تقرير يوميات مبتعث لفلاق ستاف (طآزه) خخخخخ

هلآبكـ والله زود أختي
شاكر لك حرصك والله اختي يطول لي عمرك يارب
الحمدلله بخير مآشي حالي

من ذوقكـ أختي والله

انا قصدي انو احيان يكون فيه رسوم لازم ندفعها احنا ماتدفعها الملحقية يعني مايشملها الضمان المالي ف لازم ندفعها احنا
زي مثلا اول ماوصلنا هنا طلبو مننا نطعم ضد مدري ايش ووقتها تونا واصلين يعني لسى مااخذنا التأمين الطبي
ف حطو فاتورة الابرة على حسابنا بالجامعه ولازم نسددها احنا وكل شهر يمر مانسددها يصير عليها رسوم تأخير..
الشي الثاني بطاقة الجامعه والرحلات اللي مع المعهد وحاجات زي كذا كلها يحطونها على حسابك الجامعي ولازم تسددها
وكل شهر يمر ماتسدد هالمبالغ تتراكم عليك

اتمنى انو وضحت لك هالنقطه اختي


تحياتي لك
اسعدني جدآ مرورك وحرصك
الله يوفقك يارب ويكتب لك الخير وين ماكنتي
نورتي..

يبي لي اغني لك راح الحبيب راح طول الغيبة خخخخخ

حياك ربي نورت
اي والله مبطين عنك
بشرنا عنك عسى ان شاء الله امورك زينهـ


تحياتي خيو
نورت

الى بكرا ان شاء الله ههههههههههه

اي مايحتاج خيو اذكرك
شرفتني والله بوجودك بالموضوع خيو

تحياتي لكـ يالغلآ
نورت

عدنآ...

طبعا اليوم ودي اكشف النقاب عن أمر مهم جدآ ..
عن التأمين الطبي والمستشفيات (طبعا حسب تجربتي الشخصية)
يعني اي كلام يصير غلط او حصل العكس لأي احد لايلومني ويقول انت قلت كذا وكذا انا بكتب اللي واجهته وحصل معي...

طبعا فيه اشياء ماراح اكشفها حفاظا على خصوصيتي .. لذلك اعتذر منكم مقدمآ..


طبعا عندنا بمدينة فلاقستاف مركز صحي بوسط الجامعه ومستشفى كبير بوسط المدينة ..

طبعا انا اعاني من مشكلة تعبتني بشكل فظيع واعاني منها من سنين طويلة ولي مراجعات مع المستشفيات وتنويم ومغذيات وخرابيط ..
مريت على المستشفيات بالسعودية وتنومت كم مره والمشكله يعني احيان يسوون لي تحاليل لكن والله العظيم انهم مايدرون وين الطب فيه اصلا مع احترامي..
نفس الكلام حصل معي في استراليا راجعت مستشفى هناك وسوو لي تحاليل وعلاجات وحبوب وكلها طلعت كلام فاضي..

جيت هنا رحت المستشفى وفتحو لي ملف عندهم واضافو عليه بطاقة التأمين الطبي حقتي يعني مايحتاج ادفع ولا ريال الا بعض العلاجات اللي تنصرف بدون وصفه طبيه هذي انا اشتريها
لانه فيه علاجات لازم بوصفه طبيه تروح للصيدليه والصيدليه غالبا تلقاها داخل السوق وتعطيهم الوصفه وهم يجيبون لك العلاج وتضيفه للتأمين
اما العلاجات الثانية اللي ماتحتاج وصفه تلقاها على الرف بالسوق هذي انت تشتريها عادي .
المهم قابلت دكتور شرحت له الوضع والمشكله اللي اعاني منها وصاني على علاج استخدمه اسبوع كامل واراجع المستشفى بعد اسبوع عشان يحدد المشكله .
فعلا سويت اللي قال لي الدكتور رحت شريت العلاج وداومت عليه اسبوع كامل ورجعت المستشفى..

طبعا حولوني على دكتورة ثانية ماادري وش السبب لكنها ماشاء الله عليها فاهمه واخلاقها عاليه ..
جيت علمتها بالوضع وقلت لها الدكتور عطاني العلاج الفلاني وقالي تعال بعد اسبوع
سألتني هل العلاج جاب نتيجه او لا قلت لا ماجاب نتيجه كأني ماسويت شي ..

قالت اوكيه راح اسوي لك تحاليل دم وبرسلك للمستشفى العام تسوي نوعين من الاشعه
الاول اشعه صوتيه اللي يحطون جل على بطنك ويمررون جهاز زي حق الحوامل ويصورون داخل جسمك<<حسيت ان اسمي حصه هههههههههه

المهم والثاني اشعة مسح للكبد والمرارة..

