تقرير يوميات مبتعث لفلاق ستاف (طآزه) خخخخخ

هلآبك والله وكل ماجيت تنور الموضوع يالغلآ

أول شي آسف جدآ ماقدرت ارد عليك لأني والله أمر بظروف صحية سيئه والنفسية زفت وكل شي ماهو على ماأبي
ونقول تسآهيل يارب

الله يبشرك بالجنه يارب
ماشاء الله تبارك الله
الله يوفقك يارب ويسهل أمورك كلها


لا والله انا رحت على الخطوط الألمآنية لكن والله أذكر فيه ناس يمدحون لي الخطوط السعودية
هههههه والله شف بالنسبة للشحن عشان اكون صريح معك والله ماادري لكن الحل انك تشحن لابتوبك قبل تركب الطيارة ولافضى شحن الايفون اشحنه عن طريق اللابتوب اتوقع افضل حل
ويمكن تقدر تشحنه بالطيارة بس ماني متأكد والله



والله شف انا أنصحك دام معك وقت انك تحدث بياناتك في كل شي يعني تشيك على بطاقة احوالك وبطاقات الصراف اللي معك وكذا احتياطا يعني تشوف متى بتنتهي واذا ماباقي على فترة انتهائها شي انقز للبنك وجددها
واذا قدرت حاول تطلع بطاقة فيزا او ماستركارد من الاهلي او الراجحي مسبوقة الدفع يعني احتياط سبحان الله يمكن تحتاجهم

وطبعا مايمنع انك تنقز لشركة الاتصالات اللي تتعامل معها سواءا موبايلي او الاتصالات السعودية او زين وتسألهم عن عروضهم لخارج المملكه يعني حسب مااعرف انك اذا جوالك مفوتر تقدر تستقبل مكالمات ببلاش وزي كذا اسالهم عن العروض يعني

وفيه امر مهم بعد اذا تقدر تدخل على حسابك اونلاين زي الراجحي المباشر للأفراد لازم يرسلون لك رسالة على جوالك
عشان كذا لازم تمر على شركة الاتصالات تسالهم اذا تقدر تستقبل رسايل وانت خارج المملكه او لا

وتأكد من أوراقك انها تكون ان شاء الله كامله وان شاء الله ماعليك خوف
انت يعني شف وضعك وشف الاشياء اللي تحس انك ممكن تستفيد منها هنا وان شاء الله تساهيل

والله مافيه شي محدد يعني اقوله لك
لكن اللي اقوله انك اول شي حط في بالك انك طالع لهدف وركز عليه هدفك انك تدرس وتشد حيلك وتجيب شهادة ترفع راسك بإذن الله
والأهم من كذا لازم تحافظ على دينك وصلاتك وعبادتك وتخاف الله سبحانه لانك زي مانت عارف راح تطلع برا المملكه لدولة متفتحه يعني راح تشوف بنات وفيه مراقص وكازينوهات وبارات وخرابيط والشراب تحصله في البقالات بعد وهذي كلها ماتخفى عليك والنفس أمارة بالسوء وانا اخوك لكن حاول قد ماتقدر تتجنب هالامور ومن ترك شيئا لله عوضه الله خيرا منه
انا اقولك هالكلام لانه واجبي عليك النصيحه وانت ان شاء الله رجال طيب وماتحتاج نصيحة احد لكن يعني من باب التذكير لا اقل ولا أكثر

الله يوفقك يارب وييسر أمورك كلها ويسهلها عليك ويفتح لك أبواب رزقه ويكتب لك الخير وين ماكان

وان شاء الله اني كفيت ووفيت وقدرت افيدك ولو بشي بسيط والعذر والسموحه والله مخي مقفل وحالتي حاله ما أجمع

بالتوفيق اخوي

بآآآآآكـ بعد طول غيآب..ز
أدري ان الموضوع فقد شعبيته على مايقولون
ومبطي مببببطي الله المستعان ماكتبت يووووه احس اني قديم <<< برآ
لكن مدري عجزت أرقد وقلت ياولد طقطق شوي

