تقرير يوميات مبتعث لفلاق ستاف (طآزه) خخخخخ

لا ابد ما منك قصور بالعكس والله انت تدخل بالتفاصيل وصدقني هذا اللي الكل يبغاه ومجهودك ان شاء الله مايضيع عبث ان شاء الله كل من استفاد واستمتع بالموضوع راح يدعي لك


الله يوفقك يارب وترجع بشهاده ترفع الراس





ابيك بكلمه
اتمنى تبطل دخان ان شاء الله << نصيحه اخويه



متابع ..

هع هع هع انا مره ثانية << وش يبي ذا اللصقة خخخخخ

الحين خلاص الحمد لله جمعت العلومات عن كل شي .. ياشيخ طفشت من كثر ما افرفر بالمواقع ، ودي اطلع من بكرة و ارتاح من هل هجولة و الصرفدة في المواقع ، تخيل الحمد لله جاني الاي تويني و الحمد لله قبول الجامعة باقي له من اسبوع الي اسبوعين ، و كل شي تمام ، ولما المكتب جا بيعمل لي موعد السفارة قال لي الموقع مقفل لانه السفارة عنده اجازة الكرسيتماس هههههههه ياني نحس

المهم سؤال ينبطح بوسط دائري الرياض ...

من خلال بحثي توصلت انه فيه مول قرب فندق ( دابل تري ) مووول كبير و محترم ، و فيه محل اسمه best buy بيبيع كل شي بالرخيص اتمني تكون عرفتة ، وهو على بعد 10 دقائق مشي من الفندق .. و انا بصراحة اول ما ابغى اطب واشنطن ابي اشتري شريحة من T-MOBILE لانه لما اقدم طلب الالتحاق بالبعثة بيقولوا لي سجل رقمك الامريكي ! .
فــ من خلال خبرتك ، هل ممكن احصل فرع لـ T-MOBILE في هذا الموقع القريب من الفندق ، وش الباقة الي انت اخذتها .. و اسم المول طلعتة من الخرايط كان اسمه DULLES EASTERN PLAZA ...

عنوانة :
DULLES EASTERN PLAZA, STERLING VIRGINIA 2016


و ابي اعرف منك متى انت رحت لهم لان طيارتي و الحمد لله حددتها و توصل الساعة 15:00 يعني 3 بتوقيت واشنطن قول على بال ما اخلص من الجوازات صارت الساعة 5 او 6 ، وهل امان لو اروح على رجولي ؟ انت عارف انه في امريكا و على حسب ما سمعنا انه خطر انك تخرج بعد المغرب او قريب المغرب ؟


الحين من طلبات الملحقية اني اعطيهم صور من الجواز و الختم و التأشير و صورة من نموذج I-94 .. الخ ، فهل فيه مكينة تصوير في الفندق ؟ و بكم الصور + في احد المواضيع قريت انه بيجوا موضفين من السفارة و يصوروا لنا الاوراق و زي كذا ! وش رايك

و هل تنصحني افتح حساب بمجرد وصولي لفرجينا يعني اروح اقرب فرع BANK OF AMERICA و افتح حساب و لا انتظر الين اوصل المنطقة الي انا رايح لها .. رغم اني بجلس في واشنطن تبع 4 الي 5 ايام علشان اجراءات السفارة و مافي طيارة غير يوم 22 نوفمبر و دراستي تبدا 28 ( بوصل بدري يعني )

في احد المواضيع قريت انه مجرد ما توصل للفندق بيقول لك سائق الملحقية في الساعة ( .... صباحا ) انزل علشان نروح الملحقية .. هل ممكن تحصل مكان بالباص يعني قبل الساعة المحدده اتبطح قدام الباب الي يجيني الباص و اكون اول واحد ارز وجهي فيه ! لاني دارس على حسابي و ممكن يتملعنوا معايا فاهمني

على العموم انا عارف اني عثيتك بس سامحني ماراح ارتاح ولا اريحك الين اوصل واشنطن و ذيك الساعة برسل لك رسالة على الخاص و انا في الطيارة و اقول لك انا وصلت

