تقرير يوميات مبتعث لفلاق ستاف (طآزه) خخخخخ

اللهم امين يارب الله يجزاك خير
والله يكفيني الدعاء
ههههههههه طيب ياجدو فلاح خخخخ
نورت والله بمرورك وردك المفرح
تحياتي لكـ
اسعدني تواجدك

ياخي والله انت كويس ياحبي لك على هالمعلومات

بالنسبه للشركه ان شاء الله بطلع لي تي موبيل
وبالنسبه لموبايلي انو تستقبل الاتصالات مجانا هذي ياطويل العمر لها شروط بذكرها لك لاحقا بس خلني اتاكد منها وعلى حسب اللي حصل معي راح اقولك وش حصل
والبنك اي نعم حبيب قلبي فتحت الحمدلله اليوم في البنك اللي قلت عليه

وان شاء الله بكمل الموضوع على حسب اللي حصل معي

ومرا مشكور وجزاك الله كل خير على هالمعلومات الوافيه والله
وتحياتي لكـ
نورت حبيب قلبي

الله يسلمك حبيب قلبي
امين يارب عسى الله يوفقكم جميع وييسر اموركم ويسهل لكم كل عسير يارب ياكريم
والله ياخوك بالنسبه للرقم الى الحين توني مطلع امس واي احد يدق علي او ادق عليه حتى لو مارد يسحب من رصيدي خلص ابو الرصيد

لكن هذا ايميلي مع اني والله مااظن اني اقدر افيدك بشي
azzooz_5 طبعا هوتميل

واذا ماكنت متواجد ارسل لي ايميل باللي تبي وبحاول ان شاء الله اساعدك باللي اقدر عليه

تحياتي لك حبيب قلبي
نورت

ما شـــاء الله...
أحس إنك كنت مبسوط طوال الرحله ( الله يدميها عليك)...
أنا أذكر كانت نفسيتي معدومه من مطار الملك فهد إلى مطار جون واين..

اخوي ياليت لوتقولي اللي ماعنده
عنوان في امريكا اييش يكتب في الورقه اللي تعبيها في الطياره

بآآآكـ

المهم يالربع عقب مارجعنا للفندق حطينا اوراقنا وكذا قلنا ياولد نروح السوق وراح معنا واحد من الشباب كان صايم كرفناه المسيكين ياحبي له خخخخخ
مره الولد ماشاء الله حبوب واخلاقه مره عاليه المهم عقب ماقضينا وديناه للمطعم اللي تعشينا فيه امس
والحمدلله ان الاكل عجبه والا كان بتصير علوم خخخخخ
عقب رجعنا للفندق ونمنا لان بكرا الصبح عندنا رحله ل فونكس ومنها الى مدينتنا فلاق ستآف...




اصبح الصبح ورحنا للاستقبال عشان نسوي تشك اوت
سويناه وقلنا نبي باص للمطار قالو والله معليش بس المطار اللي انتو تبون بواشنطن والباص مايودي لواشنطن مالكم الا ابو لمبه(تاكسي) وبياخذ عليكم 65 دولار
مالنا الا هالحل
طبعا للمعلوميه فيه ثلاث مطارات
تلقى رمز المطار اول ثلاث حروف من اسم المطار تلقاها موجوده بالتذكره اللي معطيك اياها مكتب الطيار
جنب اسم المدينه اللي بتقلع منها راح تلقى رمز المطار
مثال المطار اللي كنا بنقلع منه اول ثلاث حروف DCA وموجود في مدينة ريجن جنب واشنطن
ومطار فونكس رمزه PHX ومطار فلاق ستاف رمزه FLG وهكذا
عشان كذا تأكد قبل تروح للمطار من المطار اللي بتروح له ومافي مانع تسأل راعي التاكسي او الاستقبال بالفندق عشان ماتروح مطار ثاني وتتوهق


المهم رحنا للمطار وحاسبناه واخذنا لنا عربيه طبعا سعر العربيه الوحده 3 دولار
تقدر تدفعها كاش او عن طريق بطاقة الصراف ولازم تكون فيزا او ماستر كارد ان ماخاب ظني