صارت سوالف وعلوم وكلآم كثيييير من آخر مره كتبت فيها يوميات


طبعآ للمعلومية جتنا ثلوج وبرد وامطار وأفلآم هندية وتبهذلنا كم مره من البرد بصرآحهـ
وجيرآننآ الي فوق صآرو مزعجين حبتين
طبعا مو مزعجين عن قصد لا أبدآ
لكن ازعاجهم بسبب ان العوازل الله بالخير يعني أي كلآم صراحه
يعني تسمعهم يمشون كأنهم يناقزون خخخخخ
لدرجة اني صرت اعرف اذا انهم نايمين او راحو للغرفة او المطبخ او يتمشون بالشقة من كبرها خخخخ

اي وبعد صرت انا واخوي بالمستوى الاول اللي هو المستوى الثالث
وفرقوناعن بعض انا بكلاس وهو بكلاس خخخ
وكثروا السعوديين صار مو معهد صار كأنك مراجع التعليم العالي من كثرهم <<< دمكـ يبوي
وقررنا نجلس بالسكن مانطلع منه
وراجعت المستشفى اللي بار الجامعه أخيرا أول مره ادخله هههههههه
وش بعد ياربيه
اي وضاعت كور البلياردو اللي بالسكن <<<وش دخلها !!

صح وصرت طبااااااااااخ صرت اعرف اطبخ كبسه كولولولولولوووووووووووووووش



نرجع للموضوع
طبعا مااذكر وين وقفت باليوميات صراحه يعني اغلب الصفحات اللي راحت كانت كلها استفسارات وكذا
لكن سوف اتطرق الى بعض السواليف اللي حصلت
طبعا صراحه عشان اكون معكم صريح السمستر اللي راح كان روعه بالنسبة لي وكانو المدرسين تبع المستوى حقنا مره اوكيييه وكان كلاسنا والطلاب اللي فيه يعني متعاونين مع بعض وكذا وعلاقتنا مره حلوه
طبعا في نهاية السمستر قررت المدرسة حقتنا اننا نسوي حفلة بالكلاس ونجتمع وننبسط وكذا
وفعلا سوينا الحفلة وجت المدرسة وزوجها وعياله ياحليلهم صغار ويعرفون انقليزي خخخخ << برا
وطبعا قررنا اننا كلنا نجيب اشياء وكلنا نشارك بالحفلة
قطينا مبلغ وقدره وقررنا نجيب هدايا وفعلا راحو الشباب وشرو لها ولعيالها وزوجها هدايا طقم وألعاب واشياء يعني حلوه والحمدلله انها عجبتهم
وجبنا كيكة وعصيرات وواحد مسوي مكرونه بالباشاميل وجابو شوكولاتات وقهوة عربية وتمر وشاهي وبيتزا واشياء واجد كفتنا وزيادة ياربي لك الحمد
وطبعا كان فيه شوية ميوزيك عربي وزوجها اعجبته القهوة حسبت انه بيدمنها زي شيابنا الله يطول باعمارهم خخخخخ
والحمدلله انبسطنا وانتهت الحفلة على خير...
بعد كذا قرر المدرس حقنا انه يعزمنا في بيته وبرضو عزم المدرسة معنا
طبعا وافقنا اننا نجي وعطانا الوصف وكذا
بصراحه انا مارحت لاني كنت نايم
اذبحوني عند النوم انسان اعشق النوم لكني المشكلة اني مااقدر انام صرت لانه صار عندي أرق وراجعت المستشفى وعطوني علاج وصرت ماانام غالبآ الا بحبوب
طبعا راحو له الشباب لبيته وانبسطو عنده
طبعا المدرس انسان يعشق التصوير ومسوي له صفحه على النت منزل الصور اللي مصورها وكذا وعنده كاميرات بالهبل وأغلبها كاميرات نادرة وقديمة مره أثرية يعني
وصراحه كان سمستر روعه وياربي لك الحمد استفدنا كثير وصار فيه تطور في اللغه ولاحظت التطور على كثير من الشباب الله يوفقنا وياهم..