الله يعافيك يالغلا والله ماتقصر
اللهم آمين يارب ويوفقك ويرزقك ويحفظك ويكتب لك الخير وين ماكان يالغلا


آمر تدلل
أطلب ماشئت

ياحبي لك والله الموضوع وراعيه تحت أمرك *_*

ههههههههههههههه يانحسكـ نحساه ههههههههه

وسع صدركـ ياصقيقي
ابطح سؤالكـ

اي بس ياصقيقي على حسب الفندق اللي بتسكن فيه يعني دبل تري له فروع واجد
الفرع اللي قرب المطار مو في واشنطن لا المنطقه اسمها فرجينيا الظاهر ان ماخاب ظني وهي اللي حولها بيست باي والمول

اي نعم وعشان اوصف لك اياه اول ماتطلع مع باب الفندق رح يسار وامش ابو شويتين يعني الين تجيك اشارة تعدها شوي بيجيك الظاهر مطعم تشيليز على يمينك وراه على طول مجمع ومن بين المحلات الكبيرة اللي فيه محل بيست باي

طبعا يقال انه ارخص من ناحية الاكترونيات وكذا لكن انا شخصيا اقول انه في محلات ارخص يعني على حسب

يعني ممكن تلقى مثلا بلازما سوني عندهم خلنا نقول ب 1000 دولار وف محل ثاني ب 900
وتلقى مثلا بلازما سانيو عند المحلات ب 800 وعنده تلقاه ب 700 عرفت يعني على حسب اللي بتشتري مو شرط يكون هو ارخص


بالنسبة للشريحة والله ياخوك على حسب اتصالك انت وحسب ماتشوف نفسك في المكالمات يعني زي ماقلت لك الشركات تختلف والله والباقات تختلف من شركة لشركة اهم شي اذا لغتك تقدر تتفاهم معهم كويس واذا لا خل احد يروح معك عشان تعرف مايربطونك بعقد وكذا يعني وعلى راحتك انت

وانا بالنسبة لي الباقه حقتي عائلية انا واخوي شريحتين ومكالمات ورسائل وانترنت مفتوح وبرضو بالاضافة الى باقة سمارت فون وكلها 166 شهريا

ف انا انصحك يعني اول شهر انك تاخذ باقة عادية جدا لانك ماراح تكلم واجد الا اهلك وغالبا راح تتواصل معهم ماسنجر او سكاي او اللي تبي

واتوقع وماني متأكد والله هل عندهم تي موبل او لا لاني ماشيكت عليهم انا مطلع رقمي من فلاقستاف ..

طبعا فيه مول ثاني اكبر بكثير بس خوفي تضيع من كبره هههههههه
المول جنب المول ذا يعني خل بيست باي على يمينك وتعدى كل المحلات اللي على يمينك (بتلقى محل هناك اسمه تشيكن كباب باكستاني والله روعه وخاصة الخبز اللي عندهم كأنه تميس ههههههههههه)
المهم خل المحلات هذي على يمينك وتعدىى يعني ابو عشر دقابق مشي بتلقى المول بوجهك ومن أكبر المحلات اللي فيه محل اسمه JC Penny ادخل المول واسأل الاستعلامات وبيعلمونك
طبعا المول فيه محلات كثيرررر ومطاعم وخرابيط...


ترى انا انلحست شوي يعني انت جاي لفلاقستاف والا وين !!!


