نداء لطلاب معهد اليوداب ماهي طريقة التدريس كيف تعاملهم مع الطالب السعودي

سلبياته ما عندهم علم بطرق التدريس, ولا يعرفون شي اسمه فروق فردية بين الطلاب

وطريقة التدريس يعطونك قائمة بالكلمات اللي بالوحدة, وجنب كل كلمة ترجمتها بالعربي. عشان الواحد ما يفتح الديكشنري

الكلام السابق دعابة للأخ تايقر

ههههههه والله حسبتك تتكلم من جد
وبالنسبه لسؤالك اخوي تايقر المعهد تبع جامعة عريقة والدراسة فية أكاديمية ومافيه طريقة تعامل معينه مع الطالب السعودي

السلام عليكم ورحمة الله وبركاته
اخي الكريم لا احد يستطيع ان يضع شائبه على هذا المعهد الذي يتبع لجامعة عريقة
فطريقة التدريس متساوية بين الطالب السعودية وغيره
اهتمام في الطالب وايصال المعلومة لها وتبسيطها
تستطيع ان تضع كل الايجابيات التي تدور في راسك حول هذا المعهد
السلبيات من وجهة نظري
وهي لا تعتبر سلبية دائمة بل مؤقته
وهي ان المستوى الاول لدى المعهد يكون في الداون تاون وليس في الحرم الجامعي
وغالباً مايكون عدد الطلاب العرب المتواجدون اكثر بكثير من الاجانب
أي بمعنى لن تكون اللغة الام بين الطلاب الـ English
ولكن بعد صعودك الى المستوى الثاني
سيختلف الوضع كلياً وتجبر على الكلام باللغة الـ English
لان عدد الطلاب السعودين سيقل عن المستوى الأول ويزيد عدد الطلاب الأجانب
بالتوفيق يارب

أسألتك في محلها لأني كنت أفكر بنفس الأسئلة

شكرا للي ردوا ويا ليت نلقى تفاصيل أكثر

يعني كيف الحصص عندهم ؟ والمحاظرات ؟ فيه حصص قرامر وحصص لسننق وكذا ؟
ايش يدرسوا يعني عشان أستوعب؟
الفصل الواحد كم طالب فيه؟
الجنسية الغالبه في المعهد ما هي ؟
المدرسين يتكلمون بسرعه بسرعه ولا شوي شوي؟
من الساعه كم لكم المعهد ؟
في وايرلس؟فيه نادي رياضي ؟(فيس مستحي وراء الكتاب)

السلام عليكم ورحمة الله وبركاته
ان شاء الله اقدر افيدك باللي اقدر عليه
بخوص الحصص هي حصتين بس
الأولى تبدأ الساعة 9:30 صباحاً
بعدها بساعة تقريباً في بريك لمدة ربع ساعة
وترجعين الحصة الى الساعة 12 الظهر
بعدها بريك لمدة ساعة
تبدأ الحصة الثانية الساعة 1 ظهراً
وتاخذين بريك بعدها بساعه تقريبا
ترجعين الى الحصة وينتهي الدرس الساعة 3:30 ظهراً


طريقة التدريس في المستوى الأول
التركيز الكبير على الماحدثة
مع التأسيس الصحيح للـ Grammer
الـ Grmmaer راح يكون جدا بسيط
بس لو الواحد ركز معاهم راح يستفيد كثيراً جداً

لو شفت نفسك فوق المستوى هذا حاول تجلس ولا تطلع منه
وخلي حيلك على المفردات مع الواجبات اللي تاخذها
وبعد المستوى الاول راح يسوون لك اختبار عشان تطلع المستوى الثاني



هنا يجي الكلام
قولهم ابي اروح الكامبوس (الحرم الجامعي)
هناك يسووون لك اختبار
لو شافوا الكلام عندك جيد
والقرأة غير جيدة
والـ Grmmaer جيد
راح يخلونك في المستوى الأول في الكلام والـ Grmmaer
والقرأة بيخلونك في المستوى الأول


هذا الشي غير موجود في الداون تاون
لو ضعيف بشي
بتجلس في المستوى وتاخذ كل شي من جديد

بخصوص عدد الطلاب في الكلاس يتراوح بين 15 الى 25 هذا اللي شفته
الجنسية الغالبة مثل ماوضحت سابقاً
وبعد المرحلة الاولى تكون الجنسية الغالبة من آسيا

المدرسين عارفين الطلاب مستوى اول
لذلك يهدون بالكلام
بس بغص المرات يتحمسون وينطلقون بالكلام
عاد لو مافهتوا يمديكم تقولون لهم يهدون

الدوام من 9:30 الى 3:30

مايحتاج واير لس
لان في كلاس كامل للكمبيوتر
يمديك تدخلين وقت البريك براحتك

النادي الرياضي بالجامعة
ومايفتحون الاشتراك لطلاب اللغة غير وقت الصيف


وأي أسئلة انا حاضر
بس ياليت تنبهوني على البروفايل
لاني ماادخل المواضيع اللي رديت عليها كثير

بالتوفيق للجميع يارب

الله يوفقك وبصراحه اليوداب غني عن الــــــــــتعريف ...
هذا كل الي اعرفه

شكرا لك اخوي العساف على المعلومات الجيدة

ممكن موقع المعهد ,,,, وكم اسعاره ,, وهل يكفي انهاء الدراسة في المعهد كافيه لدخول الجامعة ؟

السلام عليكم
اخي الكريم
اذا كان مستواك في المستوى الاول راح يكون دوامك في الداون تاون
واذا كان مستواك من المستوى الثاني ومافوق
راح يكون دوامك في الحرم الجامعي

اما عن المعهد والجامعة
فهما منفصلين عن بعض من ناحية القبولات وغيرها
ولا يعتمد عند حصولك على اللغة من المعهد
انك قد حصلت على قبول الجامعة

بالتوفيق يارب