تقرير يوميات مبتعث لفلاق ستاف (طآزه) خخخخخ

الحمدلله يارب انك استفدت من الموضوع خيو
العفو خيو
بالتوفيق لك يارب وعسى الله ييسر امورك ويسهلها عليك ويكتب لك الخير وين ماكنت
تحياتي لك
نورت

^
^^
^^^
^^^^
أحلامي تقودني...

اسف اختي توني انتبهت انك انثى

العذر والسموحه
بالتوفيق لك يارب
تحياتي لك

الفضل لله سبحانه ياخوك انو خلاني اكتب الموضوع واكسب اجر ودعاء وعرفني على ناس طيبين مثلك وشرواك خيو

لا والله ماهنا لازعل ولامجامله يالغلا
عسى الله يوفقك ويكتب لك الخير يارب
م علمتني وش قررت امريكا والا كندا...

عموما انا ان شاء الله باذن اللي ماتنام عينه بكتب اشياء مهمه مرا وابيك تاخذها في الاعتبار ..
بس خلني اجمع افكاري شوي واحاول اتذكر منا منا وش اللي ناقص ..
وبالتوفيق لك وللجميع يارب ياكريم
تحياتي لك اخوي ابو ريما
نورت والله

الله يبيض وجهك يامراسلنا في اميركا ، و صراحو صرت ابغى اسافر البوم قبل بكرة بسببك << لبى قلبك والله .

عندي كم استفسار و اتمني تتحملني بقوة لانك بصراحة حمست اهلي << تحمل ماجاك ههههه

1 - بالنسبة للبنك ( بنك اوف اميركا ) :
أ - هل بطاقة البنك تعتبر مثل بطايق الفيزا و الماستر كارد ، بحيث اني اسجلها في موقع باي بال و اشتري من موقع ebay or amazon ؟
ب - هل لو استخدمت البطاقة في السحب من صراف بنك ثاني ، هل سيتم اخذ نسبة نقديمة علي السحب ؟
ج - كيف اعرف ان بنك اوف اميركا له صرافات و فروع في مدينة jonesboro, arkansas لانه بصراحة الولاية تعتبر افقر خامس ولاية علي مستوي امريكا و اخاف مافيها فروع للبنك او صرافات كثيرة << اصير منحوس هههههه
د - لو فتحت حساب بكالفورنيا و استخدمت الحساب في اركانسيس ، يعني مدينتين مختلفة ، هل هناك لي مشكلة ؟

2 - الملحقية الثقافية :
1 - وش الاوراق الي يبونها في الملحقية الثقافية من الطالب الدارس علي حسابة الخاص ؟
2 - كم في اعتقادك بياخذ وقت علشان يضموني للبعثة ( شهر - 2 ولا كم 5

و اذا عندك اي معلومات اتمني تفيدني فيها .

3 - السكن :
انا حصلت شقة بمدينة جونسبورو ، اركانسيس ، ميزتة ان فيه : كيبل تلفزيون ، انترنت ، غرفة نوم بسرير ، حمام ، صاله ، و غسالة ، نشافة ، موقف سيارة ، ملعب تنس ، مسبح . و غيره من الشغلات الي ماتحضرنب الحين ، وكل هذا بـ 450 دولار فقط ( مدري اذا فيها فرشات و مع الفواتير ولا لا ) و التامين 200 دولار .
لكن العيب الاليم الي اشوفة انها بعيدة عن الجامعة 10 دقايق بالسيارة ، و 50 دقيقة مشي ، و بعيدة 12 كيلو رايح جاي علي الرجيلين !

المواصلات :
1 - وش رابج بتملك السيارات في اميربكا ؟ لانه بصراحة 12 كيلو كل يوم عذاب والله !
2 - كيف اعرف انه فيها وسائل مواصلات و بالصات لانه بصراحة خايف يكون بنيتها التحتية تعبانة لانه مثل ماقلت لك المدينة فقيرة !
3 - كم تكلفة الاشتراك بالباص لمدة شهر ؟ حتي لو ما تكون نفس المدينة ( مدينة ثانية .

شركات الاتصالات :
انا بالنسبة لي الانترنت مرة مهم لانه بتستخدمة في الـ GPS وبالنسبة لي ما اعتقد بتفرق معايا الدقائق لانه بتصل علي اهلي عن طريق برنامج SKYPE << عائلة مثقفة ههههه .

التامين الطبي :
وش قصتة ذا ووش يشمل ووش مايشمل ؟ يعني لو الواحد جاته سخونة او اسنانة توجعه هل يشيلة التامين الطبي ؟ هل يتكلف التامين بالادوية لا بس الكشف ؟*

الاحوال الجوية :
كيف اعرف الاحوال الجوية في المناطق الي انا رابح فيها ؟ يعنب حارة ولا باردة ؟ وهل اخذ معي ملابس ثقيلة من هنا ؟ ولا ايش الموضوع !