آخر يوم كان فيه اختبار تحديد مستوى وكان الاختبار طويل ومرهق صراحه
طبعا الاختبار فايدته انه يحدد مستوى الطالب واذا كانت درجاته حلوه يسمح له انه يدخل الجامعه او انه ينقل لمستوى او مستويين اعلى من المستوى اللي كان فيه
يعني في طلاب راحو مستوى 2 وفيه طلاب راحو اخر مستوى وكذا
طبعا الاختبار مرا طويل وصعب يعني قسم الاستماع والكتابه كان مأخوذ من اختبار الايلتس
وانا صراحه عن نفسي طفشت في اخر الاختبار وخمنت الاختيارات وسلمت الورقة وطلعت
يعني الاختبار ابو مدري كم ساعه والقطع اللي جايبينها صراحه صعبه وطويلة مره
يعني اول قطعه كانت عن النحل وطريقة تواصله مع بعض وعلاقة الانسان بالنحل ومدري وش يعني فيه مصطلحات علمية مايفهمها الا اللي بيدرس احياء الظاهر صراحه صعب وفيه ثلاث قطع غيرها وكل قطعه تقول الزود عندي
الغالبية طفش وخمن الاجابات على السريع وطلع...

طبعا انا انسان كنت احب اطلع واروح واجي لكن من رجعت من استراليا بفترة صرت بيتوتي غالبآ
ف جت اجازة الكريسمس ومااكذب عليكم لو قلت تقريبا 80 في المية من الاجازة قضيتها بالبيت
يعني اخوي يطلع ويروح ويجي وانا جالس في البيت
لأنه بيني وبينكم برا برد وكان ثلوج صراحه ومالي خلق اطلع ونومي حوسه يعني بالموت انام واذا نمت يكون نهار واصحى اخر الليل
يعني مااطلع الا اذا احتجت اروح السوق مثلا او مره طفشت من الجلسة اروح اتمشى والا اروح شقة الشباب وارجع البيت
شكلكم تقولون ياخي وش هالملل اللي عايش فيه ههههههه
لكن الصراحه اني كنت متابع مسلسلات وكذا ومااحس بالوقت ابدا
تابعت مسلسل لوست كامل كل المواسم وتابعت مسلسل فريندز كامل بعد كل المواسم وتابعت مسلسل ويل سميث كامل كل المواسم وشفت مسرحيات وافلام بالهبل يعني اجازتي كلها مسلسلات وافلام خخخخ
وطبعا لاننسى المسنجر وجلساتي مع الاهل وكذا يعني الحمدلله على كل حال...

انتهت الاجازة وبدو الطلاب اللي راحو السعودية يرجعون وجو مجموعه جديده من الطلاب وصراحه ماتوقعت هالكثر بيجون لكن نقول الله يوفقهم ...


وللحديث بقية ان شاء الله الحبوب بدا مفعولها

السلام عليكم اخبارك اخ رجهـ بس رزهـ اتمنى انك تكون في دوام الصحه يا رب امين.
حبيت اشكرك وما قصرت وبيض الله وجهك على هل الموضوع الاكثر من رائع صراحه وبما ان هذي اول مشاركه لي فا حبيت اطلب منك طلبين الله لا يهينك.

1: ارجو منك اذا كان عندك وقت وفاضي و ما فيها حرج عليك من اي نوع انك تكتب لنا المواقف الي تمر فيها في يومك الروتين مهما كانت تافهه يعني من يوم تقوم الين تنام اقصد في المعهد مع المدرسين مع الطلاب في السوبر ماركت في المطعم في المسجد مع اهل المدينه او اشياء لاحظتها و حاب تناقشنا فيها شيء زعلك مثلا م او معاملة الناس لك ونظرتهم لك (كا سعودي وليس لشخصك) يعني باختصار نبغى نخش معك جو في يومك العادي ومنها نستفيد من الاشياء الي مثلا متخوفين منها او حتى بس نبغى نعرفها من باب الفضول وارجو اني ما اكون ثقلة عليك.