الموهيم ياطويلين العمر خذو مني اربع عينات دم صراحه العلب كانت كبيره شوي حسيت انهم سحبو دمي كله خخخخ
وطبعا عطتني علاج حبوب وبرضو حبوب ثانية تساعد على النوم لأن عندي أرق يعني عاتي اجلس يومين ماانام احيان اجلس بالساعات اتقلب على الفراش ماانام لكن الله ييسر.
دقيت على المستشفى وحددت معهم موعد عشان اسوي هالفحوصات ومن سوء حظي مااقدر اسوي الفحوصات بيوم واحد قلت مو مشكله احجز اقرب موعد وكان اول فحص يوافق يوم اثنين والفحص الثاني يوم اربعاء على مااذكر

طبعا فحوصات الدم كانت مختلفه شوي يعني مو تحليل عادي كان واحد لكريات الدم والثاني ل الغدد والثالث والرابع مدري لأيش عشان كذا طولت النتايج خذت تقريبا 5 ايام ولكن ياربي لك الحمد طلعت كلها سليمة.

طبعا فحص الاشعه الصوتية طلبو مني اني اكون صايم 8 ساعات يعني اجيهم وانا صايم
وفعلا رحت لهم ودخلت قلتهم ان عندي موعد اليوم خذو بطاقة الهوية وبطاقة التأمين وفتحو لي ملف عندهم ولبسوني اسوارة بيدي مكتوب عليها اسمي كأني داخل ملاهي هههههه
وخلوني بالانتظار شوي الين جت ممرضة ودخلت معها وسوت لي الفحوصات
طبعا حسيت اني بفلم خخخخ
اول مادخلت عندها عطتني هذاك القميص زي حق الافلام اللي مفتوح من ورا قالت افصخ التيشيرت والبس ذا
لبسته وجيت حطت الجل وحسيت اني بنام دايخ وصايم وحالتي صعبه وطبعا الفحوصات خذت ساعتين الا ربع تقريبا ..

والله احس انه وناسه تشوف اللي داخل جسمك ههههههه
كل شوي اسالها وش ذا تقول البنكرياس شوي وش ذا تقول المعده هههههههه
طبعا الصورة مو واضحه يعني مو الحين واحد يقول وش تحس به يبوي ماتنقرف والا شي خخخخ

المهم بعد ساعتين طويله الحمدلله طلعت من عندهم وقالو لي ان التقرير راح نرسله لمشفى الجامعه وهم يعلمونك..


يوم الاربعاء المقرر رحت ل المستشفى عشان الفحص الثاني ونفس الكلام لازم صيام 8 ساعات
وفعلا جيت صايم ونفس الكلام في الاستقبال خلوني استنى الين جا الممرض وعرفني بنفسه وعلمني طريقة الجهاز وان الاختبار راح ياخذ ساعه ونص

طبعا البداية يعطون ثلاث ابر ويخلون راس الابرة داخل اليد الين نخلص الاختبار لانهم بيحتاجونها مرا ثانيه.
طبعا خلوني انسدح على سرير وبعدين دخلوني تحت جهاز وحطوه فوق بطني ونزلوه على بطني ورفعوه شوي يعني مسافه تقريبا 4 او 5 سم
والجهاز يبدا يصور تحركات الكبد والمرارة لمدة والله مااذكر كم بس ان ماخاب ظني انها فوق 45 دقيقة
طبعا تعب يعني يدي مااقدر احركها لان الابرة فيها وجسمي مااقدر احركه لان الجهاز فوقي ومتبهذل وحالتي يرثى لها خخخخ

المهم يوم خلص الوقت شاف اني مو مرتاح قالي بعطيك فتره راحة نص ساعه وبعدها نرجع نكمل قلت اوكيه
وفعلا خذيت راحه رحت اتمشى شوي وهيك وبعدين رجعت
بدا الاختبار الثاني اللي جد جد متعب ومؤلم بشكل فظيع واخذ تقريبا ساعه
من التعب نمت خخخخ
يوم خلص الاختبار صحاني ولعب علي عطاني بسكوت ومويه هههههههه
وقال لي خلاص روح وبنرسل النتايج لمشفى الجامعه .

وفعلا توكلت على الله ورجت البيت وكلمت المستشفى وحجزت موعد اني اقابل الدكتورة عشان النتايج .


