تقرير العيد في فلاقستاف... ادري موضوع متأخر خخخخخ

عدنآ
خخخ



طبعا اول شي اعذروني على رداءة الصور
بلاك بيري مو وجه تصوير خخخخ










هذا المبنى تبع المعهد






المدخل الثاني
طبعا فيه مدخل مخصصينه للحريم...









حضور مميز للأطفآل..









أحلى شي الزي الرسمي السعودي....
طبعا الاشخاص اللي وراه رفضو اطلع صورهم
بعدين تراجعو قالو يارجال خلاص صور ههههههه

















طبعا سعوديين وامارتيين وكويتيين الظاهر وعرب واجد ومسلمين وغيرعرب وبرضو بعض المدرسين بالمعهد...





يالبى الثوب بس ...
















طبعا هالكلاس اللي نصلي فيه دايم
وبرضو الجمعه وهذي سجاداتنآ...



نفس الكلآس...







للحديث بقيه....

اممممم..طبعا ياجماعة الربع العشاء كان زي ماقلت لكم مجهود شخصي
كانت الفكره بعد مايجمعون الدراهم يروحون ل فينيكس وهي مدينه تبعد ساعتين تقريبا بالسياره
ويروحون للمحلات العربيه هناك ويشترون اغراض
دجاج حلال ولحم ورز وماني عارف ايش
ويشوفون العائلات اللي عندهم استعداد يطبخون ويعطونهم الاغراض وكل شي يبونه وهم يقومون بالتجهيزات
والله العظيم ماشاء الله تبارك الله الله يجزاهم خير ابد ماقصروا
رز ثلاث انواع ومكرونات ومرقات بعد خخخ
فواكه عصيرات دجاج سلطات
يعني والله كفى وزياده ..
ماهقيت ابد انه بيكفي
فعلا ماشاء الله كلام كبير والله..

طبعا كل الصور اللي عندي قبل يكتمل العشاء..
يعني باقي اشياء لسى بالطريق بس ماامداني اصورهم..










طبعا هذا شيخنا الله يحفظه ويجزاه خير
هو ماشاء الله اللي ينسق وكذا
وهو اللي صلى بنا العيد..





صور من الموجودآت...





الشيخ دحمآن...

يسمونه الشيخ دحمان
مدري صراحه وش جنسيته
بس مسلم وله جهود مره كويسه
هو اللي حريص يجمع التبرعات عشان المسجد وكذا...
عافاه ربي..




طبعا زي ماقلت لكم هذا شوي من الموجود
والباقي لسى بالطريق..











طبعا هذا ابو ابيض هو اللي يصلي بنا الجمعه..





حضور مميز للجح (الحبحب) هههههههه
وبرضو مانسونا من الحلا تورته وجلي ومدري وش بعد...




وفي النهاية العصيرات..









طبعا بعد العشاء جلست اسولف مع واحد من الشباب المتزوجين
واللي كان له والله مجهود كبير كبير صراحه هو وعياله الله يجزاهم خير في التجهيز والطبخ..
فعرفت منه انه مجهود شخصي وانهم نزلو فينيكس عشان الاغراض وتوزيعها وكل هاالامور







طبعا هو وامثاله ناس ينحطون على العين والراس والله
ناس خدومين
يحبون العاادات والتقاليد ويحثون على تطبيقها
قالي تدري انو الهدف من هذا كله الجمعه والمعرفه والوناسه وان الواحد يحس انه بين اهله
يعني لما يشوف الناس مبسوطين وبثيابهم ويحتفلون بالعيد يعوضه عن بعده عن اهله
وفوق كذا يقول لما الاجانب يشوفون انو ديننا دين جمعه ومحبه وألفة كلن يسلم على الثاني وينبسط وياكلون سوا كانهم يد وحده يكبر في عينهم الدين الاسلامي ونسأل الله ان عقب هالجمعه انو يحنن قلب احدهم ويسلم بسبب هالجمعه...

وفعلا تفكيره مره منطقي الله يرزقه والجميع على قد نيآتهم...



اخيرآ... أحب اعتذر عن التأخير بالموضوع
وعلى رداءة الصور وقلتها.....



اتمنى انو عجبكم التقرير ولو انه مو قد المقام لكن آسف جدآ
وان شاء الله القآدم احلى....


وأتمنى أتمنى من كل قلبي اذا فيه احد من اهل فلاقستاف وعنده صور أنه ينزلها هنآ...

وتحياتي لكم جميع...

مو مشكله التآخير آهم شيء آنك وريتنا ههههههههه

والله مجهود تشكرون عليه وعمل رآآئع جدا

الله يوفقكم ويسهلها عليكم يآآآرب

وآحلا شيء الزي السعودي ههههههه

بس العيد ماصادف 11 سبتمر وآلا 10؟؟ ماني متآكد >>>يعني ماحسيتوا بخوف لما لبستوا الثياب وقآلوا شبهه الامريكان

جآآآينك يآ آمريكا آن شاءالله

تقبل مروري آخوي

أخوي أنت قاعد تعتذر عن التأخير وما أدري إيش...
اللي يقرا لك يقول العالم هنا زحمة على مواضيع العيد في فلاقستاف...


بس هذا من طيبك وحرصك..
ما قصرت والله
صور حلوة
وتخلي الواحد يحس بالأمان والله ويفرح بهالمناسبات الدينية..


الله يوفقك ويجزاك خير

متاخر ولا مهو متاخر اهم شي ان موضوعكـــ صرااااااحة ابداااااااااااااااع

الله يعيطك العافية

متاخر ولا مهو متاخر اهم شي ان موضوعكـــ صرااااااحة ابداااااااااااااااع

الله يعيطك العافية

الله روعة عيدكم بصراحة من جد فيه ريحة السعودية
مو العيد هنا في سياتل يجيب الهم اعوذ بالله ...
بس مو مشكلة العيد عيد القلب زي مايقولون ..
كل وانتم بخير ولوانهاااا متاخره شوي.......

هههههههههه
هلا والله خيو حياك
العفو خيو ماسوينا شي
اللهم امين يارب ويوفقك والجميع ويسر امورنا واموركم اجمعين
من جد يالبى الزي السعودي والله
الا والله صادف 11 سبتمبر ههههههههههههههههه

لا والله مادققنا في هالمساله اصلا
ثاني شي يعني الشعب كويس هنا واغلبهم مثقفين وكذا وعارفين انو العيد يعني واحتفال وكذا
يعني الحمدلله ياربي مشت امورنا في السليم
والله فيه شوية خوف مااكذب عليك بحكم اننا يعني مشينا ثلاثة لحالنا لكن الحمدلله ياربي مشت الامور تمام التمام



والله حياك ربي وبتنور امريكا بجيتك خيو
تحياتي لك
نورت

اعذرني على الاسلوب لكن انت وش حارق رزك خخخخ
يعني انا انسان حسيت اني مقصر وبقوة في حق الناس اللي اجتهدت وحرصت وطبخت ونسقت انو العيد يكون ان شاء الله على اكمل وجه
واعرف كثيرين يستنون الموضوع ويستنون صورهم تنزل وحريصين عليه لكن انا مقصر ولعل الاعتذار وتكراره يكفيهم ان شاء الله
ويمكن انت مايهمك تعرف عن فلاق ستاف والعيد فيه لكن غيرك يهمه وبقوه..
وتبقى وجهة نظر حبيب قلبي

ومن طيبك وطيب اصلك يالغلا
والحمدلله زي ماتفضلت انت ان الواحد يحس بالامان

امين يارب ويوفقك ويجزاك خير وينور دربكـ

تحياتي لك
نورت خيو