طلاب جامعة كاليفورنيا سانديجو UCSD

جزاكم الله خير على المساعدة

هلا فيك اختي

بالنسبة للسكن في لاهويا فهو غالي وكمان العقود عندهم طويلة ، ولكن هناك مناطق قريبة من المعهد تقريباً 15 دقيقة بالسيارة وبالباص تقريباً 40 دقيقة فلو حابة تسكني فيها فهي منطقة كلير مونت تقدري تسألي عنها وتروحي لها وان شاء اللة تلاقي السكن المناسب .
لو تروحي للمعهد وتسألي عن الأخ : عبداللة الفيفي - هو احد الأخوان اللي يقدر يساعدك انتي فقط قوليلة انك من طرف ابو بدر وان شاء اللة ماراح يقصر معاكي .

واي استفسار ثاني انا حاظر .

لو سمحت ممكن تعطيني رقمو على الخاص لانو اليوم انا مررة مشغولة ولا اقدر اروح الجامعة البنك مو راضي يفتح لي حساب لاني احمل الجواز الامريكي وما معي سوشل سكيورتي و لازم امر السوشل سيكيورتي عشان اطلع لي رقم وغير كذا كل ما اروح محل يسألوني عنو
الحمد لله هاذا خامس يوم لنا واحنا من فندق لفندق ولا حصلنا شقة واذا حصلنا الدخل السنوي حقي (اللي موجود في ورقة الملحقية) ما يكفي في نظرهم عشان يأجروني و السبب في انخفاض الدخل كمان هو انهم ما اضافو مكافأة مرافقي لمكافأتي علما باني كنت في الملحقية في واشنطن ووالدي معي و مع ذلك ما اضافوه وما اكتشفت هاذا الا اليومين بس ايش نقول الحمد لله الفنادق اكلتنا ندفع يوميا ما يقارب 250 دولار اضربها في خمسة وشوف قد ايش صرفنا لما دحيين بس سكن غير الامور الثانية
احتاج مساعدة الله يخليكم
وجزاك الله خير اخي ابو بدر

هلا فيك اختي
ومن واقع تجربة مع حالة مثل حالتك في موضوع السوشل سيكيورتي فموضوع استخراجة يأخذ وقت ويطلبون اقل شيء 20 اثبات لوجودك على قيد الحياة وتكون باللغة الانجليزية واثباتات رسمية مثل شهاداتك الدراسية واي شهادات دورات حصلتي عليها ، اذا كنتي من مواليد امريكا وكل سنين حياتك بالسعودية ، وافضل طريقة ليكي للسكن بدون السوشل ان يكون مع والدك كشف حساب بنكي .
على العموم بالنسبة لفتح حساب بالبنك فتقدري تفتحي حساب في بنك شيس بنك فهم سهلين اكثر ولكن حاولي تروحي للمعهد وتستخرجي بطاقة الجامعة من المعهد لكل الطلاب يصرفونها راح تنفعك بحيث يكون لديك اكثر من اثبات .
راح ارسل لك رقم الاخ عبداللة على الخاص
ولا تترددي من السؤال عن اي شيء
وبالتوفيق

انا فعلا رحت للسوشل سكيوريتي وفعلا طلبو مني اثباتات للسنوات اللي راحت كلها في السعودية كل سنة باثبات )))))))) شهادات و اشياء ثانية الله يعين بس و برضو على حكاية كشف الحساب هاذا اللي بنسويه ان شاء الله بس شكلو تحويل مبلغ من السعودية لهنا راح ياخذ وقت بما انه اليوم اهلي ما قدرو يحولولنا بمناسبة اليوم الوطني اعاده الله علينا وعليكم بالمسرات و بكرة ويك اند مدري فيه احد يفتح في الويك اند عندنا والا لا و اليوميين اللي بعدها ويك اند هنا برضو يعني شكلنا كذا يقول اننا بنجلس شهر في الفندق الله يعين بس
و حكاية مكافأة المرافق هاذي مدري تمشي بسرعة لو جبتلهم اثباتات والا بيجلسو يمرمطوني فوق ما انا ممرمطة الحمد لله على كل حال
جزاك الله خير اخوي ما قصرت

بالنسبة لموضوع السوشل فراح يأخذ وقت ، بالنسبة لكشف الحساب فمافية مشكلة يكون كشف الحساب من حساب والدك في البنوك السعودية ، بالنسبة للمكافأة فعلا طول اذا ثبت ان والدك متفاعد او متسبب في بطاقة الاحوال اقصد مهنتة ، وراح تنزل لك بسرعة ان شاء اللة .

المشكلة انهم ما يبغو كشف حساب الا من بنك من بنوك امريكا و قالو كشف حساب من خارجها ما ينفع وما اعرف السبب و رحت لبنك شيس و فعلا طلبو اكثر من اثبات بس اكدو على السوشل سكيوريتي وقالو لي ممكن نفتح لك حساب بحيث نكتب في خانة السوشل سكيوريتي عندهم اصفار عشان يمشي في السستم حقهم بس قالو ممكن يتقفل حسابك فجأة اذا اكتشف البوس. الحمد لله الكثير يحسد من يحمل الجنسية الامريكية و لكن انا احسد من لديه جنسية سعودية فقطانا جالسة اقول لو انا ذكر ايش راح يكون مصيري الحمد لله لا حساب ولا شقة احد يأجرني هي بس الله يخليلي والدي اللي معي فتح حساب باسمو وبكلم الملحقية بكرة اذا ممكن يحولولي المكافأة على حسابه و عندي اثبات بانه متقاعد من عمله و الله يعين
وجزاك الف خير ان شاء الله

شوفي انت ارسلي للملحقية الشيك الملغي حق احساب ابوك للملحقية على انة حسابك وعبيء النموذج حقهم وحطي رقم حساب ابوك على انة رقم حسابك وبدون ماتبلغينهم وراح تنزل المكافأة في الحساب اللي ارسلتي لهم رقمة وشيكة الملغي وبدون ماتبلغينهم واذا فتحتي حساب باسمك في البنك ارسلي لهم بيانات حسابك وقولي لهم انك لخبطتي في البداية بين احسابك وحساب ابوك ولا اكتشفتي الموضوع الا بعد مانزلت المكافأة ، ولا تكلمينهم فممكن واحتمال كبير انهم يرفضون وتتعقد امورك اكثر ، بالنسبة للبنك فلو جبتي لهم بطاقة المعهد كاثبات ثاني لك وعقد الشقة كاثبات ثالث راح يفتحون لك حساب ، بالنسبة للبنك روحي لبنك ويلزفارقوا وقولي لهم انك مرسولة من النادي السعودي بساندييغو وان شاء اللة راح يساعدونك ، احنا في النادي في رمضان سوينا معاهم اتفاقية فتح حسابات للطلاب المبتعثين السعوديين .
بالنسبة لموضوع كشف حساب والدك ففية مجمعات تقبل فية .

وبالتوفيق

جزاك الله خير اخوي ما قصرت والله وان شاء الله ربي يفرجها وتعدي الازمة هاذي الله يكثر من امثالك