؟
وايش التخصصات الادراية المعتمدة فيها ؟
الله يوفق الجميع انشاء الله

السلام عليكم
اكيد كل واحد له وجه نضر يالغالي
الله يسرلكم ويوفقكم ان شالله
كان مجرد رايي لااقل ولا اكثر

لاني كلمت كذا واحد هناك واشرحولي الوضع ثاني شي يفرق انك تجلس اربع سنين وانت متعود على هالشي
بس يفرق لمى تجلس 10 ايام فاضي وانت توك مفارق اهلك والله ياشيخ انواع التفكير وانواع الاشيا الي بتخش راسك
ع العموم انا اتكلم عن نفسي وعن الناس الي راسلتهم علشان محد يزعل
وكله كان مجرد نصيحه وان شالله تروحون وتتيسر اموركم

وعليكم السلام ورحمة الله وبركاته

اكيد كل واحد له رايه ونظرته للامر وانا احترم وجهة نظرك ورايك

وانا لو تحصل لي رحلة بكرا كان طلعت عليها ... مليت من الجلسة والانتظار في البيت ومتحمس للدراسة

وعلى التفكير بالاهل كله كم يوم وتتعود يارجال

عساك بس مجهز كل اغراضك واوراقك وملابسك ...تعرف قربت الروحة والواحد مايبي ينسى شي مهم



ويا كابتن رجه الله يعينك انت واخوك وان شاء الله فيه وقت يمديها تطلع بس راسلهم ... انا يوم ارسلت لهم ايميل ثاني يوم اتصلو علي فيدكس

وزين عندك خبره شوي بهالامور



ويا ريان ماقلت لنا بكالوريس ولا ماجستير ؟

اذا بكالوريوس هذي قائمة بالتخصصات

واذا ماجستير او دكتوراه هذي القائمة


ومن هنا تعرف اذا التخصص معتمد ولا لا من الوزارة


وبالنسبة لصعوبة الدراسة كل الشباب اللي سئلتهم وكذلك المواقع يقولون متوسطة الصعوبة



وبالتوفيق للجميع والله يسهل علينا