تقرير يوميات مبتعث لفلاق ستاف (طآزه) خخخخخ

ياناس وش اخبار عزوز وش علومه مع الدراسه وووووووووش جديده

والله ماسجلت في الموقع الى لأشكرك
ألف ألف شكر والله انك فكيت أزمه بنت كلب جاوبت على أسأله محيرتني في تقرير يومياتك لي ثلاثه أيام أقراء وألخص ههههههههه
الله لايحرمك الاجر ماتصدق والله ان لي شهر أبحث عن هذي المدينه وما حصلت الي أبيه وأنت ماشاء الله عليك وفيت وكفيت وبزياده ........

بس عندي سؤالين
1- وش رأيك في السكن الجامعي وهل فيه امكانيه
2 -كم مده اللفل الواحد للانقليزي

والله لوأنت قدامي لأبوس رأسك
من جد شاكرلك والله يوفقك

ههههههههههه
هلاااااااااااااااا والله وسهلاااااااا ومرحبتين
يالله حيه
ابد والله هذانا نداقش مع الدراسه ههههه
ابد والله لاجديد
انت بشرنا عنك شخبارك شعلومك وينك منذو مبطي يارجل
بشر وش صار عليك وش سويت وش ماسويت بتجي والا لا

الشكر لله ياخوك
عافاك ربي والله ولو العفو والله ماسويت الا الواجب يالغلا
ههههههههههههه
اختبار اجل هههههه
اللهم آمين يارب ولايحرمك الاجر
الحمدلله انك طحت بالموضوع والحمدلله اني قدرت افيدك ولو بشي بسيط
والله بالنسبه للسكن الجامعي هنا في فلاقستاف انا ماجربته لكني دخلته لان فيه واحد من الشباب كلمني قالي اني نقلت لسكن الجامعه وابي توديني له ورحت معه ودخلت السكن
طبعا تسكن مع روميت (شريك في السكن) وتبي الصراحه عشان اكون واقعي
الغرفه كأنك داخل سجن يعني تدخل فيه سرير يمين وفيه سرير بالوجه على طول
وطبعا الحمامات الله يكرمك مشتركه تكون
وطبعا خوينا هذا كان متبهذل ونقل من السكن او من الغرفه ثلاث مرات تقريبا
ف هي وحده من ثنتين
اما انه هو ماعرف يتفاهم معهم او ماقدر يتصالح معهم ويكون هو السبب
او ان السكن مع روميت وسكن الجامعه مو كويس
وانا والله مااقدر افتيك لاني ماجربت ..

بالنسبه ل اللفل الواحد مدته ياطويل العمر سمستر كامل وكل سمستر يعادل تقريبا اربع شهور
لكن كل نهاية سمستر يكون فيه اختبار تحديد مستوى ودخولك لهالاختبار قد يؤهلك انك تنقل مستوى او مستويين او انك ممكن تدخل الجامعه اذا كانت درجاتك كويسه ..

اتمنى اكون افدتك اخوي
الله يوفقك يارب ويرزقك من عنده ويكتب لك الخير وين ماكنت
و مايحتاج تبوس راسي رحم الله والديك
بوس راس والديك واعتبر انها وصلت..

تحياتي لك خيو
نورت

ابشرك امووووري تمام باقي على سفري تقريباً اسبوعين ... دراستي في ولاية تكساس مدينة أوستن .
الدراسه في 31 / 5 ولاينقصنا إلا شوفتكم .

انت بشرني وين وصلت في دراستك انت واخوك ؟

ماشاء الله تبارك الله
والله ودنا بشوفتك ونقعد وياك وناخذ علومك وانت الشهادة لله تعاملك راقي واخلاقك ماشاء الله راقية ياخوك وانا والله سعيد بمعرفتك وعسى الله يكتب اننا نتقابل .


والله هذانا ماشين يالله لك الحمد ياربي وباقي هالاسبوع وعقب ااجازة شهر وعقب ان شاء الله صيفي 10 اسابيع وبعد كذا ان شاء الله شهر بالسعودية رمضان مع العيد بإذن اللي ماتنام عينه.
ونقول يالله من فضلكـ.

الله يوفقك بدراستك ..
انت ترجع برمضان انا اروح خخ ..

الا كيف وضع Tempe كانك زرتها .. لاني بدرس فيها ان شاء الله بجامعة arizona state university

امين يارب ويوفقك
هههههههه
حياك الله والله بتنور امريكا

والله تمبي حلوة صراحه
طبعا تمبي وفينيكس وفيه منطقة ثالثة نسيت اسمها كلها تقريبا قطعه وحده عرفت
يعني زي مثلا نقول العليا والشفاء والربوة <<< ابوك تشبيه هههههه

وفيها طبعا مواصلات تراين (قطار ) وباصات
وفيها منطقة الداون تاون مره حلوة اسواق ومجمعات ومطاعم عربية فيه مطعم تركي صراحه كلام كبيررررر
ومااقدر اعطيك معلومات اكثر والله لاني اجي للمطعم التركي وكوفي وصلى الله وسلم

ان شاء الله تحصل موضوع عنها كامل بالمنتدى ويفيدونك فيها اكثر الاخوان

تحياتي لك خيو
نورت

الله يعطيك الف عافيه ويوفقك ربي في دراستك
اخي العزيز المكتب اللي عطيته أوراقي جابلي قبول بجامعة نورث أريزونا علما ان تخصص صيدلة بس قريت في موقع اخر ان ذي الجامعة مافيها تخصص صيدله واللي تدرسه كيميا ء اذا عندك اخوي اي معلومة تفيدني ارجوك لاتبخل عليه ولك خالص الشكر

للرفع ياجماعة الخير ردوا علي يجزاكم الجنه up up