انا عارف اني طولت عليك و عارف لني غثيتك ، بس والله من الحماس ياخوي ، بسبب يومياتك صرت ابغي اروح امريكا لو تهريب ياشيخ بس ابي اوصل

اتمني تتقبل استفساراتي بصدر رحب ، وشكرا لشخصكم الكريم

امين ووجهكـ خيو
هههههههههه ان شاء الله بتوصل بالسلامه يارب

اي نعم خيو البطاقه تبع بنك اوف اميركا تقدر تستخدمها ك بطاقة فيزا تشتري بها اونلاين من اي موقع تبي ..انا اسدد فواتيري واشتري اشياء عن طريق النت باستخدام البطاقة...

طبعا ياخذون عمولة البنوك الثانيه لو استخدمت صرافتهم ببطاقتك يعني ياخذون عادة مابين دولارين الى ثلاثة دولار...

والله ماادري صراحه اذا له فروع في اركانسس ... لكن اكييد فيه يعني لان المدينة فيها جامعه عرفت فأكيد انو فيه ان شاء الله...

والله عادي ماعنك مشكله تفتح حسابك في اي مدينه طبيعي يعني ..لكني انصحك وبشدة انك تفتح حساب في مدينتك.. يعني حسابك يكون في نفس المدينة احتجت شي شيات لاسمح الله ضاعت البطاقة او اي شي ف الافضل انك تفتح في مدينتك هذي وجهة نظري طبعآ..

امممم بالنسبة للاوراق المطلوبة مااتوقع انها تفرق عن اوراق المبتعث الا في اشياء بسيطة... لكني انصحك والله ونصيحة خذها من اخوك حاااول قد ماتقدر انك اول خطوة تسويها انك تروح لواشنطن تروح للملحقية على طول وتفتح لك ملف من عندهم احسن لك... الملحقية تعاملها صعب ياخوك والله يذلونك مايردون عليك الا بالموت... يعني لو وصلت مدينتك وارسلت لهم اوراقك بالبريد لاتستغرب اذا مر اسبوع او اسبوعين او اكثر ومحد رد عليك ولاراح تدري هل اوراقك وصلت لهم او لا يعني يحرقون دمك الين يردون عليك... عشان كذا انصحك وبعنف انك تروح للملحقية على طول تفتح ملف وتعطيهم بياناتك وكل شي يبونه والمساله ماتاخذ الا يوم او بالكثير كحد اقصى يومين...

بالنسبة للاوراق والله ماادري بالضبط لاني جيت مبتعث على طول .. لكن ان شاء الله بدور لك وبعطيك الجواب الكافي باذن الله..

والانضمام للبعثة والله محد يقدر يفيدك فيها ابدآ... يعني اعرف ناس ماشاء الله تبارك الله من اول شهر منضمين وفي ناس للحين اربع وخمس شهور واكثر ولسى ماانضمو..
اذا قدرت حاول تطلع من السعوديه بأمر اركاب من وزراة التعليم العالي لانو بيفيدك كثير... خل وجهك مغسول بمرق وأمتحنهم الين يعطونك امر اركاب لانو باذن الله بييسر لك انضمامكـ...



باقي الاجابات عطني ابو شويتين ان شاء الله استسفسر لك وان شاء الله بحاول ارد عليك في اقرب وقت..

تحياتي لك

هلا والله عزوز..............
كيفك يالغالي وكيف اخوك عسى امورك تمام ... باقي (انفلونزا وربو) ولا تمام .
وين وصلت في الدراسه ؟ انا اتوقع انك خلصت (نرفع من معنوياتك) .

بالنسبه لموضوعي عزوز... على المريكا ابشرك ...... والملتقى بكره لمدة (3) ايام فقط وراح يسلمونا القبول في الملتقى وراح يتحدد الولايه والمعهد والمدينه ونسأل الله ان يوفقنا بولاية ممتازه .

ونسيت اشكرك على اهتمامك اخوي عزوز وعسى ربي ما يحرمك الأجر وتبقى صاحب يد بيضاء في مساعدتك لي وانا الفخووور بمعرفتك يالغالي .

سلام اخوي اول شي

يعطيك الف الف الف عافيه عالمجهود الرائع..

وانا اخوك جايك بأذن الله يوم الثلاثاء من الاسبوع القادم..

واخووك مو عارف حاجه..

علاوه على ذلك حاب اسألك . اعطوني ورقتين مكتوب فيها نظام الامن القومي..
وطالبين عنواني في امريكا ..