المهم قبل تدخل المطار تأكد من البوابة اللي عليها رحلتك
يعني تأكد من الخطوط اللي راح تسافر عليها
يعني الخطوط اللي كنا بنسافر عليها اسمها يو اس ايروايس U.S Airways ماني متأكد من السبيلينق حقها بس الظاهر كذا كتباتها
طبعا الخطوط راح تلقاها بنفس التذكره تحت موعد الرحله
عقب شوف البوابه اللي مكتوب عليها اسم رحلتك
لا وصلت للبوابه راح تلقى زي الكاونتر برا البوابه تمسك طابور الله لا يهينك الين يناديك عشان تدخل عفشك اللي مو مركبه معك للطياره
يعني الشنط الكبيره وكذا
خل معك الهاند باق كالعاده واللابتوب ودخل الشنطه الكبيره
اول ماوصلنا له قال اخدم نفسك بنفسك يعني طلع بطاقتك الفيزا او الماستر كارد ومررها على الجهاز وادفع رسوم الشحن وتوكل على الله
قلنا له والله اول مرا نجي ومانعرف شي
قال اوك هاتو شنطكم واخذها وحط عليها ستيكر وخلانا ندفع رسوم
طبعا انا مدري بالضبط كيف تنحسب الرسوم اللي راح تدفعها
انا معي ياطويلين العمر شنطه كبيره وشنطه صغيره هاند باق وشحنت الثنتين حسبهم علي ب 4 دولار
اخوي معه شنطه كبيره وكرتون اللي قلت لكم غلفناه بمطار الملك خالد بالرياض وحسبهم عليه ب 64 دولار !!!
حتى انه قال اصبروا شوي وراح داخل وتاخر بعدين جا وقال لنا والله مدري وش السبب انو خذو عليكم هالمبلغ
المهم منا منا قلنا يارجال مو مشكله وعطانا ايصال وقال تستلمون عفشكم بفلاق ستاف طبعا .....




دخلنا المطار
ورحنا لبوابة السفر ومرينا من عند التفتيش
المهم قالو حطو اللي معكم على السير كالعاده يعني جوالك وبوكك وكل الاغراض اللي بمخابيك
حتى الله يكرمكم النعال او الجزمه تفصخها وتحطها
واللابتوب تطلعه من الشنطه وتحطه على السير
انا قالت لي ادخل هنا
طبعا دخلوني جوا جهاز وقالت لي ارفع يدينك ولاتتحرك وسكرت الباب
طبعا اكيد انكم سمعتو بالاجهزه الجديده اللي هي الاشعه السينيه
اي سووها لي خخخخخ
على اني مو شبهه ووجهي مو شبهه خخخخخخخخ

المهم عقب رحنا للبوابه وركبنا الطياره وتوكلنا على الله لفونكس
وكانت رحلتنا ياطويلين العمر 4 ساعات وربع
والحمدلله وصلنا فونكس على خير
المهم نزلنا من الطياره ورحنا نتجول في ارجاء المطار
طبعا والله المطار ماشاء الله على انه مو مرا كبير الا نه روعه ومرتب ونظيف واوكيه وكل شي فيه كويس خخخخخ
المهم جلسنا بفونكس حول ثلاث ساعات
فرفرنا بالمطار وتغدينا وخرابيط وكذا ودخلنا النت ندور موتيلات او هوتيلات نروح لها لاوصلنا فلاقستاف
والحمدلله لقينا منطقه كلها موتيلات قلنا ياولد لاوصلنا نوجه لها على طول اكيد بنلقى على طول
عقب هيك اعلنو عن رحلتنا ورحنا للطياره
طبعا للمعلوميه الطيار ابو صغير ههههههههههه
يعني ام خمسين رابك مرا مرا صغيره خخخخ
ولا اي خدمه ولا اي موضوع ههههههههههه
لا وابشركم 25 دقيقه طيران من فونكس الى فلاقستاف خخخخخ
والله ياهي ازعاج ههههههههههه