2: ادري اني كثرة عليك بس هذا الشيء الي افكر فيه من يوم ما قرية موضعك المميز هذا واتمناه صراحه الي انك من فتره لي اخرا اذا تقدر تسويلنا تقرير مصور عن شقتك والمعهد والمدينه والاماكن الي دائما ترتادها مثل السوبر ماركت المطاعم او حتى الناس الي دائما تقابلهم وصور من الكامباوند الي ساكن في ويعطيك العافيه اولا واخرا والله يوفك انت واخوك ويردكم سالمين غانمين رافعين راسكم و رافعين راس اهلك و الوالد الله يخليه لك ويجعله راضي عنك والوالده كمان الله يحفضها لك ويطول في اعمارهم امين يارب العالمين مع السلامه.

وعليكم السلام ورحمة الله وبركاته
الحمدلله بخير وصحة الله يطول عمركـ
انت عساك ان شاء الله بصحه وعافية
العفو أخوي وبيض الله وجهكـ ولو ماسوينا الا الواجب ومانبي الا الاجر من رب العالمين ياخوكـ


والله ياصديقي لو بقولك عن روتيني اليومي يمكن تحذف عضويتك من المنتدى ههههه
صراحه لان روتيني ممل يعني فيه عوامل كثيرة يعني تجبرني اجلس بالبيت اغلب وقتي عوامل صحية شوي وبرضو البرد برا واشياء ثانية وان شاء الله بذكر لك مواقف ابشر ان شاء الله مالك الا اللي يرضيك..

وبالنسبة للصور ابشر بنزل اللي اقدر عليه ولايهمكـ غالي والطلب رخيص..



امين يارب ويوفقك وطول عمرك ويحفظك ويرحم والدينا ووالديك وجميع المسلمين يارب
الله يكتب لك الخير وين ماكنت ويوفقك ويستر عليك
شاكر لك مرورك ونورت خيو
تحياتي لكـ...

طبعآ على شان تكونون على بينة
ترى المعهد صغير والمبنى وسع صدرك يعني أي كلآم والظاهر ان المعهد ماتوقعو ان الطلاب بيزداد عددهم بهالشكل
يعني المعهد مايشيل هالعدد من الطلاب
فقرروا انهم يغيرون مواعيد الكلاسات اكثر من السمستر الماضي ووزعو الكلاسات على مبنى في داخل الجامعه
يعني احيانا في كلاسيات ناخذها بالمعهد وكلاسات ناخذها بمبنى ثاني بعيد عن المعهد وفيه كلاس ناخذه بكلية التمريض
يعني اللي بيجي بيتخلبط شوي
وفوق كذا فيه احد المستويات يداومون يوم خميس الظاهر او ربوع من الصبح الين سبع ونص المغرب !!
وماني متأكد من السبب لكن واحد من الشباب يقولي بسبب ان احد الكلاسات كان المفروض يوم جمعه لكن المدرسة حضرتها رافعه شكوى تقول ان الطلاب مايحضرون او حاجه زي كذا ماني متأكد وش السبب فقررو انهم يخلون الكلاس الظاهر خميس او ربوع !
يعني راح تكون فيه حوسه لكن الله كريم
لكن عموما التدريس والمواد نقول ان شاء الله انها ممتازه...

