تقرير يوميات مبتعث لفلاق ستاف (طآزه) خخخخخ

الله يعافيك والله
وجودك الاروع والله
تحياتي لكـ
شآكر لك مرورك وتعليقك

وجودكـ الاروع والله
دائما يسعدني مرورك
هههههه لا عادي والله يعني الوقت اللي ينزل فيه الثلج عادي مو برد
بس اذا وقف الثلج يبدا يبرد الجو توصل برودته لدرجه خرافيه
الله يعينك يارب ويوفقك ويكتب لك الخير وين ماكنتي

تحياتي لكـ
نورتي

لو سمحتم كيف أعرف رصيدي الشركة اللي معاي تي موبايل t-mobile مسبقة الدفع

اتصل على الرقم #999#

السلام عليكم اخوي رجه

اتمنى منك عزيزي تعطيني معلومات عن مدينة فلاق ستاف وجوها في الفصول الاربع ومواسم الامطار وطبيعة لاني شفت صور ثلوج في قوقل وبالموضوع وماتوقعت أن مدينة في ولاية اريزونا تسقط الثلوج عليها

وياليت تعطيني عن الجامعه ومعهدها وتواريخ الدراسة فيها

وشكرآآآآآآآآآآآآآ

توها تشوف الصور ......>>> مع اني ما حب البرد بس شوقتني أشوفه >>> والله من الشمس اللي طبختني اليوم بريفرسايد
سبحان الخلاق ... شي روووووووووعه
يعطيك العافيه لاتحرمنا جديدك ... مع اني مالي دخل بالموضوع

متابعك منذوو مبطي ..
واتمنى انك بصحه وعافية , وانك مرتآح بالمدينة

انا ان الله وفقني يوما ما وطلعت , مستحيل اطلع لديرة فيها ثلج ..
ما احب البرد ..


.

وعليكم السلام ورحمة الله وبركاته
اول شي اسف على التأخير في الرد والله لا ليلي ليل ولا نهاري نهار

ماادري انت شخص او شخصه هههههه
على العموم فلاقستاف مدينة صغيرة في ولاية اريزونا وهي طبعا مرتفعه جدآ عشان كذا باردة اغلب المواسم
لكن الصيف يعتبر رائع يعني مو ذاك الحر اللي يشوي بالعكس تعتبر حرارته حلوة يعني دفا بالعربي
يعني في الظل راح يكون اوكيه لكن تحت الشمس الله يعينك لأن شمسهم اعوذ بالله حارره
طبعا فيه امطار على مااذكر لكن الثلوج أكثر
يعني هالسنه الحمدلله صحيح انه جانا ثلوج لكن مو زي السنه اللي راحت
يقولون ان السنه اللي راحت اضظروا يقفلون الجامعه عشر ايام حسب ماسمعت بسبب الثلوج

طبعا اصحح معلومتك اريزونا ولاية صحيح انها حاره لكن فيها مدن كثيرة باردة او معتدله وتنزل فيها الثلوج بالشتاء
طبعا فلاقستاف ابردهم بحكم ارتفاعها

الجامعه تعتبر قوية وخاصه في مجال الادارة والبزنس حسب مااعرف وكبيرة مرا وفيها باصات داخل الجامعه ومطاعم وملاعب وحركات حلوه

المدينة تعتبر صغيرة لكنها الحمدلله آمنه جدآ
السكن يعتبر غالي نسبيا مقارنة بالمدن الثانية
ان شاء الله كل شي متوفر بالمدينة
لكن مافيها ترفيه يعني مثلا حدائق وملاهي وخرابيط
يعني نقول انها مدينة دراسه

المعهد ك تدريس يعتبر قوي وبرضو المدرسين كويسين مرا
لكن المبنى لك عليه مو ذاك الزود
بس حسب كلام مدير المعهد انه مع الترم الجاي ان شاء الله راح ينتقل لمبنى جديد

طبعا فيه الستمستر الصيفي راح يبدا ان شاء الله بتاريخ 6\6 ميلادي
والسمستر الجاي اللي بعد الصيف راح يبدا على مااعتقد بشهر 9 ميلادي والله أعلم
يعني بالضبط ثاني ايام عيد الفطر تقريبا ..


ان شاء الله اكون افدتك واذا فيه استفسار ثاني ان شاء الله مو مقصر


الله يوفقك يارب ويكتب لك الخير ويرزقك وييسر امورك كلها
تحياتي لكـ
واسف على التأخير مره اخرى

هههههههه الله يعينك والله ياوخيتي على مابلاكم
الله يعافيك يارب ويوفقك وييسر امورك كلها ويرزقك ويكتب لك الخير وين ماكنتي ياحي ياقيوم
الموضوع موضوعك وانا اخوك

تحياتي لك
نورتي

حياك ربي M O H A
شاكر لك متابعتك المبطيه <<< ههههههه
اللهم لك الحمد ياربي بخير وبصحه وعافيه دام انت وهالوجيه الطيبه بخير

ههههههههههه
والله ياخوك انا بعد ماكان ودي بهالبرد ولا احبه والثلوج لكن وش نسوي هذا الي الله قدرنا عليه

على العموم نقول الله يوفقك يارب ويكتب لك الخير وين ماكنت ويستر عليك يارب
تحياتي لك خيو وشاكر لك مرورك وردك العطر

نورت