تقرير يوميات مبتعث لفلاق ستاف (طآزه) خخخخخ

هههههههه
ان شاء الله خيتو اكمل اليوميات في اقرب فرصه
اعتذر عن التأخير
تحياتي لك
نورتي

هلا بك والله
والله ممكن اجرب هالساندويتش اللي في النك نيم حقك!
شكله مره بطل هههههه
اومزح
تسلم حبيب البي اخجلت تواضعي والله
لبى والله كلك
اممممم
الاتصالات ياطويل العمر لحسة مخ بصراحه
لانو نظامها مختلف تمام عن نظام الاتصالات عندنا
وانا كنت جاي لها في الطريق بشرح مفصل لكن سبقتني بسؤالك


اول شي لازم تعرف انو فيه اكثر من شركة للاتصالات
واكثر من نظام برضو وانواع متعدده من الباقات والتسعيرات وهيك شغلات
وانا بكتب لك حسب اللي اعرف وحسب اللي جربت يعني لاتاخذ كلامي انه هو المضبوط مية في المية
لانو اكيد فيه عروض افضل وكذا

ياطويل العمر عندك شركات الاتصالات المشهورة او بالاصح اللي اعرفها ثلاث شركات
ايه تي اند تي (AT&T) وشركة تي موبيل وفيه ناس يسمونها تي موبايل(T-MOBIL)وشركة ثالثة اسمها الظاهر نوفيرزون او نيفيزون او مدري وش اسمها بالضبط لكن مااعرف عنها شي خخخ

شركة AT&T زي الاتصالات السعودية عندنا خخخ وشركة T-MOBIL زي موبايلي
شركة ايه تي اند تي هي اللي عليها الاحتكار لجهاز الآيفون
وصراحه احس انهم حرامية وسبحان الله ديام لما تسأل الشباب وش احسن شركة اتصال يقول لك ايه تي اند تي ولما تقول له طيب انت وش شريحتك يقول تي موبيل!!!
طيب دام هالشركة افضل من تي موبيل ليه ماخذ شريحة تي موبيل يقول لك هاه !!


شركة ايه تي اند تي شريت من عندهم شريحة مسبقة الدفع وشحنتها... لما اتصل على اي احد حتى لو رنة وحده ومارد علي يخصمون من رصيدي على طول!!
طيب مارد ليه تخصمون جعلكم اللي مانيب قايل!! حتى لو تستقبل مكالمة ولو كانت المكالمة من شخص معه رقم من نفس الشركة برضو يخصمون من رصيدك!!
واذا كان رصيدك فاضي ماتقدر تستقبل اي مكالمة!!اصلا حتى يخلونك تنقهر ما يرن الجوال خخخ!!
يعني سارقينك سارقينك!! يعني نظام تدق رنة على واحد وتخليه يدق عليك انساه ماعندهم هالنظام هههههه
هذا بالنسبة للشرايح المسبقة الدفع..



رحت لشركة تي موبيل قلت لهم ابي شريحة انتم كويسين اكوس من الشركة ذيك
قلت لهم ابي شريحتين لي ولأخوي
قالو عندنا باقة اسمها الباقة العائلية
عبارة عن شريحتين او اكثر
النظام عموما في امريكا في شركات الاتصالات يكون بنظام الدقائق
يعني

انت تشتري الشريحة وتختار عدد الدقائق اللي تبي حسب ماهو موجود عندهم
تقدر تختار تقريبا 400 دقيقة او 700 دقيقة او مفتوح
باقة 400 دقيقة ماتشمل الرسائل وقيمتها تقريبا 30 او 40 دولار في الشهر
باقة 700 تشمل 700 دقيقة والظاهر عدد محدود من الرسائل والظاهر 2 جيجا بايت للانترنت وقيمتها تقريبا 50 دولار في الشهر
الباقة المفتوحه تشمل دقائق مفتوحه ورسائل مفتوحه وانترنت مفتوح وقيمتها 70 دولار في الشهر

طبعا الدقائق والرسائل تقدر تكلم فيهم اي شخص داخل امريكا


يعني لنفرض ان الباقي اللي معي ام 400 دقيقة وانت معك شريحة من نفس شركتي اقدر اكلمك 400 دقيقة اطقها واياك سواليف لمدة 400 دقيقة
ولو كانت الباقة المفتوحه اقدر اكلمك 700000 طعش الف دقيقة خخخخ
انا اشوف انها حلوة صراحه تدفع 70 دولار وتكلم داخل امريكا وتستخدم النت وترسل رسايل الين تقول بس على كيف كيفك..