اول يوم في السمستر...
طبعا اول يوم كان توزيع الكلاسات والكتب وخرابيط يعني اول اسبوع كان اي كلام مافي اي موضوع
لكن فيه نقطه مهمه
طبعا فيه مبالغ للمعهد مايدفعونها الملحقية تدفعها انت
زي بطاقة المعهد والتطعيم ومراجعة المستشفى(في حالة انك مااستلمت التأمين) والرحلات واشياء عادية يعني ممكن ان الشخص يقول ايه متى مافضيت دفعتها
لكن تراها تزود يعني كل شهر تتأخر عن التسديد راح يزود المبلغ
اعرف كثيرين وانا من ضمنهم كانت عليهم مبالغ فوق 200 دولار ورفض المعهد انه يسلمنا الكتب والجداول الين نسددها
طبعا تجي رسايل من الانترناشيونال اوفيس (اللي هو المكتب اللي يهتم بالطلاب الاجانب وفيه موظفين مختصين بمعظم الدول يعني السعوديين عندنا موظف للمبتعثين وموظف للي على حسابهم يعني يساعدنا وكذا احتجتناهم ويكونون متواصلين مع الملحقية ) فجتنا رسايل منهم بضرورة التسديد والا راح يكون فيها مشاكل علينا
غير كذا اللي دارسين على حسابهم يعني يحرصون يسددون رسوم الدراسة قبل نهاية السمستر عشان مايتعرضون لمشاكل
طبعا بدينا الدراسة والحمدلله الامور طيبه
لكن ضغط المستوى اللي انا فيه صراحه ضغط اعوذ بالله يعني واجبات واختبارات قصيرة ومادة جديدة مدري وش تبي خخخخ
.....




طبعا الجامعه فيها باصات مجانية تتنقل داخل الجامعه وتوصلك للمعهد لكن عيبها انها مزحومه غالبآ
يعني احيان تضطر انك توقف احيان تضطر انك تزاحم العالم واحيان يمر عليك باص او باصين ومن الزحمه ماتقدر تركب واحيان اصلا مايوقف الباص يكون مزحوم يعني في ايام راح تضطر تتاخر عن الكلاس شوي بسبب الباص
ف حاول انك تطلع بدري شويتين...

طبعا الكريسماس جانا برد خرافي ثلوج وبرررررد وحاليا من امس وهي تثلج ووقف الثلج اليوم لكن الشوارع تزحلق يعني لازم الله يكرمكم جزم خاصة بالثلج بحيث تكون طويلة (بوت) وتكون ضد الموية وضد الانزلاق...
وامس وقبله تحذيرات في الاخبار انو راح تجي عواصف ثلحية على اريزونا والولايات الشمالية وفعلا والله شفنا في الاخبار حوادث وسيارات تتزحلق وتنقلب يعني الواحد ياخذ احتياطاته ...


وش بعد وش بعد
المشكله ماعاد اجمع خخخخ
اي صح
طبعا انا انسان احب اغني يعني طربان اغلب وقتي ومايحلى الغناء الا وانا اتروش خخخخ
بس ماعاد صرت اغني وانا اتروش صرت اخاف خخخ
المهم من سنين وانا ودي اعزف اورج المهم مسكت معي غلط الا اشتري اورج وانزل له ايقاعات عربية واتعلم عليه
طبعا دورت في النت وشفت الانواع وافضلهم واللي تقدر تنزل عليه ايقاعات
رحت السوق ومالقيت اللي ابي بالضبط لكن لقيت واحد فيه فتحة للميموري ووصلة USB وشريته
رحت البيت وعينت من الله خير وقعدت احوس فيه وعرفت ان لازم اشتري له كيبل نوع خاص او كيبل وصلة يو اس بي
ورحت السوق ادور هالكيابل مالقيت وطبعا فتحة الوصلة حقته مو عادية يعني مايركب عليه الا يو اس بي حق الطابعه
وشريت له الوصلة ورحت شبكته ونزلت ايقاعات ومااشتغلت عليه وحاولت منا منا عجزت
طبعا الاورج جلس عندي اسبوع يمكن واخر شي طفشت وقررت اني ارجعه
رجت السوق ورجعته ولا سالوني ولا شي خذوه وشيكو عليه وعطوني فلوسي بدون اي سؤال
وواحد من الشباب اشترى جي بي اس وقعد معه فتره وماعجبه ورجعه لهم والكرتون حقه مشقوق والكتالوج مايدري وينه وخذوه وعطوه فلوسه بدون سؤال...
يعني بالعربي هنا تتسوق على راحتك وجرب وسوي اللي تبي واذا ماعجبك اللي شريته رجعه وماعندك اي مشكله
لكن تعال عندنا بالسعوديه والله ان يطلعون روحك اذا جيت ترجع شي خخخ...