المهم يوم وصلنا فلاق ستاف كان الجو مره مره مره حلو
الحراره تقريبا كانت 25 ومره اوكيييييييييييييييييييه
المهم لقينا تاكسي ودقينا عليه وقلنا له ودنا لموتيل اسمه كانيون إن (Canyon Inn)
ورحنا للموتيل والحمدلله لقينا عنده غرفه وحسب علينا ليله بثمانين الظاهر والليله الثانيه ب ستين مدري سبعين
المهم كلهم طلع مجموعهم حوالي 140 او 150 دولار ليلتين
صراحه غالي يعتبر بالمقارنه مع موتيلات ثانيه
المهم حطينا عفشنا ورحنا ندور مطاعم حلوه وكذا وتعشينا ورجعنا نمنا على طول لانو نحس اننا متفككين



اصبح الصبح قلنا ياولد وين نروح وين نروح قلنا مافيه الا الجامعه نروح عشان نعرف مكان المعهد وكذا
طبعا الموتيل اللي سكنا فيه مقابل الجامعه
يعني نقطع الشارع وندخل الجامعه على طول
وفعلا فرفرنا بالجامعه وعرفنا وين مكان استقبال الطلاب وكذا
عقب طلعنا قلنا بنروح نبي نطلع شرايح وكذا يعني نتمشى ونستفيد برضو
رحنا لمنطقه يسمونها داون تاون (Down Town) اتوقع كذا كتابتها ماني متأكد
ولقينا مكتب زوار يعني يدلك على اي شي تبيه في فلاق ستاف وفيه خرايط وكذا ويخدمك باللي تبي
طبعا اسمه بالانقلش (Visitor Center)
المهم سالناهم عن الشرايح من وين نطلعها ودلونا على السوق
وسالناهم وين نلقى شقق وكذا وماقصرو اتصلو على مكاتب وحددو لنا ثلاث شقق
طلبو لنا برضو تاكسي ماقصرو ورحنا معه نشوف الشقق واللي للاسف وحده منهم الاستقبال انتهى دوامهم قبل نجي والباقيات الثنتين مالقينا فيهم اللي نبي يعني وحده قالو عقب شهر والثانيه مافيه الا استوديو وبرضو عقب شهر

المهم راعي التكسي كان يحترينا برضو وودانا عقب للسوق عشان الشرايح ....

يآحليلك توك فريش


بآلتوفيـــق يآلجدد بس آول آلآيآم هي آحلى شيُ بـ آمريكــآ آستغلوهآ ..

بعدهآ تصير آمور وصدف شييينه ودكم آلوقت يرجع ومآتصير

>>> خلآص

والله الحمدلله انو اخو معي يعني وبرضو في افلام كان من زمان ودي اشوفها وشفتها بالطيارة وفوق كذا كنا مواصلين ونمنا يعني ماحسينا بالوقت ياربي لك الحمد
وبرضو تعودت يعني انا كنت في استراليا وكانت الرحله 11 ساعه متواصله بس كان اكثر وقتي نايم يعني الحمدلله تساهيل يارب
والله ان كانك لحالك اكيد نفسيتك بتكون ماش او اذا اول مرا تسافرين يعني كل واحد وله مود خاص فيه خخخخخ

نورتي خيتو وان شاء الله انو نفسيتك بالرحلات القادمه تكون اكوس من هيكـ

تحياتي لكـ
اسعدني جدا مرورك ومشاركتك

هلا حبيب قلبي
مو مشكله اخوي يعني تكتب عنوان اي فندق او تسال المضيفه وبتخترع لك عنوان خخخخخ
اوك راح اعطيك هالعنوان واكتبه

واذا انسالت قلهم ان هالفندق وبيسكننوننا فيه الملحقيه
اتمنى اكون افدتك خيو
هذا العنوان
تحياتي لك

1515 Rhode Island Avenue Northwest, Washington, DC 20005 (202) 232-7000

طبعا اول شي 1515 وبعدين الباقي اللي هو رود ايلاند....الخ
مدري عيت تجي معي بالضبط
اتمنى عالعموم اني افدتك خيو
تحياتي