تقرير يوميات مبتعث لفلاق ستاف (طآزه) خخخخخ

بانتظار بآقي اليومات >>نآشبة لك

بإنتظااااارك










.

هـلا هلا ..

قسسسم قسسسمـآإت أنك بططططل ..

ومتااااااابع وبقوووووووه ..


لبـى وآلله تسسسبدك ..


وشسمـه وشش كنت بقوول ..


ايه صح

الحين انا روحتي لامريكا باقي عليها 3 شهور ادري بدرري ..

بس وشسمه حبيت يكون عندي خلفيه عن شركات الاتصالات عندهم ..

سمعت ان فيه شركه عندها عروض يعني 700 دقيقه لمدة شهر بمبلغ معين وهالدقايق تستعمل مع الششرايح المختلفه عن شريحتك

اما الي مثل شريحتك تكلمه ببلاشش ؟؟؟؟؟

هل هذ1 الكلام صحيح ولو صحيح وش اسم الششركه وهل تغطيتها ممتازه ؟

وعطني افضضل الششركات هناك وافضل العروض الي تقدمها ..

فديـت خششششمك والله .. !

مرحبا يا عسل

صراحه صارلي اكثر من ساعه وانا اقرا يومياتك واسألت الشباب وردودك
جد ماقصرت واشكرك على تجاوبك مع الكل
حبيبي انا رحلتي ان شاء الله 29 اكتوبر لبوسطن
وصراحه قامط(خايف) من الحين ههههههههههه
الله يستر
وش تنصحني فيه بشكل عام
وان شاء الله اذا ربي يسر اموري ووصلت لبوسطن بعطيك عنواني ولازم تزورنا طال عمرك
الله يوفقك ويرجعك لاهلك سالم وغانم

صباح الخير رجرووووج الغالي

إلك وحشه خيووووووو

أسلوبك رايق وشيق..

يعطيك العافية وماقصرت الله يوفقك

الله لا يضرك ــــــــــــــــــــــــــــــــــــــــــــــــــ ــــــــــ على سعة صدرك ـــــــــــــــــــــــــ قل امين الله يرضى عليك

ياخي وقسمن بالله تحرجني
وش فيك ممسك علي احراج خخخخخ

والله العظيم كلامك ذا شهادة ووسام اعتز فيه واعلقه على صدري
ويشهد الله ماابي من ورا هالموضوع الا الاجر والدعاء منكم وعشان اقدر اخدم اكبر عدد ممكن بحيث انهم ان شاء الله يجون للدولة ويكونون على بينة ولو بسيطة من الاشياء والامور البسيطة اللي ممكن تواجههم..
والله تحرجني ياابو ريما ياحبي لك
امين يارب ويجزاك خير ويوفقك وييسر امورك ويسهل عليك كل عسير..

وشوف حبيب قلبي مثل ماتعرف في كل مكان في العالم واحيانا في كل بيت فيه الصاحي والطاحي... سواءا شباب او بنات
وهنا في فلاقستاف نفس الكلام
لكن للامانه يعني الى الحين اغلب الشباب اللي اعرفهم الحمدلله كويسين لاهم راعين خرابيط ولا لف ودوران
وكذلك السعوديات يعني ماشفت الا قليل مايستحقون الذكر(اعذروني على هالكلمه)اللي فالينها ومو متسترين..
طبعا للتذكير انا لما اذكر هالكلام للفائده فقط واجابه عن استفسارات ويشهد الله مو قصدي الطعن فيهم او في عفتهم ..


وبالنسبة للمتأهلين بإذن واحد احد انك بتلقى متأهلين ومعهم زوجاتهم ان شاء الله فيهم كل الخير والبركه ..
واتوقع باذن الله خلال الترم الجاي بيزيد عدد السعوديين اكثر ...
لكن بصراحه هاليومين جانا مطر غير طبيعي وبرد غير طبيعي
يعني اللي راح يجون خلال الكريسماس او شهر يناير وفبراير راح ينصدمون من شدة البرد والثلوج
لان المنطقة صراحه جدا باردة
حسب ماسمعت انو البرودة راح توصل في شهر 2 اللي هو فبراير الى 17 تحت الصفر..
والثلوج توصل الى ارتفاع متر ونص..!!
عشان كذا اللي مايحب البرد وعنده فرصه يغير المدينة وحاس انه مو متأقلم مع البرد يشوف له مدينة ثانية افضل له واريح له...


امين يارب وعساك ان شاء الله تجي هنا ونكون اخوياء وربع ونتخرج سوا *_^

تحياتي لك
والله ماادري وشلون اشكر لك حماسك ومتابعتك ومجهودك واستفساراتك اللي تسعدني كثيرا لكني احس اني مقصر معك واتاخر احيانا في الردود
والله هاليومين ظروف صحية واختبارات ونفسية زفت (تكرمون) لابعد درجة..