اخر شي..بسافر بأذن الله الاحد القادم لواشنطن هل يوجد احد يستقبلني والله اناا مو عارف حاجه..وكم المبلغ اللي احتاجه هناك بأمريكا الين تجيني المكافأه.. ودمت بخير

أخوي إياد العنزي


طبعا بالنسبة لاستفسارك عن مدينة جونسبورو
اذا السكن بالميزات هذي بوس يدك مقلوبة وخذه لان 450 على هالميزات اللي تقول يعتبر كلام كبير
طبعا انا كنت قبل فلاقستاف كنت بجي لهذي المدينة لكن شخص عزيز علي نصحني اني مااروح بحكم صغر المدينة
طبعا حسب ماسمعت عنها انها صغيرة ومملة لدرجة مدري وش اقول
ومافيها الا مجمع تجاري واحد واربع سيارات تكسي هههههههه
طبعا هالكلام على ذمة واحد عزيز علي بهالمدينة
والله كنت يعني ناوي اروح لها لكنه حذرني منها وهو الحين يحاول يطلع منها
على العموم مااودي احطمك والله
لكن اقولك السكن فيها بهالسعر مرا حلو
نظام الباصات والله ماادري بس على مااعتقد انه مافي باصات (ماني متأكد والله)
السيارة انصحك وبعنف انك اذا كنت قادر على شراء سيارة توكل على الله ولاتتردد لانها بتفيدك كثير وخاصة في الويك اند انك مثلا تطلع برا المدينة تغير جو وغير كذا معك سيارة يعني تداوم على كيفك وماتحتري باصات ولاخرابيط.

الاشتراك بالباص والله للأسف ماعرف نظامه أبدآ

بالنسبة للتأمين الطبي والله ماعرف نظامه كثير لكن يعني يغطي اشياء واجد يعني ادوية ومراجعات وبرضو الاسنان بشرط انها ماتكون عملية تجميل يعني مثلا. والله ماعرف عنه كثير للأسف خيو.

حاليا الجو في جونسبورو تقريبا بارد صراحه يعني فيه ايام يكون فيها سالب اربعه وسالب ثلاثة ومااأفتيك صراحة
لاني شفت كم موقع وتقريبا هذي الحرارة فيه.


طبعا عشان تستفيد معلومات اكثر ادخل على الولايات الشرقية وراح تلقى تجمع طلاب اركانسا ستيت يونيفرسيتي مدينة جونسبورو.

اتمنى اكون أفدتكـ خيو
تحياتي لكـ
نورت

هلا هلا والله هلا
حي الله الغالي ابو ريما
كيفك خيو عساك طيب واهلك وعيالك ان شاء الله طيبين

والله الحمدلله كلنا بخير وصحه وعافيه يالله لك الحمد
باقي التنفس شوي لك عليه لكن ان شاء الله تساهيل
الدراسة والله الاسبوع ذا اختبارات نهائية نهاية السمستر يعني واليوم عندنا اختبارين ...
وان شاء الله يوم الاثنين الجاي راح يكون الاختبار النهائي يسمونه (exit test) يعني اختبار شامل لكل شي وفيه تحديد مستوى وفيه نجاح ورسوب وعسى الله يكتب الخير
دعواتك ياخوك .


ماشاء الله تبارك الله والله بتنور امريكا بوجود مثلك وشرواك على اراضيها خيو
ويالله يارب ياكريم انك توفقه وترزقه بولاية زينة ويجيب شهادة ترفع راسه وتكتب له الخير وين ماكان يارب.

والله ياخوك ماسوينا شي كله من فضل رب العالمين ولك الحمد يارب على كل حال
والحمدلله انه تعرفت على ناس مثلك وشرواك اجاويد وينحطون على الراس

اتمنى تعلمني وش يصير عليك وبالتوفيق لك يالغالي
تحياتي لك.

عليكم السلام ورحمة الله وبركاته
الله يعافيك ويبارك فيك يارب
بتنور والله الديرة بوجودك خيو

والله بالنسبة للورقتين اتمنى اتمنى تقرا اول صفحة من الموضوع اللي فيها ركوب الطيارة والنموذجين اللي عطوني اياهم وشوف هل هم نفس النماذج او لا لاني مااذكر وش كان مكتوب فيها والله هل هي الامن القومي او لا .
وبالنسبة للعنوان حط عنوان الفندق اللي بتروح له.
طبعا اخوي اتمنى اول شي تعلمني بوضعك كامل اليوم اذا قدرت

يعني انت على حسابك صح لكن هل معك امر اركاب او لا وعلى اي خطوط جاي ان شاء الله ومتى وصولك لواسنطن بالضبط الساعه كم تقريبا وهل تعرف احد هنا او لا
اقولك وشلون
اكتب لي رقم جوالك وارسله لي على الخاص وبكلمك ان شاء الله وباذن الله كل خير



انتظرك
تحياتي لك