تقرير يوميات مبتعث لفلاق ستاف (طآزه) خخخخخ

August 23rd, 2010, 07:25 AM

السسسسسسسسسلام عليكم ورحمة الله وبركاته
اللي بالسعوديه اقولهم يالله صباح خير وصبحكم الله بالخير خخخخخ
واللي هنا بفلاقستاف اقولكم مساءكم ورد و جو اوكيييييييييه....

بهالموضوع ان شاء الله بكتب يومياتي ابتداءا من يوم الثلاثاء 17\8\2010 اللي هو الثلاثاء الاسبوع الماضي

طبعا كنت في التعليم العالي الصباح انا واخوي
واستلمنا امر الاركاب ورحنا للطيار عشان نطلع التذاكر
سألنا عن الخطوط السعوديه قال لنا مافي حجوزات الا اخر الشهر
وسألنا عن القطريه قال مافي الا بعد اسبوع
وطبعا دراستنا تبدا الاثنين يعني مافي مجال ابد
قال لنا مافي الا الالمانيه والفرنسيه
خذينا ياطويلين العمر الالمانيه واللي راح تكون الاربعاء بالليل ليلة الخميس الساعه 2و 40 دقيقه الفجر
وتكون على خط سير من الرياض الى فرانكفورت المانيا وبعدها واشنطن يومين وبعدها لمدينة فونكس وبعدها لفلاقستاف مدينتنا










طبعا وصلنا مطار الملك خالد الدولي على الساعه 12ونص تقريبا بالليل
رحنا ياطويلين العمر نبي نقص البوردينق وحطينا الشنط نبي نوزنها طلعت وزن زايد
قلنا له يارجال مشها قال مااقدر
المسموح لكل شخص شنطتين كبيره وزن الوحده منهم 23 كيلو يعني معك ياطويل العمر شنطتين يكون مجموع وزنهم 46 كيلو
ومسموح لك برضو شنطة صغيره (هاند باق) وزنها 7 كيلو
طبعا معي ينطه كبيره وزنها 25 كيلو مشاني قال لي اوكيه والشنطه الصغيره كان وزنها 10 كيلو وبرضو مشاني يها ياربي لك الحمد
تخوي كان معه الكبيره وزنها 28 والصغيره 13 كيلو رفض يمشيهم
قلنا طيب والحل
قال شوفو هذا المحل الصغير عندهم كراتين خذو لكم كرتون على حسب الوزن اللي تبونه وخلوه يغلفه لكم
طبعا اخذنا كرتون وسط مع التغليف ب 25 ريال

المهم يوم جينا عنده طلعت وزنها زايد شوي بس مشاهم لنا
المهم قصينا البوردينق وودعنا الاهل وتوكلنا على الله للطياره.....








ركبنا الطياره الالمانيه وكانت من نوع ايرباص 330 الظاهر

المهم تاخر شوي بالاقلاع يعني اقلعنا تقريبا الساعه 3 ان ماخاب ظني
المهم شوي جابو لنا سندويشات وعصير خخخخخخ
مالكم بالطويله
الرحله كانت من الرياض الى فرانكفورت 5 ساعات ونص
وصلنا المانيا الساعه 9ونص اتوقع صباحا بتوقيت السعوديه يعني الساعه 8 ونص بتوقيت المانيا
والترانزيت كان ساعتين
المبنى اللي نزلنا فيه كان مره ماشاء الله روعه وفاضي
جلسنا شوي وعقبها قلنا ياولد خلنا نروح عند البوابه عشان نكمل رحلتنا
طبعا وصلنا لنهاية المبنى ولقينا درج
طلعنا مع الدرج لقينا شرطيه سالناها عن المبنى قالت استنو هنا الين يجي التراين يوديكم للمبنى الثاني
التراين طبعا زي ماهو معروف قطار
تخيلو مطار فيه قطار يوديك للمبنى الثاني..!!
بالضبط زي مطار الملك خالد <<<هههههههاي

المهم وصلنا المبنى الثاني كان لازم ننزل درج عشان نروح للبوابه
والله ياكانت زحممممممه غير طبيعيه عند التفتيش
مدري من وين جو هالناس خخخخخ
قبل شوي كان المبنى مره فاضي من وين طلعو هالعالم


المهم وصلنا للتفتيش
اخوي كان معه في شنطته الصغيره الهاند باق كان معه شامبو وصادروه عليه
ممنوع تحط اي سوائل او عطورات او شامبو في الشنطه الصغيره اللي تركبها معك الطياره

المهم فتشونا وخلصو وعقب رحنا للبوابه وركبنا الطياره اللي كانت ايرباص 340
وكانت رحلتنا الى واشنطن لمدة 8 ساعات ونص ....




طبعا بحمد الله وصلنا واشنطن ......

• نشر عبر تويتر
• نشر عبر فيسبوك
• نشر عبر جوجل