تقبل اعتذاري على التاخير

تحياتي لك
نورت

الله يعافيك يالغلا

اممممم
انا يمكن بعد مااخلص من الردود راح اشطح شوي اذا ماامداني اليوم ان شاء الله على بكرا
يعني كنوع من التغيير راح اسولف شوي عن استراليا والايام الحلوه اللي هناك وان شاء الله راح تعرف كل شي بشكل اكبر من كذا
ماادري هل تأيدون هالفكره أو لآ..
اذا تأيدونها راح اكتبها واذا لا مايحتاج اكتب شي..




بالنسبة لي (شخصيآ) اقسم بالله العظيم لو يجوني الحين يقولون لي يلا توكل على الله روح استراليا ماراح اتردد ولا ثانية وحده اروح وانا مااشوف الدرب..

يمكن لاني ارتحت فيها نفسيآ..
يمكن لانو فرق التوقيت عن السعودية 5 ساعات مو 10 زي فلاقستاف!!
يمكن لانو جوها ناسبني ..
يمكن لانو اخوياي اللي هناك ندمت عى اني فارقتهم وودي اشوفهم لهم وحشة وقمسا خيالية وربي ماشاء الله ينحطون على الجرح يبرى..(طبعا ولايهونون اللي تعرفت عليهم هنآ)...
يمكن لانو وحشتني سيارتي خخخخخ والدركسون اللي على اليمين والشوارع اللي عكس الناس..!!
يمكن عشان اللهجة الاسترالية..!!
ماادري اشياء كثير تخليني اتمنى ارجع بأي ثمن!!


طبعا للمعلومية انا مادرست الجامعه هناك بس درست فترة اللغه ولاكملتها لظروف...
بس حسب مااسمع من الشباب انو الدراسة صعبة ويقولون اصعب من امرييكا..
انا صراحه ماجربت الجامعتين عشان احكم لكن اتوقع اذا لغتك كويسة راح تمشي امورك لو انك تدرس في (القطب الابيض المتوسط)

شعب استراليا عموما معروف بانه فرندلي وطيب ومحترم وخدوم
ولله الحمد عشر شهور ماواجهت اي مشكلة مع اي شخص بفضل من الله
يمكن من السكارى لكن ابعد عنهم ولاعليك منهم
لكن مضايقات او عنصرية الحمدلله ماواجهت..

المعيشة متوسطه..(طبعا اتكلم عن مدينة بيرث اللي كنت فيها)
يعني شخصيا كنت اقدر اوفر مابين 500 الى 1000 دولار من المكافأة بالراحه لكني مو دايم اوفر يعني احيان افلها بزيادة..
يعني بالعربي المكافأة تكفي وزياده الا اذا كان الشخص الله راعي بنات وشراب (الله يبعدنا واياكم عن هالامور) وراعي صرفية بزياده ماراح يقدر يوفر لو ان المكافأة 7000
واحيان يجي بعضهم نص الشهر طفران وين دراهمك يافلان يقول لك هاه والله سويت بارتي والا رحت البار الفلاني وسويت اني ولد نعمه وقمت اشرب العالم على حسابي خخخخ
الله لايبلانا.. والله انه مو استهزاء لكنه واقع .. وواقع صراحه يغبن..

امممم
وش بعد
اي الدراسة زي ماقلت لك يقال انها اصعب من امريكا لكني اشوف عدد المبتعثين والمتميزين واللي ماشاء الله ممشين امورهم عدد كبير
فكيف يقولون الدراسة اصعب... الله اعلم ..!



طبعا عشان اكون صريح يعني صعب احكم على امريكا من خلال مدينة فلاقستاف وصعب جدا اني اقارنها ب مدينة بيرث الاستراليه
لانو مدينة بيرث كبيره وفيها كل شي متوفر.. قطارات وباصات وموقعها على المحيط ومجمعات تجارية ابو كثيررررر
وشواطئ وسيتي سنتر ابداع(مركز وسط المدينة) ومحلات عربية وكوفيهات وكل شي..
فلاقستاف صغيره الباصات فيها محدودة ...ومافيها قطار للتنقل(فيها قطار بضائع) ومافيها بحر وباردة
يعني صراحه مااقدر اقارنها بالمدن الثانيه..
المكافأة في استراليا اكثر بكثير من امريكا
يعني 3052 دولار استرالي تعادل مابين (9000_الى 11000) ريال سعودي
مكافأة امريكا 1850 دولار امريكي تقريبا وتعادل(7000) ريال سعودي تقريبا
شفت الفرق!
يعني امريكا يبي لك تحسب حساب كل شي تصرفه عشان ماتتوهق اخر الشهر
استراليا يبي لك تزبط لك ميزانية عشان توفر لكن امريكا مااتوقع تقدر توفر صراحه الا شي قليييل وبالموت بعد تقدر توفر..
على العموم ماتحضرني معلومات كثير الحين لكن والله صراحه منحرج منك اني تأخرت في الرد وماحبيت اطول عليك اكثر من كذا
العذر والسموحه خيو

تحياتي لك
واتمنى اكون افدتك ولو بالقليل

تحياتي لك
نورت