لكن يبقى فيه مشكلة ثانية
مشكلة الاتصال الدولي

تقدر تشترك بخدمة الاتصال الدولي يعني تضيف الخدمه مع الباقة حقتك مقابل 5 دولار اضافية
لنفترض ان الباقة حقتك ام 400 دقيقة اوكيه زائد 5 دولار او 10 دولار شهريا راح تكون سعر باقتك 50 دولار صح

هالخدمة راح تعطيك تخفيض للمكالمات الدولية لكن راح تبقى الدقايق تنحسب عليك
بشرحها لك بطريقة اسهل
لما تجي تتصل على السعودية لازم تشتري بطاقة شحن وتشحن جوالك وتتصل على السعودية
في حالة انك مااضفت خدمة المكالمات الدولية اللي هي 5 دولار الظاهر او 10 راح يكون سعر الدقيقة للسعودية غالي عليك(ماني متأكد من سعر التكلفة)
لكن لما تضيف الخدمة راح يكون سعر الدقيقة ارخص بكثير وتكون وفرت مبلغ حلو..

لكن لاتنسى انو باقتك 400 دقيقة وانو اي مكالمة سواءا داخل امريكا او للسعودية او حتى لو تستقبل مكالمة راح تنخصم من الدقايق

مثلا اتصلت على واحد من اخوياك في امريكا من نفس شركتك وسولفت واياه لمدة 30 دقيقة وانت باقتك ام 400 راح تنخصهم هالثلاثين دقيقة
يعني 400 دقيقة (الباقة)_30 دقيقة (مكالمتك مع خويك) = 370 دقيقة باقي عندك عشان تستخدمها

باقي عندك 370 دقيقة واستقبلت مكالمة لمدة 50 دقيقة
370_50 دقيقة(المكالمة اللي استقبلتها)=320 دقيقة باقي عندك
حتى لو اتصلت بالسعودية او استقبلت مكالمة راح يكون نفس الوضع...

الحل

اذا كنت راعي مكالمات واجد وتستخدم الانترنت واجد من جوالك او اذا معك بلاك بيري انا افضل انك تاخذ الباقة المفتوحه وتقول لهم مثلا انا معي بلاك بيري وابي افعل خدمة البلاك بيري راح تكون كلها مقابل 70 دولار تقريبا شهريا
وصراحه سعرها مره كويس..

عندك ياطويل العمر حلين للاتصال بالسعودية ومرة رخيصه
الحل الاول انك تروح لأي بقالة وتطلب بطاقة اتصال(اذا تتذكرون البطاقات مثل زاجل ونسمة ومدي ايش اللي كنا نتصل فيها من التلفون الثابت على الجوالات) بالضبط نفس البطايق
تشتري البطاقة بعشرة دولار مثلا وتعطيك تقريبا 44 دقيقة للسعودية ..

واللي احسن منها وانصح فيها وبقوة وبعنف وانا استخدمها حاليا دلني عليها واحد من الشباب الله يجزاه خير لاني كنت متبهذل صراحه

فيه موقع على الانترنت موثوق اسمه سمارت فون تسجل في الموقع وتختار الدول اللي تتصل عليها بكثرة وتختار كم الرصيد اللي تبي مثلا عشرة دولار وتحط رقم بطاقتك الصراف وتلفونك
بعد كذا راح يتصلون عليك ويعطونك رقم تحفظه عندك ويعطونك رصيد دولارين ونص مجانية
الرقم اللي عطوك اياه تستخدمه لما تجي تتصل
يعني على طول تدخل الرقم وتضغط اتصال راح يقول اضغط رقم واحد للغه الانجليزية او 2 للاسبانية
اختر رقم واحد بعدها بيقول لك كم الرصيد اللي عندك
بعد كذا بيقول لك دخل الرقم اللي تبي تتصل عليه طبعا لازم تكتب الرقم بعد كذا بيقول لك كم دقيقة باقي عندك تقدر تكلم فيها
انا عن نفسي شحنت بعشرة دولار ومع الدولارين ونص اللي عطوني اياه المجانية صار عندي 160 دقيقة تقريبا اقدر اكلم فيها للسعودية!!
صراحه والله العظيم مره حلو ورخيييييص تخيل ب 12 دولار يعطيك 160 دقيقة تكلم فيها
احسن من شركات الاتصالات كلها
والموقع موثوق ومجرب واغلب الشباب يستخدمونه...