وفيه شي مهم بالنسبة للي جايين لفلاق ستاف
اذا متوقع انك بتجي وتحصل عائله تسكن عندها اقولك ترى توقعك مو في محله ابدآ...
يعني بتفحط وتحفر عشان تلقة عائله وان لقيت ترى احتمال كبير انك بتتركهم وتنحاش والا تشوف لك حل..

واحد من الشباب السمستر اللي راح نسق مع عائلة قبل مايجي
المهم يوم وصل المطار هنا الظاهر استقبله شايب
طلع هالشايب الظاهر هو لحاله ماعنده عائلة ولاهم يحزنون
المهم يقول ركبت معه ورحنا البيت
وكل شوي بالطريق يقول في نفسه متى نوصل البيت يعني طولو بالطريق
كلع بيتهم في اخر الدنيا وداخل مزرعه الظاهر وبيت خايس منتهي ومعطيه غرفة الظاهر انها بدون نور خخخخخ
والمكان يخوف صراحه والحمدلله انه قدر يطلع خخخخ

وواحد يقول سكنت عند عجوز الظاهر ماعندها احد نسيت والله
وعندها طالب صيني بعد يعني البيت فيه خوينا والعجوز وطالب صيني
يقول المشكله يعني ماقصرنا معها صرنا احنا اللي ننظف ونغسل ونزبط البيت ونرتب وهي بس تطبخ وطبخها خرابيط يعني الله يكرم النعمه وغالي السكن بعد وأي كلام يعني مايستاهل ابدا والعجوز مزاجها لك عليه خخخخخ

وواحد يقول يوم قدمت على المكتب عشان القبول اشترطت ان المدينه يكون فيها عوائل وقالو له ان فلاقستاف بتحصل فيها عوائل كثيرة والمعهد بينسق مع عائله ولايهمك مالك الا اللي يرضيك يقول يعني خلاص وافقت وانا ضامن ان المدينه فيها عوائل يقول وصلت هنا وعينت من الله خير وسكنت في موتيل فتره وتعرفت على ناس ورحت المعهد وطلبت منهم يشوفون لي عائلة
والى يومك ذا مالقيت عائلة مع انه جاي من رمضان خخخخخ
عشان هيك اذا كنت حاط أمل كبير انك بتجي هنا وتحصل عائلة اقولك من الحين انسسسسى ...



وللحديث بقية
نورتو مقدمآ

اهلينــ اخويــ رجهــ

اقلقتنا عليكــ بغيابكــ << انـ شاء الله تكونــ بخير وصحهـ ياربـ

<< متابعهــ اليومياتــ ... ماقصرتــ

بسألكــ يومــ تقولــ فيــ اقصاد انتا تدفعها ولا تتراكمـ عليكــ << ايشـ تقصد فيها بالضبطــ ... يعنيــ كتبــ وزيـ كذا ؟!!

تقبلــ مروريــ

بآك بعد غيآب طويل ...!!


متابعين


اكمل بعدين الشوط الثاني بدى خخخخخخخخخخ بالتوفيق للزعيم

هلا رجه بس رزه كيف حالك حرام عليييييييك والله اني .............

سجلت عشان كود تلاقي ردي وتكلمني يوم عرفت بحالتك الصحيه

ماعاد قريت قضت اظافري من كثر ما اكلها لو الدوله حطيت يوغسلافيا

بس سجلوني باحاول اتواصل معك خاص

ماشاء الله للحين تكتب هههههههههه
انا اذكر اول الموضوع



وبصراحه يومياتك ممتازه


ومتابعين معك

في انتظآرك...



تقبل مروري