والله انا اول شي مدري كم راح تستغرق الاجراءات ياصقيقي
وثاني شي اذا انك بتحتري سواق الملحقية ف هو رح يكون تقريبا متواجد من 3ونص وعلى بال مايركب الناس وكذا تكون 4 ونص او 5 هذا أول شي
ثاني شي اذا انت ماتبي سواق الملحقية راح تروح بتكسي اكيد وعلى بال ماتوصل الفندق وتحجز وتحط عفشك وتريح شوي يعني يمكن يكون الوقت متأخر وانا ماانصح تطلع مع انه عادي يعني لانه قريب المجمع والمنطقة هادية بس برضو الاحتياط واجب
في حل انك تشوف سعوديين مثلا بيروحون وتروحون سوا او سواق الفندق ترى يودونك ومجانا بعد وخذ رقمه يجي ياخذك لاخلصت واتفق انت وياهم على كذا

بس اول شي ودي تعلمني هل انت جاي مبتعث او على حسابك وهل حجزت فندق او لا وهل كلمت الملحقية يستقبلونك او لا وش وضعك يعني..
يعني اعذرني لاني والله انسى وملخبط الامور عندي ..



بالنسبة انا انصحك والله انك تصور اوراقك المهمه من السعوديه ولاتنسى صور لبطاقة الاحوال (مهم)
الشي الثاني اذا انك ركبت مع سواق الملحقية من المطار الى الفندق راح يعطيك ملف تعبي بياناتك وكذا اول ماترجع للفندق تعبيهم وتجهز الاوراق المطلبوه وفيه آلة تصوير عندهم بالفندق مجانا اسال عنها الاستقبال وبيعلمونك وين
وعلى المغرب كذا راح يجي مندوب الملحقية ياخذ الملفات يعني حاول قد ماتقدر تخلصها وتسلمها بنفس اليوم عشان يوديها للملحقيه ويباشرون الاجراءات ...



والله بالنسبة للحساب انا انصح وبشدة انك تفتحه من المدينة اللي انت رايح لها افضل لك يعني يكون فرعك قريب وكذا يعني سبحان الله الواحد مايدري وش بيصير بكرا وبرضو راح تطول بإذن الله بالمدينة يعني كم سنة دراسة وكذا

عموما هو رأي يعني وانصحك انك تفتحه بمدينتك
واذا تقدر يعني بحكم انك على حسابك روح ياطويل العمر لأحد البنوك يعني الراجحي او الاهلي او سامبا وطلع بطاقة فيزا (مسبقة الدفع) الظاهر يسمونها كذا
يعني تعتبر فيزا ولاياخذون عليها رسوم اضافيه وكذا يعني اهلك يحولون عليها وتسحب والظاهر ماعليها رسوم اضافيه
يعني أسأل عنها وش ان شاء الله نها تفيدكـ...




بالنسبة لليوم الثاني مايحتاج تترزز ولا شي هههههههههههه
لان سواق الملحقية اول شي بيركب اللي معهم قرارات ادارية(مبتعثين يعني )
وبعد كذا اذا كفى الباص راح يركب البقية او يركبهم في باص ثاني او يشوفون وش الوضع
اهم شي يعني خلك صاحي الصبح وان شاء الله تمشي امورك


لا والله عادي ياخوك خذ راحتك واسأل اللي تبي اذا اعرف بقولك اعرف واذا لا بقولك اعذرني والله ماعرف....


ابد الله يوفقك يارب وييسر امورك ويحفظك ويكتب لك الخير وين ماكنت يارب ياكريم
تحياتي لكـ

شكرا لك يا " صقيقي " ( عجبتني ههههه )

انا طالع علي حسابي الخاص

و بالنسبة للمول انا فاكر اني اروح مثل ما تفضلت يا صاحبي في الصباح لانه بعد ما قالوا لي الناس و حضرتك اكدت الموضوع لا ياخوي السلامة اولا

كويس انك اعطيتني معلومة بخصوص سواق الملحقية و ان شاء الله الحق علية بصراحة بازين البلاش في بلاد الغربة

اوراقي المهمة لو اقول لك ممكن تضحك علي وتقول ذا موسوس .. شوف يا صديقي انا اصلا ما اقتنعت بالجامعه الي جاني فيها القبول و انا باخذ القبول كشكل بس لكل بمجرد دخولي للبعثة بسحب عليهم و ادور جامعه بمكان صاحي
اما المستندات تخيل انا مصور الشهادات و التوصبات و ماخذ نسخ منهم ( ١٠ صور مختمة جاهزة ) اما البطاقة و الجواز عاد صاك من كل وحدة ٢٠ صورة ، و بأذن الله بس اخذ الفيزة بصورها برضة ٢٠ نسخة بس ياريت تقول لي هل اصور الصفحة الي فيها الفيزة ولا كيف