طبعا اليوم المحدد رحت المشفى وقابلت الدكتورة وقالت لي بشر الحبوب جابت نتيجه او لا قلت لها الا والله جابت نتيجه والصراحه افضل علاج اخذه من سنين هو الوحيد اللي جاب نتيجه بشكل خيالي ياربي لك الحمد ..
طبعا شفت النتايح وعلمتني وين المشكله وكيف علاجها وان شاء الله علاجها بسيط وحولتني على استشاري وحددت معه موعد ورحت له وعلمني بالتفاصيل والحلول وهيك شغلات وعندي موعد عقب تقريبا شهر نشوف وش الله يكتب وعساه كل خير يارب

طبعا التأمين يغطي كل هالمصاريف الفحوصات والعلاجات ..
الشي الثاني رحت انا واخوي لدكتور اسنان وطبعا بيسوي اشياء كثيرة لأسنانه حشوة وتنظيف ومدري وش خرابيط واجد والجمدلله التأمين بيغطيها كلها الا الحشوة راح يضظر يدفع 35 دولار فقط لان الحشوه نوعين
النوع الاول لونها رصاصي وسعرها 100 دولار والنوع الثاني الحشوة البيضاء وهي الافضل وسعرها 135 دولار
لكن التأمين يغطي 100 دولار للحشوة عشان كذا اخوي بيدفع 35 فقط

يعني اللي يعاني من مشاكل في الاسنان وهيك او مرض او شي يعني دام التأمين موجود والطب هنا ماشاء الله متقدم حتى اجهزة الاسنان والله ماشفناها بالسعوديه يعني متطورين العالم
اللي يعاني من اي شي لايتردد يتوكل على الله ويروح وباذن الله االتامين بيغطي كل شي..


اللي لاحظته ان تعامل الدكاترة والممرضين عموما والله العظيم تعامل راقي جدآ ويخدمونك باللي يقدرون عليه ومقدرين وضعك الصحي ومقدرين ان اللغه على قدك ومستوى النظافه جدآ عالي
يعني الواحد بعد الله سبحانه يتأكيد انه بين أيدي أمينه
مو زي (بعض) مستشفياتنا والله العظيم تدخل وانت فيك شي بسط يقومون يطلعون فيك امراض الدنيا كلها ..


طبعا انا ترددت في كتابة هالسالفه لكن حبيت اوضح تجربتي مع المستشفيات والتأمين...

على العموم دعواتكم ان الله يكتب الخير

تحياتي لكم مقدمآ
نورتو...

سلامات وماتشوف شر ... بالعكس افدتنا بتجربتك ... يعني سالفة اني بحتاج أشعه وتحاليل تخرع لو فكرت من الناحية المادية ,,, لكن انت طمنتنا ان التأمين الطبي يغطي كل شي ... حتى الحشوة البيضا حلو انك نبهتنا على موضوعها

بالعكس جزاك الله خير

تحياتي

شفاكــ الله اخويــ وطهور انــ شاء الله

انتــ اهمــ شيــ انتبهــ لصحتكــ << نعرفـ الغربهــ كيفــ تتعبـ النفسيهــ لاتزيدها بالجسديهــ

والله يجزاكــ الجنهــ علىـ المعلوماتــ المهمهــ

لانيـ وبصراحهــ عنديـ مشكلهـ برضوا وبقدر الامكانــ اسويــ مواعيديــ كلـ اسبوعـ معـ انهـ ماينفعـ لانيـ بكذا بتعرضـ للاشعهـ اسبوعياً

لانيـ كنتـ مفكرهـ ابيـ اخلصـ قبلـ اسافر بسـ منـ كلامكـ هذا طمنتيــ بكملـ علاجيــ بأذنـ الله هناكــ

الله يوفقكــ ويكتبــ لكـ الخير وينــ ماتوجهـــ

سلامات اخوي ..ماتشوف شر

بس ماقلت لنا لو الواحد بيعمل ليزر او يعمل عملياات تجميل ..عادي برضو ع التأمين ؟

أسأل الله العظيم أن يشفيك.

خالص الودّ لكـ..

تقبل تحياتي..

الله يسلمك يارب ويعافيك
الشر مايجيك يارب
اي والله تخرع من الناحية المادية وخبرك مكافآتنا الله بالخير على قدنآ
لكن الحمدلله التأمين بيغطي كل شي

آمين يارب ويجزآكـ خير
الله يوفقك يارب وييسر أموركـ كلهآ وييسرهآ لك ويكتب الخير وين ماكنتي

تحياتي لكـ

اخواني الكرام السلام عليكم ورحمة الله

زوجتي جاتها بعثة لامريكا وبالتحديد لجامعة اريزونا الشمالية بفلاق ستاف فودي احد يفيدني عن اسعار الايجارات مع العلم ان عندي 4 اولاد 2 اقل من سنتين والثالث 3 ونص والرابع 5و نص وايضا كيف اسعار الحضانات

مع انهم قالوا لي تقدر تغير الولاية لو تبي فهل اغيرها ولا هذه ممتازة ارجوا افادتي
ابويزن

king-jeddah1403@hotmail.com
من يستطيع افادتي او التواصل معي عبر الايميل لأني حاااااااايس