ادري طولت بالشرح ويمكن بعضه ماله داعي لكن ماحبيت ابخل بأي معلومه اعرفها يمكن غيري يستفيد منها
واتمنى يكون الشرح واضح واي استفسار انا حاضر
هذا الرابط يشرح بالتفصيل كيف تسجل في موقع سمارت فون وتشتري رصيد لجوالك..

http://www.mbt3th.us/vb/forum8/thread159784.html



تحياتي لك
وعذرا على الاطالة حبيب ألبي
نورت

وبرضو هالموضوع بيفيدك أكثر
http://www.mbt3th.us/vb/forum8/thread104673.html

طبعا انا ترى انلحست لاني اقدر اتصل على اي واحد في امريكا سواءا من نقس شركتي اللي هي تي موبيل او على شركة ايه تي اند تي واكلم الين اقول بس
فماادري عن صحة كلام انو اذا كان من نفس الشركة تقدر تكلم ببلاش
لاني احيان ادق على مطاعم وعلى مكاتب واكلم الين اقول بس
واحد من الشباب امس يوم جا يكلم الملحقية ماقدر يقول ان رصيدك منخفض لازم تشحن
فماادري والله وش النظام لحسة مخ خخخ
تحياتي

هههههههه
ان شاء الله انك استمتعت واستفدت
ماسوينا الا الواجب و والله اني مقصر صراحه
ههههههههه مافي شي تخاف منه ان شاء الله

امممم
انصحك اول شي ونفسي بالخوف من رب العالمين في كل امورنا
امممم
اول شي دام عندك وقت حاول ترتب امورك وامور سكنك اذا تقدر من الحين لانو والله السكن بيطيح عليك امور ماتتصورها
ثاني شي اذا فيه وقت حاول قد ماتقدر تطور لغتك اذا ماعندك لغه او لغتك ضعيفه
يعني مثلا اذا انك من محبي الافلام مايمنع انك تشوف الفلم مترجم بالعربي بس حاول تركز على السمع وتشوفه مره ثانيه مترجم بالانقليزي وتركز على السمع وعلى الترجمه يعني تسمع وتقرا لانو هالطريقة بتطور عندك الاستماع بشكل غير طبيعي وجربها ف فلم او فلمين وتشوف كلامي

اممم
رتب امورك وصور كل اوراقك المهمه(جوازك-شهاداتك-بطاقة الاحوال-قرار الابتعاث اذا كنت مبتعث- الفيزا-الاي توينتي اللي هو القبول-وصور رسوم السيفيس وايصال سامبا-)يعني واي اوراق تشوف انها مهمه صورها كذا نسخه لانك بتحتاجها

اممم اشتر توصيلة كهرب ههههههههه
اهم شي ذي لاتنساها خخخخ
اممم اذا عندك عطور خلها ف شنطة العفش لاتركبها معك للطيارة
لابتوبك شيك عليه لازم تكون برامجك اصلية وخاصة الويندوز لانك ماتدري يمكن تتفتش ويمكن لا

يعني ان شاء الله ان الامور كلها تساهيل لكن اذا تعرف احد في مدينتك بيستقبلك ويزبط امورك صدقني بيطيح عنك شي ماتتوقعه ابد


وان شاء الله لاتذكرت شي بقول لك

اتمنى انك تكتب او تحدد وش النصايح اللي تبيها بالضبط وعلمني اذا انك مبتعث او على حسابك


لاتنسى عنوانك لاوصلت خخخخ
اومزح
تحياتي لك حبيب قلبي
نورت

هلا والله يالغلا صباح النور والعافيه والسرور والسعاده والرضى من الرحمن

مايوحشك وحش ياصقيقي خخخ
والله انتو لكم وحشة وعذرا والله على التاخير والتقصير
على فكره تقدر تسميني عزيزوهـ اذا تبي *_^
والا عزيز بتشديد الياء طبعا زي الددسن موديل 85 خخخخ


تحياتي لك يالغلا
نورت

هلا والله خيتو
يارب انه عجبك واستمتعتي باللي قريتيه
تحياتي لك خيتو
نورتي الموضوع

الله يعافيك وينور دربك ويسهل امورك كلها
دعواتك يالغلا
امين يارب ويوفقك والجميع
تحياتي لك
اسعدني جدا مرورك
نورت

ولايضرك يالغلا
امييييييييييييييييييييييييييييين يارب العالمين
امين يارب ويرضى عليك ويوفقك وييسر امورك كلها ويسهلها عليك ويفتح لك ابواب رزقه

والله اني انبسط لما اشوف مثل هالادعية
الله يسعد قلبك ياشيخ ويجزاك كل خير

تحياتي لك
نورت

ياهلاااااااااااااااااااااااااااااااا

ومرررررررررررررررررررررحبا


مبطي عنك من ايام رمضان << الله يعيدها

علومك وعلوم الربع ؟


عندي سؤال ؟

انت شاعر ؟ << ان شاء الله شاعر

لبى والله قلبـك مآقصصصرت يالغااالي بيض الله وجهك ..

وعسسى الله يووفقك وين ماتروح ..