و الله يجزاك الخير علب المعلومات و انا بصراحة بحطها في نوت بأي فوني علشان لا انسى بإذن الله

و اتشرف لو تزودني بإيميلك لاني بصراحة شرف لي اتواصل شخصيا مع الطيبين من امثالك الله يسلمك

وشكرا لك

السلام عليكم

صباحكم خير

رجه بس رزهـ الله يجعل هالمعلومات في موازين حسناتك ويجعلك فالجنه ووالديك أنا راجعلك قريبا ببعض الاسئله تولم لي بس ههههههههه

شباب من رايح بتاريخ 1\2\1432 يقولي وطبعا الاقلاع من الرياض

باالتوفيق جميعا

لي رجعه

السلام عليكم

مسائكم خير جميعا

يالله يارجه بس رزهـ ابي انشب بحلقك علشان تجاوب لي على هالأسئله وطبعا مبتعث على حسابي الخاص لعل وعسا يجيني الانضمام ..دعواتكم


ابدا اسألتي.:

1_أنا حاجز من الرياض لواشنطن فاسألت هل احجز من هنا من واشنطن لأريزونا بالتحديد فلاق ستاف قالوا لا من واشنطن يتم الحجز هل هذا صحيح أنتم مثلي...؟؟

2_بالنسبه للأوراق أبي تذكرلي كل الأوراق اللي راح احتاجها بكل مطار..؟

3_شريحه الاتصالات قالولي تقدر تاخذ موبايلي مفوتر وتفعلها دولي ..هل اذا سويت هالشيء اظمن انها تشتغل هناك..؟

4_عفشكم ملابس وغيره وش رايكم اكثر ولالا ..ووشو اللي ندمت إنك مااخذته ..؟

5_بالمطارات واشنطن وغيره القا عرب او مترجمين محدثك مقبول مع مرتبه الشرف باللغه يعني بلقا احد يساعدني..؟

6_بالنسبه للفندق لازم احجز من الحين ولالارحت لهم عادي.؟


إلى الآن هذا اللي يحظرني أي شيء بتذذكره بجي اسدحه هنا ..والله يوفقك دنيا واخره اللي فرجتها علينا

لي رجعه

بما ان الاخ / رجة بس رزة .. ماقصر معي بالردود ، و المعلومات هذه هو ذكرها قبل ، و للتسهيل على الرجال انا برد

ياحبيلك ماتقصر يالغالي والله يجزاك الجنه ووالديك

تحملوني تراي بغثكم عليمي نوعا ما بهالامور

اول شيء بالنسبه للسؤال الاول يعني احجز الحين ازين من المرمطه ..؟

(الاي تويني ) وش يعني مو هو قبول الجامعه..؟

بالنسبه للبلاك بيري لو حطيت موبايلي مفوتره وفعلتها دولي من الرياض هل اقدر اتواصل بلاك بيري ماسن لتطمين الاهل تعرف انت ودهم لو يتواصلون معك طول مانت بالطياره.. وش تنصحني


بانتظارك

ماقصرت يالغالي والله يجعلك بالجنه ووالديك

اللي فهمته

بالنسبه للحجز يعني اسوي حجوزاتي بالرياض ازين من المرمطه هذا قصدك..؟

(الاي تويني )مو هو قبول الجامعه.؟

اللي اقصده بالاتصالات والمفوتر اني ابي اتواصل مع الاهل بمسن بلاك بيري اطمنهم لانهم شايلين هم ولاودي طول العشر ساعات وازود مايعرفون عني شيء ..وش اللي اسويه بالنسبه للشرايح لانه صعبه اول مااوصل اروح اشتري شريحه ومن هالامور


ادري حومت تسبدك بس وش اسوي اول مره اطلع برا عليمي بالمعنى الصحيح
بانتظارك